الكاميرات في الحمامات.. زيزي عادل تفجر مفاجأة صادمة عن برنامج ستار أكاديمي

كشفت الفنانة المعتزلة زيزي عادل عن أسرار صادمة عن برنامج ستار أكاديمي خلال مشاركتها في الموسم الثاني منه في 2004 وحصلت على المركز الثالث.
وأكدت زيزي عادل أن فكرة برنامج ستار أكاديمي لا تناسب تقاليد المجتمع قائلة: "ستار أكاديمي كبرنامج فكرته لا تناسب تقاليد مجتمعنا، كان فيه كاميرات في كل مكان، حتى الحمامات كان فيها كاميرات عند المرايات، والموضوع ده كان يضايق".
وحول تفاصيل تجربتها في برنامج ستار أكاديمي، قالت زيزي عادل : "تجربتي في ستار أكاديمي كانت هي بداية النجاح والانطلاقة، أنا نزلت من البرنامج مشهورة مع إني مكنش عندي أغنية ولا أي حاجة، ولكن كنت مشهورة كأني نجمة بقالي 10 سنين بغني".
وتابعت زيزي عادل : "ولقيت عروض من شركات إنتاج كبيرة، ولما رجعت مصر مصدقتش عدد الناس اللي كانوا جايين يستقبلونني، لأن أنا قعدت هناك 4 شهور مفيش تليفزيون، ومكنتش عارفة أنا معروفة برا واللا لأ، ولا أعرف كان بيتكتب عني أخبار واللا لأ، ولما رجعت في صدمة بتحصل كده إني مشهورة والدنيا بتختلف
اعتزال زيزي عادل:
وتابعت: "الغناء فيه أسس لازم تتعمل علشان أكون مطربة منها إني أعمل فيديو كليب ويكون معايا موديل، وفي كذا حاجة غلط بتحصل، زي كلام الأغنية لأنه سواء فيه حب أو هجر أو عتاب وبيكون فيه تحريك للمشاعر، والفكرة كلها على بعضها حرام".
وعبرت زيزي عادل عن ضيقها من بعض التفاصيل في الحفلات الغنائية وهي تصوير الجمهور لها، قائلة: "لما أطلع على الاستيدج لازم ألبس فستان وأتحرك مع المزيكا أكيد مش هقف تمثال، وكان فيه حاجة بتضايقني جدًا في الحفلات مش عندي قدرة ألغيها وأنها أن اللي حاضر بيصورني من زوايا زي ما هو عاوز وبيجيب من الحتة اللي عاوزاها ومش عندي الحق أقول له ما تصورش
وقالت زيزي عادل، خلال لقاء لها لبرنامج "كلام الناس"، عبر فضائية "ام بي سي مصر" مع الإعلامية ياسمين عز ، أنه لو رجع بيا الزمن مكنتش هشارك في ستار أكاديمي لأن فكرته ضد تقاليدنا وبدون أي احترام".