بالفيديو.. شفيق يكشف لأول مرة تفاصيل رحيله عن مصر يوم إعلان نتائج الانتخابات الرئاسية

روى الفريق أحمد شفيق ، المرشح الرئاسي السابق، تفاصيل لأول مرة عن نتيجة انتخابات الرئاسة لعام 2012، والتي خسرها أمام مرشح الإخوان المسلمين حينها الدكتور محمد مرسي.
وقال "شفيق" خلال لقائه في برنامج "ال 10 مساء" المذاع على "دريم 2"، :""أنا قلت إن أنا أبعد، عشان الناس اللي بيتهكموا ويقولوا العمرة الممتدة، أنا بعد تاني يوم النتيجة الغريبة دي، ولا حاجة تقبلتها تمام وأطلقت يعني الإجراءات سليمة المية المية، وقلت خطاب قلت فيه إقراري بالنتيجة وتهنئتي للرئيس محمد مرسي".
وأضاف: "تاني يوم، أي بعد 48 ساعة بعد النتيجة أو أقل من 48 ساعة بشوية، التقيت بالمشير حسين طنطاوي وقال لي، قول لي الشارع بيقول إيه يا أحمد، قلت له والله أنا اللي شايفة إن الشارع بيقول هو إيه اللي حصل من اللجنة".
وأضاف "شفيق" قائلاً: "ورد طنطاوي وقال لي يعني هما مغلطين اللجنة، حاجة زي كدة، قلت له والله هذا ما يقال، قعدنا بنتبادل الحديث، قلت له أنا ناوي أطلع عمرة وأنا بقول لحضرتك إن أنا هطلع عمرة وأتعشم إنها تاخد 3-4 أيام، لو أنا استمعت إلى شيء مريحنيش وأنا متابع الأخبار جيد جدًا قد تتأخر عودتي بناءً على الموقف الجديد اللي هيحصل، فقال لي ليه هو فيه حاجة، قلت له لسه مفيش حاجة".
وتابع :"أنا بقى الساعة 12 بليل قررت إن أنا أطلع في طائرة 4 إلا ربع الفجر من تواتر الأخبار اللي بتجيني ودورت على الناس يدوني التأشيرة في الوقت المتأخر بليل لأحد أبنائي واتكلت على الله متعجلًا في ساعة لميت شنطي وطلعت على المطار، حينما علمت ما يحاك لي بأسرع ما يمكن .