لعبة مكررة.. هل يسعى حمو بيكا وعمر كمال إلى ركوب الترند بخناقة مزيفة؟

هاجم مؤدي المهرجانات حمو بيكا، زميله المطرب عمر كمال، في بث مباشر له عبر حساباته على مواقع التواصل الاجتماعي.
وليست تلك المرة الأولى التي يخرج فيها حمو بيكا ليهاجم عمر كمال أو غيره من زملاءه، ويتضح في النهاية أنه أحد أساليب الدعاية المستهلكة لإحدى الأغنيات، طمعا في إثارة حالة من الجدل عبر وسائل التواصل الإجتماعي، لضمان إحتلال الترند.
بيكا لعمر كمال: وريني هاتنجج إزاي
شن مؤدى المهرجانات حمو بيكا هجوما لاذعا على صديقه عمر كمال، بعد طرح أغنيتهما الأخيرة التي حملت اسم مستفزة، مع ثالث يدعى نور التوت.
وقال حمو بيكا في فيديو عبر حسابه الرسمي على موقع التواصل الاجتماعي انستجرام: «من شهر عمر كمال جابلي شاعر، وقاللي عاوزين نعمل أغنية جديدة؛ وبالفعل وافقت وخلصنا الأغنية بعدها؛ وهي جاهزة من شهرين او ثلاثة، ولما قولتله هاننزل الأغنية إمتي؛ قاللي انا عندي أغنية مع شيماء المغربي هانزلها وبعدين هاننزل بأغنيتنا دي، وبالفعل أول لما نزل الأغنية باركتله وشيرتها عندي»، مضيفا: «انتظرت 20 يوما وكلمته تاني؛ قاللي لما أرجع من السفر هاكلمك؛ لكن اتفاجئت إنه قام بطرح أغاني جديدة له، ولم يهتم بأغنيتي أو يرد عليا، ولما قابلته في عيد ميلاد أحد أصدقائنا وقولتله عاوزين ننزل الأغنية قالي ماشي؛ لكن لم يرد علي إتصالاتي مرة أخري، واتصلت به اكتر من 6 أو 7 مرات».
وتابع: وبقى يشوف نفسه على الناس وأنا مش الناس، لأني كنت أول واحد يا عمر عملتلك أغنية والناس سمعتها يعني ربنا ثم أنا، وعايز أقولك وريني هاتنجح بنفسك ازاي، ومتخليش حد ينجحك، وعايز أشوف مهاراتك، واشوف شغلك، وعايزك لما تقابلني في حته السلام بتاع ربنا متقولهوش، عشان كل الناس عارفة أنت أيه، وكل الناس برا أو جوا المجال عارفين أنت أيه».
حمو بيكا يهاجم عمر كمال: ياخسارة العيش والملح يا صحاب مزيفة.. فيديو
حمو بيكا ل عمر كمال: عملتلك بلوك وأنا سبب نجاحك
وأختتم: «يا خسارة العيش والملح اللي كلتوا معاك، أنتو ميمشيش معاكوا الإنسان الطيب، ومتفكرش لما تنشر الأغنية دي أنها هاتروح، أنا ممكن أخش امسحها دلوقتي ولا يهمني.. مع السلامة يا صحاب مزيفة».
الخناقة مكررة للدعاية
في شهر ديسمبر الماضي، لجأ حمو بيكا وعمر كمال، الى نفس الوسيلة، والتي بدأت ب«خناقة» بين بيكا، وعمر كمال، بسبب «الأموال» التي يحصلها كلا منهما من يوتيوب، وقيام «بيكا» بتوجيه انتقادات لاذعة ل«كمال» وتأكيده بأنه «مش عايز يعرفه تاني»، حتى تم الإعلان عن مهرجان غنائي جديد يجمعهما معا بعنوان «هفضل أستاذ».
الأمر الذي جعل متابعيهم عبر السوشيال ميديا يصفون خلافاتهما ب«الزائفة» من أجل «التريند»، وسبق «بيكا وكمال» في هذا الأسلوب الثنائي محمود العسيلي وأمير عيد، اللذان افتعلا أزمة حول أحقية كل منهما بملكية أغنية «دنيا جديدة»، ليتضح بعد ذلك أن الأمر مجرد خلاف مفتعل للترويج لدويتو غنائي يجمعهما، بحسب رواد مواقع التواصل الاجتماعي.
تفاصيل خناقات الصحاب المزيفة
وكان بيكا قد اتهم عمر كمال بالنصب عليه في المرة السابقة، قائلا: «يا ريت محدش يكلمني في شغل على الشخصية دي، عشان أنا كنت بحبها والشخصية دي بتتهرب من شغلي اللي خلاني اتفق عليه، والإثبات بعد الصورة دي هانزل فيديو، وهو عامل بيحبني وهو بيكرهني، مع السلامة يا صحاب مزيفة».
وفي فيديو عبر حسابه على موقع «إنستجرام» قال حمو بيكا موجهً رسالته ل عمر كمال: «لما تطلع تتكلم، تحدد النجاح من اللى عمله معاك، إنت مابنتش نفسك بنفسك، وإنت ظاهر أمام الشعب المصري إنك أنانى مابتحبش غير نفسك، وحابب إن إنت تصنع النجومية لنفسك وبس، فكك من اللي إت بتعمله وخليك محترم وكويس، أخونا عمر كمال لما سمع اللي اتقال قال إحنا نجحنا، لكن اللي أنا شايفه إنك كلك على بعضك غلط، حياتك غلط، دنيتك كلها ماشية غلط فى غلط، عايز تحقق نجاحك إنت بس، فرجني يا فهلوي يا حلو وإعمل كام تراك لوحدك».
رد ناري من عمر كمال
لم يصمت عمر كمال على إهانات وانتقادات حمو بيكا، وقرر الرد عبر حسابه ب فيس بوك من خلال فيديو قائلا: «أنا فوجئت إن حمو بيكا منزل صورتي كأني واحد إسرائيلي أو واحد عدو، وكاتب الكلام اللي انتو شوفتوه ده كله، بص يا حمو أنا محترم وصبرت كتير على إهانات وقلة أدب الناس، وإنت طالع تقول على عمر كمال وحسن العجوز قصيرين، أنا ممكن اطلع أقول عليك بكرش لكن ده كلام قلة أدب ماليش فيه، بس قلة الأدب وقلة الذوق اللي بتستخدمها دي أنا مليش فيها، ومش منطقي ولا مبدئي».
وتابع: «أول تراك إنتي معلمة، أخدته من حمو بيكا، وشمس المجرة إنتاجي وإلحاني أنا سايبهولك على قناتك، وفلوس وبنتخان ومساء النقص وفايقة ورايقة وكل التراكات سايبهالك على قناتك وأنت بتاخد فلوسها وبتكسب بيها، لكن من دلوقتي هاقفل كل التراكات اللي شاركت فيها على قناتك».
واستطرد: «يا بيكا عيب يا بيكا، عيب تقول إني صُحبة مزيفة، أنا عمري ما كسبت من وراك أبيض ولا أسود، وأنا سيبت لك 12 تراك على القناة كلت من وراها الشهد، الشغل له أصوله وأنا لو بجمع في فلوس كنت سيبت لك التراكات دي كلها على قنواتك وأنا أكتر واحد بيتكلم عنك كويس في النقابة وأنا بغني معاك ومش عايز أحسسك إنك لوحدك ومنبوذ وأنك مش فنان».