عصام السقا: ياسمين صبري موهوبة.. وشخصيتي في فرصة تانية "لامسة" شباب كتير

أعرب الفنان عصام السقا، عن سعادته بردود الفعل التي تلقاها عن دوره في مسلسل "فرصة تانية" مع ياسمين صبري، الذي ينافس في دراما رمضان هذا العام.
إقرأ أيضًا | مسلسل فرصة تانية الحلقة 17.. أحمد مجدي متهم بالقتل
وقال السقا، في تصريحات خاصة ل "صدى البلد"، ان شخصية خالد التي يقدمها بالعمل، لامسة شباب كتير جدًا، وتجربة جميلة جدا، وشخصية حقيقية في الحياة.
وتابع: "الشخصية تشبه شباب كتير.. تتمثل في وقوعي بقصة حب بيني وبين (شيرين) سارة الشامي ولكنها من طرف واحد، وبمرور الوقت تكسره في حتة معينة، فيتحول لشخص تاني خالص ومش عايز يعمل حاجة غير إنه يؤذيها، لأنه حب واحدة وفي الآخر قلبته عشان معهوش فلوس ومش عارف يجهز نفسه ومعندوش بيت في حتة حلوة، وتعلقت بواحد تاني عشان متوفر عنده كل العوامل دي".
وعن تعاونه مع ياسمين صبري، فقال: "ياسمين ممثلة عبقرية جدا وشاطرة أوي، وعارفة بتعمل إيه كويس جدا، وموهوبة، والسنادي عاملة علامة كبيرة في الدراما، لأنها مركزة كويس جدا في شغلها، والمسلسل عامل مشاهدات رهيبة جدا، وناجح بشكل رهيب"، وأضاف: "محظوظ أوي السنادي إني شغال مع اتنين أجدع من بعض، أمير كرارة وياسر جلال".
وعلى جانب آخر، يشارك عصام السقا، في دراما رمضان بجانب"فرصة تانية" للنجمة ياسمين صبري، في مسلسلي"الاختيار" للنجم أمير كرارة و"الفتوة" للنجم ياسر جلال.
مسلسل "فرصة تانية"، بطولة: ياسمين صبري، أحمد مجدي، محمد دياب، محمود البزاوي، نهال عنبر، هبة مجدي، عصام السقا، سارة الشامي، ومن إخراج مرقس عادل.