محمد هنيدى: شقتى فى الزمالك مسكونة بالعفاريت وهذه حكايتى مع "الجواهرجي "

كشف الفنان محمد هنيدي عن كواليس جديد من فيلم "الجواهرجي" مشيرًا انه كان من المفترض أن يتم تصويره قبل فيلم "الإنس والنمس" ولكن إعجابه بالعمل الأخير شجعه علي تقديمه قبل الأول.
وأضاف خلال لقائه ببرنامج "معكم" الذي تقدمه الإعلامية منى الشاذلي بقناة "سي بي سي": "أنا في الحقيقة مبحبش أفلام الرعب ولكني بحترم الناس اللي بتعملها، والرعب زمان كان عبارة عن موسيقى مخيفة دلوقتي ممكن نشوف ناس بتتقطع قدامي ودا أنا مش معاه".
ولفت: "مراتي قعدت فترة تحب تتفرج على أفلام رعب وأنا ما بحبهاش، ومرة سبتها ودخلت نمت لقيت الكهرباء قطعت والصراخ اشتغل".
وكشف عن تعرضه لموقف مرعب مع الجن في شقة الزمالك: "انا لا اسعي لمشواير الجن والسحر ولا اتكلم فيها، ولما كنا بنعمل "يا انا يا خالتي" فكانوا يقعدونا مع ناس في المجال ده فأنا رفضت، وانا قلبي خفيف في منطقة العفاريت والجن والكلام ده".
وأشار:"خلال فترة عرض مسرحية "حزمني يا" حصلت علي سلفة 600 جنيه وقلت عايز اخد شقة في الزمالك في شارع مشهور وطلعت انا واحمد عبد الله الشقة وفجأة سمعنا حالة طبيخ كاملة وكأن ست بيت قاعدة شغالة بتطبخ وقتها اتشليت وابتدينا نتوتر وهما يعلوا الصوت وكأن أمي قاعدة جوا تطبخ، وقلت لأحمد عبد الله انت سامع اللى انا سامعه، وشوية قاللى انا حاسس ان السقف بينزل، وقمنا واخدنا الشنط واحنا بنلم شنطنا لقينا صوتهم في المطبخ بيزيد، واحنا بنجري قابلنا الراجل اللى قام بتسكينا وقاللنا هومحدش قاللكم حكاية الشقة فطلعت مسكونة".
فيلم الإنس والنمس بطولة محمد هنيدي، منة شلبي، عمرو عبد الجليل، صابرين، بيومي فؤاد، محمود حافظ، شريف دسوقي، جنيا ماهر، عارفة عبد الرسول وعدد آخر من الفنانين، إضافة لظهور أكثر من فنان كضيف وعلى رأسهم شيكو، والعمل تأليف كريم حسن بشير وإخراج شريف عرفة.