محمد هنيدى يكشف عن فيديو طريف بكواليس فيلم «وش إجرام»

نشر الفنان محمد هنيدى مقطع فيديو من كواليس تصوير فيلمه "وش إجرام"، والذى عرض فى عام 2006 وحقق نجاحا كبيرا.
وعلق محمد هنيدى على الفيديو قائلا: "يا ريت الفيلم كله كواليس".
وحل الفنان محمد هنيدي في لقاء تلفزيوني قديم مع الإعلامي محمود سعد على فضائية "دريم"، وكشف خلال حواره عن سر الخلافات مع الزعيم عادل إمام .
وأجاب الفنان محمد هنيدي عن سؤال: "هل قمت بوضع تعليق "أنا كويس "على الهاتف فيسمعه كل من يتصل بك كنوع من السخرية على ما قاله الزعيم عادل إمام؟"، قائلًا: "أنا أول مرة أسمع القصة دي وأنا اصلا معنديش "answer machine".
وأضاف هنيدي: "في ناس كتير متعرفش قبل الموضوع ده ما يحصل قد إيه كانت العلاقة جميلة ولكن حاليًا مبقناش نقعد مع بعض زي الأول"، متابعًا: "كنت بروح له في العجمي ونقعد سوا بس معرفش إيه إلي حصل بقا ربنا يسامح اللى كان السبب".
لأول مرة.. محمد هنيدي يكشف سر الخلاف مع عادل إمام.. نوستالجيا
محمد هنيدي عن هزيمة مصر بنيران صديقة: احتفلت بهدف السولية
وأوضح هنيدي: "لسه على علاقة ببعض وبنتكلم في التليفون ولكن الدوشة اللي حصلت دي وكلام الناس للأسف أثر جدًا على علاقتنا"، مؤكدًا حبه الشديد واحترامه الكامل للزعيم عادل إمام.
وقال هنيدي: "مينفعش تحطوني في مقارنة مع الفنان عادل إمام، والمقارنة هنا مرفوضة تمامًا، في مجموعة خفية هى اللي بتروج الإشاعات دي وبتبوظ الدنيا، لكن أنا دايمًا بقول العلاقات القوية الكلام ده مبيأثرش فيها".
وأضاف: "وأنا أحب أقول للناس اللي بتعمل التكهنات دي كفاياكوا بقا".