قراء "صدى البلد" : إن ما خدش العادلي إعدام قولوا على العدالة.. السلام

أثارت تصريحات وزير الداخلية السابق أثناء المحاكمة عندما قال: إذا سمحتم لى سيادتكم.. أريد أن أتحدث عن بعض الجوانب الهامة، وأقول إن كل التحقيقات التى تمت بمعرفة النيابة والمحكمة، قد أظهرت الحقائق أمام التاريخ، وأقسم بالله العظيم أن ما أقوله هو الحق وليس التنصل من جريمة القتل " اهتمامات وتعليقات قراء صدى البلد.
وقال القارىء محمد فاروق: بفضل الله توقف عهد الارهاب وبدأت معدلات السرقة وشعور المواطنون بالغنى الفاحش وكل مواطن يملك فيلا فى مارينا وشقة على الدائرى ومفيش موت على طابور العيش وكل مواطن يأخذ "مرتب عالى".. فالناس تعبت من الفلوس فقاموا بثورة، فأنت والرئيس المخلوع وشلة الحرامية قتلتم الثوار علشان هم تعبوا من الفلوس والحياة الكريمة ومعاملة الشرطة الفل.. منكم لله.
وعلق أحمد عبدالصمد : أنا من أولاد البلد التي وصفها محمد حسني مبارك بأنها بلده وأن شعبها أهله .. يا سيادة الفريق محمد حسني مبارك أنا متغرب عشان مكنش في فرصة في بلدي إني أعيش فيها.. بيتي أتسرق وأنا في الغربة عشان السجون اللي اتفتحت والبلطجية عاثوا في الأرض فساداً والدي يعاني المرض وهو في السبعين من عمره وهو ليس رئيساً سابقاً كي يعالج في المركز الطبي العالمي، وابن أخي توفى في الغربة لأن سفير سعادتك لم يقف بجانبه ليتم علاجه بشكل يليق بجنسية فلبيني يارب يديك على قد اللي أديته للبلد .. يارب تلاقي نفس العلاج بالظبط اللي وفرته للشعب اللي بتقول عليهم أهلك يارب تعيش بنفس الراحة اللي ريحتها للشعب اللي حكمته 30 سنة.. يارب تتعامل في السجن بنفس الطريقه اللي اتعامل بيها كل برئ اتسجن ظلم في عهدك.
وقال على مصطفى غازى: لاحول ولا قوة إلا بالله إنا لله وإنا إليه راجعون.
وعلق جهاد عبدالله قائلا للعادلى: إن ما أخدتش إعدام قول على قضاء مصر السلام.
وقال محمود عبدالعزيز فهمى الحماقى: قصدك بدأت معدلات السرقة لصالح عصابتكم تزداد وبدأ الفساد ينمو يوما بعد يوم.
وعلق محمد المصرى: ياراجل ده كلام.. انت جاى الحين وتقول كده احنا عوزين الحقيقة ولاغير الحقيقة عندك.
وقال محمد العابد: انت معاك حق بس انت افتريت وعلشان كدا كان لازم بس تقعد 4 سنين فى منصبك مش 89 سنة بس.
وعلق:سيد محمد أين هي المفاجأة في القضية والتي قال إنه لديه مفأجاة.
وعلق أياد اباظة قائلا: يا راجل ههههههههههههههههههههههههه
أما محمد أبرهيم قال يعني قتلنا علشان بيحبنا.
وقال أحمد عواد تمخض السفاح فولد بهتانا وزورا ربنا هو اللى حيحاسبكم حساب عصير.. اذهبوا إلى الجحيم.
وعلق أبوشهاب عبده: أمال التعذيب والقتل والتنكيل فى السجون على مرىء ومسمع من الجميع كان بيد وزارة الصحة إن شاء الله إعدام.
وعلقت لمياء الخولى: قالو للحرامى احلف قال جالك الفرج يا راجل قسم الله برئ منك.
في حين علقت جيجى لامور قائلة: أكيد اللى حصل ده يا معالى وزير العدل حصل وحضرتك كنت نايم ولا حساب على من كان نايم.