حسيت بخبطة | تحقيقات النيابة تكشف حقيقة تحرش بسوبر ماركت شهير بأرض الجولف

أحال المحامي الأول لنيابة القاهرة الجديدة الكلية متهمًا إلى محكمة الجنايات لاتهامه بالتحرش بطبيبة في سوبر ماركت شهير بأرض الجولف.
نص أقوال الضحية
س / ما الذي حدث تفصيلا ؟
ج/ اللي حصل إني كنت داخلة سوبر ماركت شهير ولقيت المتهم واقف بره المحل وكان بيعاكسني وأنا متكلمتش معاه ولما دخلت وخلصت تسوق وأنا كنت واقفة عند الكاشير لقيت إيد لمستني وبعد كده بصيتله ولقيته في حاجة غلط فاتصلت بالنجدة وعرفت إنه شغال في المحل والشرطة حضرت وأخدته وقمنا بالذهاب إلى قسم الشرطة وعملنا محضر.
س/ وما هي ظروف تقابلك مع المتهم تحديدا ؟
- ج/ كنت داخلة الماركت و لقيته بره و كان بيعاكسني بالكلام وبعد كده قابلته وانا بحاسب
- س/ وهل من ثمة حوار دار بينك و بين المتهم آنذاك؟
- ج/ هو كان بيعاكسني بس مش فاكرة الكلام كويس
- س و ما هي الأفعال التي أتاها المتهم حيالك ؟
- ج/ هو انا كنت بحاسب و لقيته لمسني وکمان خبطني و حسيت بخبطة واكتشفت إنه كان قاصدها بعد ما شوفت كاميرات المحل وهما هناك في المحل قعدوا يعتذروا و يقولولي لازم تاخدي حقك.
س/ وما هي علاقتك بالمتهم ؟ وهل من سابق خلافات بينكما ؟
ج/ هو انا معرفوش ومفيش علاقة بيني وبينه
س/ اذكري لنا أوصاف المتهم تحديدا ؟
- ج/ هو رفيع و اصلع ولابس بنطلون اسود وتيشيرت اسود ولونه اسمر
- س/ وهل من ثمة إكراه وقع عليكي من المتهم لارتكاب الواقعة ؟
- ج/ أيوة هو لمسني غصب عني
- س/ وهل لحق بكِ ثمة إصابات جراء تلك الواقعة ؟
ج/ لا
- س/ وما التصرف الذي بدر منك حال ارتكاب المتهم تلك الواقعة؟
- ج/ انا كنت باصرخ ولقيت المتهم مرتبك
- س/ وهل من ثمة كاميرات مراقبة داخل السوبر ماركت محل الواقعة ؟
- ج/ أيوة
- س/ وهل من ثمة شاهد على تلك الواقعة ؟
- ج/ معرفش هو في حد شاف الواقعة و لا لا
- س/ وما هي المدة الزمنية التي استغرقها المتهم في ارتكاب تلك الأفعال ؟
- ج/ هي كانت حوالي ثواني
س/ وما قصد المتهم سالف الذكر مما أتاه من أفعال ؟
ج/ هو قصده هتك عرضي
س/ وكيف وقفت على ذلك ؟
- ج/ لأنه قام بلمس جسدي
- س/ وهل تتهمي سالف الذكر بثمة اتهام؟
- ج/ أيوة انا بتهمه بهتك عرضي
نص أقوال المتهم
س / وما قولك فيما هو منسوب إليك من أنك متهم بهتك عرض المجني عليها بالقوة وذلك بأن قمت بملامسة مواطن عفتها على النحو المبين بالأوراق ؟
- ج / محصلش
- س/ ما الذي حدث إذا وما هي ظروف عرضك علينا؟
ج/ اللي حصل اني كنت شغال في سوبر ماركت ديلفيري وكنت في الفرع و خبطت فيها غصب عني علشان كنت بحاسب انا كمان علي الكاشير علشان انا شغال دليفري و انا مكنتش قاصد اخبط فيها و هو ده كل اللي حصل
- س / متى وأين حدث ذلك ؟
- ج / الكلام ده حصل النهاردة حوالي الساعة 5 مساء في السوبر ماركت بمدينة نصر
- س / وما سبب ومناسبة تواجدك بالزمان والمكان سالفي الذكر ؟
- ج / انا شغال هناك دليفري في سوبر ماركت
- س/ وما سبب قيامهم بضبطك ؟
- ج / هما مسكوني علشان افتكروا اني اتعرضت للبنت اللي جايه معايا
- س/ وهل القائم بضبطك قام بتفتيشك؟
- ج/ ايوة هما فتشوني في القسم
- س/ وما الذي أسفر عنه ذلك التفتيش ؟
. ج/ هما مالقوش معايا حاجة

نص أمر الإحالة
جاء بأمر الإحالة أن المتهم تحرش وهتك عرض المجني عليها بالقوة بأن استطالت يده أماكن حساسة، وأكدت التحريات أنه حال تواجد المجني عليها بالسوبر ماركت الشهير محل عمل المتهم لشراء متطلباتهم قام بملامسة أماكن حساسة وثبت بمطالعة المقطع المصور بإدارة المراقبة بمحل الواقعة صحة قيام المتهم بالواقعة.