"شيحة": أفضل لاعب فى طلائع الجيش قيمة عقده نصف مليون جنيه

اعترف محمد شيحة وكيل اللاعبين أن أفضل لاعب فى فريق طلائع الجيش قيمة عقده نصف مليون جنيه شاملة الضرائب، لافتا إلى أن الفريق العسكرى يلزمه التعاقد مع 3 لاعبين يكون لهم تأثيرا على مستوى اداء الفريق.
وقال شيحه عبر الصفحة الشخصية بموقع التواصل الاجتماعى "فيسبوك": "بص يا سيدي انت وهو اتخن لاعب في طلائع الجيش عقده نصف مليون بالضرائب محدش يقول دي إمكانيات النادي والأزمة المالية والكلام الهالك ده عاوز رجالة تتحمل المسئولية سواء غلط او صح اوعي تفتكر إنك بكام بوست او صفحتين مضروبين هتنال استعطاف الناس او هتغير الرأي العام لا يا روح طنط اخرك خمسه لايك وزيهم كومنتات وبعدين".
وتابع: لو عملت متوسط لما تم سداده في شراء لاعبي الدرجة التانية والاولي ومقدمات اللاعبين الجدد كنت ممكن تجيب 3 لاعبين يؤثروا في اداء الفريق لان زي ما قلت قبل كده وكلامي طلع صدق ان الكوتش مش عاوز غير الحضري وكلاتشي واحمد سمير مش عاوز حد يضايق منك بس بحاول".
وأضاف: أفكركم ان في ناس فاهمة وأرقام عقود اللاعبين الجدد عندي بالجنيه ومن الاخر الشيلة شيلتك يا وحش انت وهو حلوة ليك وحشة عليك وعلي فكرة الفريق كان كويس امبارح بس ربنا كاتب كده ليه بقي هو الأعلم صفي نيتك انت وهو وهي تسلك نغمة الناس اللي عاوزه النادي يقع ونغمة أعداء النجاح وبتوع مصلحتهم دي مستهلكة انزل بالجديد بقي انت وهو وبلاش ترمي علي حد لان حد مش هيسكت وبيعرف يتكلم دي بس مجرد تنويه بسيط وللحديث بقية"