شريك قاتل المذيعة شيماء جمال: كنت عارف أنه عاوز يشوهها بمية النار

يواصل صدى البلد نشر نص اعترافات المتهم حسين الغرابلي في قضية مقتل المذيعة شيماء جمال، والمقيدة برقم 10229 لسنة 2022 جنايات البدرشين ورقم 2118 لسنة 2022 كلي جنوب الجيزة، ورقم 13 لسنة 2022 حصر تحقيق نيابة استئناف القاهرة.
مقيدة بالسلاسل.. شاهد لحظة استخراج ومعاينة جثمان المذيعة شيماء جمال|مستندات
هددتني بصور العلاقة الزوجية.. قاتل شيماء جمال: أعطيت المتهم الثاني360 ألف جنيه
الجزء الخامس من اعترافات شريك قاتل المذيعة شيماء جمال
س. ماهي عدد المرات التي اتصل بك المتهم فيها منذ بداية يوم الجريمة؟
ج. هو اتصل بيا 3 مرات قبل ما يوصل المزرعة.
س. ماهو مضمون الحوار الذي دار بينكم في تلك الاتصالات؟
ج. هو اتصل بيا يوم الاتنين أول مرة الساعة 11 الصبح بيأكد عليا إنى أروح المزرعة فأنا قمت لبست وروحت على المزرعة ووصلت على الساعة واحدة ونص الضهر وفتحت المزرعة وركنت العربية جوة المزرعة في وش البوابة على الشمال وفضلت قاعد مستنيهم وكلمني المرة التانية حوالي الساعة اتنين ونص وقالي معلش أتأخرنا شوية وهنتحرك أهو ولما أوصل هكلمك والمرة الثالثة كلمني على الساعة 3.30 كان تقريبا كان وصل هو وهي المزرعة.
س. متى وصل المتهم والمجني عليها للمزرعة؟
ج. حوالي الساعة تلاتة أو تلاتة ونص وصلوا ولما كلمني فتحت له البوابة بتاعت المزرعة زي ما كنا متفقين وهو دخل وقفلت البوابة.
س. ما هو وصف المجني عليها شيماء جمال؟
ج. أنا مبصتش عليها.
س. قررت في التحقيقات أن هناك عبارة كانت هي كلمة السر للبدء في تنفيذ المخطط؟
ج. أيوة.
س. هل قمت بإعداد المشروب بالفعل؟
ج. أيوة أنا فعلا دخلت أعمل الشاي لحد ما سمعت صوت الشتيمة.
س. وما هي العبارات التي تناهت إلى سمعك؟
ج. أنا سمعتها بتقوله ياابن الكلب ياابن الكلب وسمعت كمان صوت كأنه في معافرة.
س. وماذا تعني بكلمة معافرة؟
ج. يعني شد وجذب بينهم.
المذيعة شيماء جمال
وشرح حسين الغرابلي خلال اعترافاته تفاصيل اللحظات الأخيرة في حياة المذيعة شيماء جمال.
س. ما دى تأكد المتهم من مفارقة المجني عليها الحياة؟
ج. لأن لما جيت مسكت رجلها في الثانية أو الثانيتين مكنش فيه حياة.
س. وكيف قام بتهدئتك؟
ج. هو قعد يقولي ياعم أهدى أنت ملكش دعوة بحجاة وأنا اللي عملت كل حاجة.
س. ومتى عدتما إلي المجني عليها؟
ج.هو رجع الأوضة وأنا كنت عند الباب وقالي روح هات الحتة والسلسلة من شنطة العربية وقالي أربط رجلها بالحتة وهو ربط جسمها بالسلسلة وقفل السلسلة بالقفل.
س. ما مدى تأكيدكم من مفارقة المجني عليها شيماء جمال الحياة؟
ج. هي كانت ماتت.
س. ما الذي حدث عقب وضعكم جثة المجني عليها داخل مكان الحفر؟
ج. أنا كنت عاوز أنه عاوز يشوه جثتها بمية النار فقولتله أعمل اللي أنت عاوزه ولما تخلص أنا هاجي أكمل معاك ردم.
س. ما الحوار الذي دار بينكم لدى وصوله الكافيه ليلا بعد الجريمة؟
ج. هو قالي أن أهل مراته بيدورو عليها وزعلانين وخايفين وبعدين قعد يقولي أنه ورطني معاه وساعتها قولتله خد المنديل اللي فيه الدهب قالي خدهم ليك فأنا رفضت وبعد كدة قالي طب أفتح المنديل وبصينا على اللي جواه وساعتها قالي هكلم واحد صاحبي هو هياخد الحاجة لأنه عنده واحد يبلدهم بجنيهات دهب وقالي أدخل على النت شوف الجنية الدهب وفعلا دخلت شوفت وبعد كدة كلم صاحبه وجاله.
س. وكيف قام المتهم أيمن بوضع كميات من التبن بمكان دفن جثة شيماء؟
ج. هو اتفق معايا أنه هيجيب عمال وينقلوا التبن ده لأنه كان في نص أرض المزرعة ويحطوه في المكان اللي دفنا فيه الجثة.
س. ومتى تم ذلك؟
ج. تالت يوم.
س. من أحضر العمال؟
ج. هو اللي جابهم.