مظاهرة حب للأسطورة محمود الخطيب على «تويتر»

دشَّن رواد موقع التواصل الاجتماعي "تويتر" مظاهرة حب للأسطورة محمود الخطيب المرشح على منصب رئيس النادي الأهلي، في الانتخابات المقبلة، التي تقام في 30 نوفمبر المقبل.
وجاء الهاشتاج الأعلى في مصر حاليًا "أدعم قائمة الخطيب"، حيث عبر عشاق القميص الأحمر والنادي الأهلي، عن تقديرهم البالغ "بيبو"، في ظل وجود بعض الحملات الممنهجة عبر مواقع التواصل الاجتماعي في الساعات الماضية تحاول النيل من أحد أساطير القلعة الحمراء على مدار تاريخه.
وحمل الهاشتاج عبارات رائعة، وسرد للأسباب التي تجعل أي مشجع عاشق لناديه، أو عضو من أعضاء الجمعية العمومية، ينتخب قائمة الخطيب كاملة، وجاءت بعض الأسباب بأن القائمة تجمع بين عناصر الخبرة والشباب وكوادر إدارية واقتصادية رائعة.
وجاءت ردود المغردين على الهاشتاج رائعة، أهم ضرورة إعادة النادي لمساره الصحيح، والسير على درب صالح سليم وحسن حمدي، والعودة لتقاليد ومبادئ النادي الأهلي، بالإضافة إلى ضرورة إعادة قناة الأهلي كما كانت والابتعاد عن "النفاق والتطبيل"، واستضافة الصحفيين الزملكاوية الذين أصبحوا مسار جدل في الفترة الأخيرة بسبب الظهور المتكرر عبر شاشة نادي القرن.
وكانت أبرز الردود كالتالي:
ادعم قائمة الخطيب ليه
-عشان يرجع الاهلى فوق الجميع
- عشان القائمة تجمع بين الخبرة و الشباب فى كل المجالات
- عشان قناة النادى الاهلى ترجع قناة النادى فعلا بعد ما بقت قناة خاصة لتلميع مجلس الادارة والتطبيل ليهم
- عشان مانلاقيش رموز النادى الاهلى التاريخيين بيتشتموا على قناة الاهلى من صحفيين زمالكاوية بقوا ضيوف دائمين فى القناة!!
- عشان لجنة الاندية رئيسها مينفعش يكون اى حد غير رئيس الاهلى
-عشان مانلاقيش صحفيين زمالكاوية كارهين للاهلى بقوا اصحاب مناصب وصناع قرار فى قناة الاهلى!!
- لا احنا في غابه علشان ناخد كل البطولات هندعم الخطيب علشان نرجع للغابة
- مينفعش الأهلي يحكمه قائمة من الغرباء، و زي ما قال محمد عدلي القيعي الأهلي مش بيحكمه حكومة الأهلي له مجلس شعب
-عشان نرجع شمل النادي و مبادئه و نقضي عالمهازل اللي بقت تحصل عادي وعشان القايمة كلها ناس عهدنا اهلاويتها وشغلها 10 سنين
-مش عشان بطولة الأهلي طول عمرة بطل انما عشان تقاليد هى اللي خلتنا نفخر بالنادي عشان النادي دة يرجع رقم 1 على العالم
- عشان التاريخ يفتكر ولاد النادي الاهلي وهما بينقذوه، عشان نرجع ولاد الاهلي اللي اتربوا وتعبوا فيه
-علشان نرتاح من السمسرة وقلة الأدب