الباز مناشدًا وزير الداخلية: أنقذ فتاة كفر الشيخ من ابتزاز خطيبها السابق|فيديو

قال السيد الصعيدي، والد فتاة تعرضت للابتزاز بكفر الشيخ، إن ابنته تعرضت للإبتزاز من خطيبها السابق، بصور مفبركة، قام بنشرها على مواقع التواصل الاجتماعي".
وأضاف الصعيدي خلال مداخلة هاتفية مع الدكتور محمد الباز، في برنامج "آخر النهار"، المُذاع عبر فضائية "النهار"، أنه تقدم بالعديد من البلاغات ضد خطيب ابنته السابق، واتجه لجميع الجهات القانونية في كفر الشيخ، وشرطة الانترنت، حيث حرر حوالي 15 محضراً ضد خطيب ابنته، ولكن الأمر القانوني لم يتحرك حتى الآن.
وناشد الإعلامي محمد الباز وزارة الدخلية بسرعة التحرك والتدخل في هذا الأمر، قائلاً: "أنا بناشد وزير الداخلية شخصياً بالنظر في هذا الأمر وسرعة التحرك .. القضية أمامك وهما قدموا الكثير من البلاغات ولكن لا جدوى ولا تحرك حتى الآن .. والحج السيد الصعيدي جدع لأنه بيدور على حق ابنته".
وعقب الباز قائلاً: "الفكرة مش في منار بس لأ .. احنا بنحمي منار واللي زيها علشان مقدرناش نحمي بسنت .. والموضوع اتنشر بعد ما انتحرت .. فمعرفناش احنا في الإعلام نحميها .. لكن موضوع منار ده اتنشر بدري .. فإحنا بنحاول نحمي منار واللي زيها من أي شاب يحاول أن يبتزز أي فتاة بعد كده وينشر صور مفبركة على مواقع التواصل الاجتماعي .. لازم يكون فيه عقاب رادع .. وتكون إيد الدولة قوية متدخلة".
وأوضح والد فتاة تعرضت للابتزاز بكفر الشيخ أن لديه 5 بنات، متعلمين تعليم جامعي، مشيراً إلى ابنته منار وهي الثالثة ستتخرج هذا العام من كلية تربية طفولة مبكرة بجامعة دمنهور.
ونوه السيد الصعيدي أنها كانت مخطوبة منذ عام لشاب من محافظة كفر الشيخ، معقباً: "بعد ما خطبها، وجدنا إنه سيء الأخلاق جداً، وكذب علينا في حاجات كتير .. ولا يصلح إنه يكون زوج .. فإعتذرنالهم وودينالهم الحاجة بتاعتهم".
وتابع والد فتاة تعرضت للابتزاز بكفر الشيخ: "من ضمن الحاجات اللي رجعت، كان تليفون هو جايبه لبنتي هدية .. وكان جايبلها خط هدية، وعملها أكونت على الفيسبوك بإسمه لأن الخط كان بإسمه .. فإحنا رجعناله الموبايل ولكن اعتذرنا عن الخط لأن شغل بنتي بتاع الكلية كان على الخط".
وأكمل: "هو حاول إنه يرجع لبنتي ولكن بنتي رفضت، وإحنا رفضنا نظراً لأخلاقه السيئة .. وفيه مرة كان عندنا وبيكلمني علشان يرجعلها .. والموبايل بتاع بنتي كان على التربيزة في الصالون علشان كانت حطاه في الشاحن بس انا مكنتش واخد بالي .. وقومت أعمله شاي راح سرق الموبايل في جيبه ونزل".
وأردف والد فتاة تعرضت للابتزاز بكفر الشيخ: "فما يأس إنها ترجعله .. لاقيته مركبلها صور مفبركة ونشرها على الفيسبوك .. وصور ليها وهي البيت .. وبيبتزنا بقاله أكتر من 6 شهور".
واستطرد: "كنت بحاول أحل الأمر ودي لأن أنا أب ل 5 بنات وفي الأرياف الموضوع ده غلط وكبير .. ولكن هو مستمر في اللي بيعمله فأنا قدمت بلاغات واتجهت للجهات القانونية في كفر الشيخ، وشرطة الانترنت .. وحررنا حوالي 15 محضراً.. ولكن الأمر القانوني لم يتحرك حتى الآن".
وأشار والد فتاة تعرضت للابتزاز بكفر الشيخ إلى أن خطيب ابنته السابق ذهب إلى مكان شغلها في الإسكندرية وحاول أن يخطفها، معقباً: "وهي سكتت علشان هو كان صعبان عليها لأنه ماشي بعكاز وكان هيعمل عملية .. فخافت أنه يموت بسببها .. ولكن الأمر اتطور وبقى ينزل الحاجات المفبركة ديه على الفيسبوك".
وتابع: "المحامي اللي مسك القضية الأخير قالنا لازم تعملوا شكوى بالتليفون ده، لأن مفيش فايدة في حوار الانترنت، لأنه بيعمل حوالي 5 أو 6 صفحات في اليوم وينشر عليه الصور المفبركة ديه .. لدرجة إنه هكر الأكونت بتاعي أنا وبيكلم الناس عندي ويفضحنا .. وحاطيت أرقامنا أنا وابنتي وزوجتي على الصفحاتالسيئة .. وكل يوم ناس بتتصل بينا ونسمع كلام سيء".
وعقب والد فتاة تعرضت للابتزاز بكفر الشيخ قائلاً: "حياتنا بقيت جحيم".