محمد رمضان بيرقص عريان.. بسمة وهبة تنفعل على الهواء بشأن معلمة المنصورة

انفعلت الإعلامية بسمة وهبة، على الهواء، قائلة: " الكل مسك فى معلمة المنصورة اللى بترقص، وساب كل اللى كان معها" موضحًا أن السيدة لم ترقص فى فصل، أو أمام الطلاب.

و دافعت الإعلامية بسمة وهبة، عن معلمة المنصورة، التي انتشر لها مقطع فيديو وهي ترقص مع معلمين أخرين، حيث جرى إحالتها للتحقيق وتعرضت لهجوم شرس على منصات التواصل الاجتماعي، قائلة: "فين الجريمة؟! هل رقصت في مدرسة؟! رحلة فيها طلاب؟! هل أهملت وسابت شغلها ورقصت؟! فين؟! وبالنسبة للمدرسين الرجالة اللي كانوا بيرقصوا ويتصوروا وكان واحد منهم متحزم وبيرقص، ده عادي؟! جيتوا على الأنثى والرجل ده عادي؟! هو مش مدرس زيه زيها؟! ومحمد رمضان اللي بيطلع على المسرح وبيرقص عريان ويستفزنا وكل ما نستفز ننبسط ويقلع لنا زيادة".

وأضافت بسمة وهبة، خلال تقديم برنامج "90 دقيقة"، على قناة "المحور": "لو الرقص يتنافى مع مهنة التدريس، يبقوا تعاقبوا المدرس ومحمد رمضان، بعض الرجالة على التيك توك بتفتح بيوتها وتصور ستاتها وتتاجر بيهم، بس محدش بيتكلم ولا بيقول إن دي جريمة، لكن لما ست تعمل كده يتحرك الأوصياء ويطالبوا بتحكيمها".

وتابعت بسمة وهبة، أنها ضد وجود كل تيك توك دون ضوابط والقنوات اللي مفتوحة على يوتيوب دون ضوابط، وضد التجارة بأسرار البيوت، وضد استغلال الأطفال، مستطردةً: "لكن لما تعاقب يبقى تعاقب كله، عاقبوا المدرسين التانيين وعاقبوا محمد رمضان، متخلوش في خيار وفقّوس".
وأكدت، أن المدرسة لم ترتكب جريمة، ولم ترتكب فعلا فاضحا، والقاعدة تقول إنك حر ما لم تضر: "السوشيال ميديا دمرتنا وخراب لبيوتنا، عاوزين نخاف على بيوتنا وبناتنا، نريد حلا لهذه المشكلة".