أمير عيد يهاجم منتقدي المهرجانات ردا على تصدر إيناس الدغيدي تريند تويتر

تصدرت ايناس الدغيدي موقع التواصل الاجتماعى تويتر وأصبحت الاكثر تداولا عليه بعد عرض حلقتها مع مطرب المهرجانات حمو بيكا فى برنامج " شيخ الحارة".
الامر الذى اثار غضب الكثير من رواد تويتر والمتابعين بسبب انتقادها الشديد لحمو بيكا حيث قالت إيناس الدغيدي "أحمد السقا غنى الاغنية دي أحسن منك"،بعد غنائه لعبده الاسكندرانى وسط حالة من الدهشة وضحك من إيناس ورد حمو بيكا، "أحمد السقا مش مطرب عشان يغني "، وردت إيناس الدغيدي،:" انت مش مطرب وأدائك مش كويس".
علق الفنان أمير عيد على الحلقة قائلا فى تغريدة: "شيء مستفز البرامج اللي بتستضيف فنانين المهرجانات ويكلموهم بطريقة استعلائية ويشتغلوا في النغمة بتاعت المحتوي وانت مش مطرب والخ الخ.وكأن باقي الفنانين مثلا بيغنوا الأطلال. المشكلة كلها انهم ناجحين ودي حاجه مضايقاهم عشان مش من حق الغلابة يعملوا فلوس او ينجحوا عشان مش منهم و مش شبهم:.
و تابع قائلا : " اي موسيقي جديدة بتاخد وقت عشان تتشكل ويبقي لها قواعد زي الراب في التمنانيات كانو بيقولوا عليهم صيع و سرسجيه و البلوز في العشرينات كانو بيقولوا عليها موسيقي الشيطان .الشيء المشترك انهم غلابه ومخدوش فرصتهم وقرروا يبتكروا ويخلقوا موسيقتهم. بيتهاجموا عشان هما خارج السرب".
وجاءت تعليقات رواد تويتر كالآتى:
ايناس الدغيدي جايبة واحد تقلل منه طول الحلقة ومدعيين المثالية دول بشفق عليهم بجد
إيناس جايبه حمو بيكا وكمية استهتار وسخرية عشان هو غلبان ومش متعلم، حمو بيكا مغني مهرجانات وله جمهوره ، ليه بتجيبوا الناس وتسخروا منهم ؟
الراجل محترم و كويس و هى بتهين فيه طول الحلقة
ليه السخرية من الناس؟
برنامج "شيخ الحارة والجريئة" يعرض يوميا خلال شهر رمضان عبر قناة "القاهرة والناس" الساعة 6.45 مساء.
يذكر أن برنامج "شيخ الحارة" كانت تقدمه الإعلامية بسمة وهبة، قبل أن يتم إيقافه لمدة شهر من قبل المجلس الأعلى لتنظيم الإعلام برئاسة مكرم محمد أحمد، وتنتقل "وهبة" إلى قناة ON.
شيء مستفز البرامج اللي بتستضيف فنانين المهرجانات ويكلموهم بطريقه استعلائيه ويشتغلوا في النغمه بتاعه المحتوي وانت مش مطرب والخ الخ.وكأن باقي الفنانين مثلا بيغنوا الاطلال. المشكله كلها انهم ناجحين ودي حاجه مضايقاهم عشان مش من حق الغلابه يعملوا فلوس او ينجحوا عشان مش منهم و مش شبهم
— Amir Eid-أمير عيد (@AmirEid) May 5, 2020
تكمله للتويته اي موسيقي جديده بتاخد وقت عشان تتشكل ويبقي لها قواعد زي الراب في التمنانيات كانو بيقولوا عليهم صيع و سرسجيه و البلوز في العشرينات كانو بيقولوا عليها موسيقي الشيطان .الشيء المشترك انهم غلابه ومخدوش فرصتهم وقرروا يبتكروا ويخلقوا موسيقتهم. بيتهاجموا عشان هما خارج السرب
— Amir Eid-أمير عيد (@AmirEid) May 5, 2020