شوبير: لو حصل واعترض كاف على اختيارات اتحاد الكرة نشوف مين بيحاربنا

علق الإعلامي أحمد شوبير، على أنباء إستبعاد النادي الأهلي من المشاركة في بطولة دوري أبطال إفريقيا الموسم القادم.
وقال شوبير في تصريحات عبر برنامجه على قناة "أون تايم سبورتس": "بقالنا 4 سنين بنلعب الدوري خارج المواعيد بتاعته وبناءً عليه أي اتحاد كرة موجود بيحط طريقة اختيار وتحديد الأندية التي ستشارك في البطولات الإفريقية، وهذا ينطبق على كل الاتحادات السابقة من لجنة خماسية وغيره".
وتابع: "السنة اللي فاتت الاتحاد أرسل اسم المصري للمشاركة في الكونفيدرالية وسموحة اعترض وقتها لكن اتحاد الكرة رد بأنه لا يوجد وقت وانتهى الدوري بوجود سموحة في المركز الرابع والمصري في المركز الخامس ورغم ذلك المصري اللي شارك بردو في البطولة".
وأضاف: "السنة دي الرابطة قالت لو تم إلغاء الدوري أو عدم الاستكمال هيكون طبقا لترتيب الدور الأول وحددوا الميعاد دور كامل خلص وترتيب الدور الأول بعد الانتهاء زمالك أهلي بيراميدز وفيوتشر واتبعت على كده بشكل نهائي".
واكمل: "سؤال هل الاتحاد الأفريقي من قبل اعترض على اختيارات الاتحاد المصري محصلش".
واستطرد: "لو حصل وتم اعتراض من قبل الكاف يبقى ولا الضالين أمين على الكرة في مصر كل سنة وأنت طيب هتكون سابقة تاريخية لم تحدث من قبل طيب مين اللي بيحارب وعايز يدخلنا في نفق مظلم مين يا جماعة أعتقد القصة باينة".
واختتم: "اختيارات اتحاد الكرة بصراحة هي الأكثر عدلاً ولو كنا عملنا غير كدا كنا هنبقى ظالمين الأندية ولا كان هيبقى فيه تكافؤ فرص على الإطلاق، ولو حصل واتدخل الكاف في هذا الأمر لازم كلنا نقف بقا ونشوف مين بيحارب مصر لازم نسبق ونضرب جرس انذار عشان نقف ضد أي حد بيفكر انه يحاربنا من برا".
" src=""