رسالة ضابط صديق أحد شهداء العريش: «قلتلك إمشي من هناك قلتلي إنك مبسوط»

نشر النقيب "محمود النوبي"، زميل الشهيد النقيب محمود منير يونس، الذي أستشهد عقب هجوم إرهابي علي كمين الصفا بالطريق الدائري جنوب العريش، صورة زميله مع ولده قائلا:"الطفل ده بصته ليكم لعنة حتخليكم تدخلوا نار جهنم خالدين فيها ابدا".
وتابع النوبي، عبر حسابه علي موقع التواصل الاجتماعي، فيس بوك، "حسبي الله ونعم الوكيل ليه يا صاحبي كده بس ياخي مش بنهزر قبل ما ننام مع بعض رحت وسبتنا ليه طيب مين هرخم عليه طيب اقولك ايه بس يا منير حرام عليك يا صاحبي قولتلك امشي ياخي من هنا كفاية ليك 5 سنين قولتلي اهو الواحد مبسوط اهو يا صاحبي اتبسطت في الاخرة يا صاحبي ابنك مكملش سنة حرام حرام والله حرام حسبي الله ونعم الوكيل فيكم ويارب كل اللي يقصر يدوق من نفس الكاس ويارب الطف بعبادك الطف يارب".
وأضاف :"ضباط بتموت وناس قاعدة تتكلم عن الكورة وعن اي هبل ومحدش شايف ولا حاسس، ضيفوا يا بشر، ارملة جديدة وام ثكلي وابقوا طوروا جهاز العلاقات عشان متهيالي بقي عدده اكبر من عدد الوزارة وشكرا للناس التي لا تؤتمن علي الارواح شكرا وحسبي الله فيمن قصر وخان ودفع الثمن الرجال".