محمد إمام يحتفل بوصول إيرادات "كابتن مصر" إلي 20 مليونا

احتفل الفنان الشاب محمد إمام بوصول إيرادات فيلمه الأخير "كابتن مصر" إلي 20 مليون جنيه وذلك بعد عرضه بشهرين فقط.
وكتب إمام عبر صفحته الرسمية علي موقع فيس بوك "السبب في النجاح ده، بعد فضل ربنا سبحانه وتعالي، ناس كانت حبه الشغل مع بعض وماكنش فارق معاهم مين حيبقي أحسن من مين".
وأضاف إمام "انا عاوز أشكر كل واحد شارك في نجاح الفيلم ده، أخويا المخرج معتز التوني، الكاتب المتألق عمر طاهر، المنتج الفني احمد بدوي، مدير التصوير مصطفي فهمي، مهندس الديكور احمد عباس، المونتيرة سولافه نور الدين، الاستيلست ريم العدل وكل عمال وطاقم العمل، انا باشكركم علي المجهود اللي بذلتوه علشان الفيلم يطلع بالشكل ده".
واختتم كلماته قائلا: "تحية خاصه لأصحابي واخواتي أحمد فتحي، علي ربيع، طاهر ابو ليلة، بيومي فؤاد، ادوارد، محمد سلام، خالد سرحان، مؤمن نور، المبدع عم حسن حسني والقديرة هالة فاخر، انا بجد أتشرفت وأستمتعت بالشغل معاكم يا رب نكون قدرنا نعمل حاجه تعجبكم".