بعد سجنه لابتزازها بصور وفيديوهات إباحية.. ماذا قالت راندا عبدالسلام

عاقبت الدائرة 17 جنايات الجيزة، المنعقدة بالكيلو 10 ونص، المتهم "ع. أ" بابتزاز الفنانة راندا عبد السلام بالسجن 5 سنوات وكانت النيابة العامة استمعت لأقوال المجني عليها قبل احالة المتهم للجنايات
نص التحقيقات
س / ما سبب حضورك لسراي النيابة اليوم؟
ج/ انا جيت بناء على طلب النيابة العامة
س/ ما هي تفصيلات شكواك؟
ج/ اللي حصل إن في شهر رمضان اللي فات بعد عرض مسلسل الخاص بي "فارس بلا جواز " لقيت صفحات وأكونتات على موقعى الانستجرام والفيس بوك بتنزل كلام عنى إساءة لسمعتى وعرضى، وبلغت في اللي حصل كده وعملت محضر وده أثر عليا وعلى أهلي وشغلي وسبب في فسخ عدة تعاقدات مع شركات الإنتاج وضرر مادي وأدبي جسيم وبعت رسائل لكل الناس اللي أعرفهم وبناتي وقرايبي وأصحابي في الشغل تسيء إلى سمعتى وعرضي وبعد كده لما بعت أسأله هو بيعمل كده ليه وعايز إيه قال إنه عايز منى فلوس ودهب وألماظ وطلب مبلغ مالي 50000 جنيه فأنا رحت بلغت في قسم تكنولوجيا المعلومات.
س/ وما الذي حدث تحديدا آنذاك؟
ج/ اللي حصل إن في واحد مستخدم حساب " 1 ranfa_reklam" على موقع انستجرام " Instagram" بيهددني وبيبعت رسالي لحسابي على نفس الموقع " Randa_abdelsalm_official" وطلب منى فلوس و دهب و ألماظ وعشان يبطل يبعت رسايل للناس و يقفل الصفحة اللي بتسيء إلى سمعتي وده سبب ليا في أضرار مادية و معنوية جسيمة.
س/ وهل بلغ المتهم مقصده من ذلك؟
ج/ هو مخدش منى فلوس بس شهر بيا وبسمعتى وبعت كلام يسيء لى لأصدقائي والمتابعين بتوعى وتسبب ده في إن عقدين لشركات إنتاج بمبالغ نقدية كبيرة وقفت عقودها وده عمل ضرر ليا كبير ماديا وأدبيا.
س/ وهل مازالت ذلك الحساب قائما؟
ج/ الحساب ده اتقفل بعد ما عملت المحضر والفحص الفني عرف المستخدم بتاعه، لكن في حسابات تانى استمرت بالتشهير بي والإساءة إلى سمعتى لغاية من شهرين فاتوا.