"افرم يا سيسي واحنا معاك".. "هاشتاج" من مؤيدى الرئيس للقضاء على "الإخوان"

دشن نشطاء موقع التواصل الاجتماعى "تويتر" هاشتاج بعنوان: "#افرم_ياسيسي_واحنا_معاك"، لمناشدة الرئيس القضاء على جماعة الإخوان المسلمين الإرهابية بسبب ماتقوم به من عمليات تخريب وترهيب وزرع متفجرات تقضى على حياة الأبرياء.
وشهد الهاشتاج تفاعلا كبيرا من جانب المستخدمين ما بين مؤيدين ومعارضين، حتى وصل بعد وقت قليل إلى واحد من الأكثر تداولا على موقع التواصل الاجتماعي "تويتر".
ومن تعليقات النشطاء جاء تعليق YassminElnakib حيث قالت: "اغضب يا سيادة الرئيس دوول بيهددوا نور عنيك"، وغرد Eng_Ahmed_Nagy: "الإخوان الإرهابيين هما بوصلة كل التنظيمات الإرهابية والتكفيرية فى العالم العربى، ولذلك إبادتهم أمر واجب وحتمى".
وأضافت Hebba_cccc: "افرم يا سيسي بدل ما الشعب كله هو اللي هيتفرم من الإخوان، مصر وشعبها زعلانين يا سيسي اوع تكسر بي خطرهم يا سيسي"، وعلق yasser1976: "لابد من سحق تنظيم الإخوان حتي تنهض البلد من كبوتها. هى يضغطون علينا بالفوضى حتي نتفاوض ويعودوا للحياة السياسية".
كما كتبت الإعلامية أمانى الخياط قائلة: "في اليوم ده سجدنا مسلم ومسيحي شكر لله.. كمل اللي بدأته وطهر مصر منهم مصر طاهرة وقوية"، وقال AhmedMaaGdY14: "فى مثل بلدى بيقول: اضرب المربوط يخاف السايب #افرم_يا_سيسي_واحنا_معاك، افتكر كل أب شهيد لما بوست على راسه وقولتله حق ابنك هييجى.. وفى الآخر بنحاكم الإرهابيين مدنى وقضاه يستشعروا الحرج".
وفى السياق نفسه، قال HamadaAyed1: "مافيش حد زي الإخوان الإرهابيين مافيش حد بيفجر وبيقتل الصائمين والأطفال زيهم"، وغرد mohamedrokay2: "دائما لهم ميت مبرر لإرهابهم وفسادهم طيب مصر وثارت عليهم طيب اليمن والكويت وليبيا وسوريا ذنب شعوبهم إيه، وبعد فشل الخرفان فى الحشد والتجميع ماعادش قدامهم إلا الإرهاب والترويع هانستناهم ولا نبدأ إحنا بفرمه".
كما تواجد عدد من معارضى الهاشتاج وفكرة اللجوء للعنف وقتل من يختلف مع الأخر سياسيا، حيث علقت wafaaradyjhida1: "أهو إنتوا زي الإخوان بالظبط بس الفرق إن هما اسمهم إخوان نفس الإجرام نفس التطرف نفس العنصرية وعدم تقبل الآخر ومحوه"، وقال abdo5497: "يفرم مين بالصلاة على النبي؟ همة لحم حمير علشان يتفرمو إنتوا مجااانين؟".
وقال aHmEdTaHaKaMeL: "إنتوا شايفين كده صح لما يموت حد قريب منك ف العنف ده هتعرفوا"، وغردت goribie: "لو أنا رئيس البلد هلم كل اللى عايز يفرم وإعدام على طووول.. المتعصبين هما اللى هيضيعونا" .
جدير بالذكر أن أمس، الخميس، يتزامن مع مرور عام على خلع مرسي ووقوع مظاهرات في مصر في محافظات عدة، نظمتها أحزاب وحركات معارضة للرئيس الأسبق محمد مرسي إلى أن تم عزله من منصب رئيس الجمهورية.