بالفيديو.. "المكالمة" أحدث قصائد "هشام الجخ" تتخطى ال 15 ألف مشاهدة خلال ساعات

أطلق الشاعر هشام الجخ أحدث قصائده على موقع "اليوتيوب" والتى تحمل عنوان "المكالمة" حيث تخطى عدد مشاهداتها ال 15 ألف مشاهدة بعد ساعات قليلة من إطلاقها .
وخصّ "الجخ" بقصيدته الجديدة حفل مركز الفنون بمكتبة الإسكندرية حيث ألقاها خلاله مساء أمس الثلاثاء .
وهاجم "الجخ" فى قصيدته أنظمة حكمت علي مدار ثلاث سنوات، منذ ثورة يناير حتي الآن، قائلاً:
"وحشني رمضان والفطور علي صوت أدان رفعت، وعيدك.. وسط البلد وحشتني، من غير الحواجز والحجارة.. أنا كنت زمان بمشي.. ماكنتش أعرف إن في الشارع وزارة.. كنت بتحامي في عنيكي وبإيد حبيبتي وبالسجارة.. عملت كل حاجة تزعلك لكني ما ضربتش رصاص".
وتابع فى قصيدته:
"ياعم يا بتاع الخطب يا عم يا بتاع السلاح.. هو إحنا يعني يإما نبقي سداح مداح.. يإما تطغوا وتفتروا.. بزيادة لينا تلات سنين بتبيعوا فينا وتشتروا.. إحنا البلد.. إحنا السند والمستند.. إحنا إللي قبل ما تبني سدك.. كنا سد.. وإحنا إللي علشان القنال كانت ضهورنا بتتجلد.. إحنا البلد، ملعون أبو إللي ما داقش جوعي.. وإن كنت مش هاصعب عليه.. والله ما هاوريه دموعي.. أنا أقوي منكم.. أنا جدري ضارب في البلد دي غصب عنكم.. يا عم يا بتاع السلاح يا عم يا بتاع الخطب.. تركتكه أصلاً نخل شاخ ولا عادش بينزّل رطب".
واختتم الجخ كلمات قصيدته قائلاً:
"أنا إللي كل ما أجوع بعنيكي بتصبر.. ما يغركيش العدد.. والله أنا أكتر.. أنا اللي مش إخوان.. ولا اللي مش عسكر".