قصيدة للطالب المثالي بكلية الشرطة يرد على مغني الثورة : ضباط الشرطة أسيادك.. وأبو دبوره وكاب ح يخلو عيشه اهلك هباب

* الطالب أيمن محمود حبلص الحاصل على شهادة الطالب المثالي من الإدارة العامة للأمن المركزي بالإسكندرية يحذر”من اللى حيجرى لنا”
* البديل تنشر القصيدة وتطالب بإعادة النظر في طريقة تعليم طلاب اكاديمية الشرطة باعتبارهم ” أسياد “
كتب – أحمد سمير :
ربما الذنب ليس ذنب هذا الطالب لكنه ذنب الطريقة التي يتم تربية وتعليم الطلاب بها والتي تزرع في الضباط إنهم أسياد لدرجة اختيار صاحب الكلمات التالية طالبا مثاليا .. البديل تنشر قصيدة الطالب أيمن محمود حبلص الطالب بأكاديمية مبارك للأمن والتي كتبها نوت على شبكة التواصل الاجتماعي الفيس بوك للرد على أغنية أبو دبوره لرامي عصام المعروف بمغني الثورة بعنوان كلام جامد للكشف عن الطريقة التي يتم بها تعليم هؤلاء الطلاب وضرورة إعادة النظر في طرق التعليم التي تخرج لنا ضباط يعتبرون أنفسهم أسياد الناس وفوق الجميع يتوعد أيمن خلال قصيدته رامي عصام قائلا ”بكره أبو دبوره و كاب حيخلو عيشه اهلك هباب”.
واعتبر أيمن الحاصل على شهادة الطالب المثالي من الإدارة العامة للأمن المركزي بالإسكندرية أن الشرطة هم ال “أسياد” .
وهدد الطالب السكندري خريج مدرسة مبارك الثانوية للمتفوقين بالإسكندرية والذي يدرس في أكاديمية الشرطة في أخر قصيدته “كلمه حقولهالك الحق شوف اللي حيجرالك”.
القصيدة كما نشرها أيمن ..
ياللي بتتريق علي البوليس اكيد انت اخو ابليس
بكره أبو دبوره و شورت و كا ب حيخلو عيشه اهلك هباب
مع ان الشورت ده مش لبسنا ده لبس اللي زيك من الكلاب
واقف ترقص و عامل فرحان و انت بتشتم اللي بيحرسوا الاوطان
لو كنت راجل بحق و صحيح ما كنتش غلط فينا و انت بتصيح
لكن الشرطه يبني حرقاك لانها دايما معلمه علي قفاك
اكيد انت حرامي فراخ او قعدت في يوم علي المنفاخ
مهما يبني تلف و تدور ضباطنا يبني نور علي نور
مهما تقول انت و جمال مروان اللي ابوه جاسوس و بتاع نسوان
جنفضل نحميكي يا مصر يا غاليه مهما قالوا عملاء الامريكان
و دي رساله مني ليك قبل ما تموت و تغمض عينيك
اتقي الله يا واطي في بلادنا دول ضباطها سيادك مش لعبه في ايديك
ماسك جيتار يا خسيس اش فهمك انت في البوليس
كبيرك تعاكس الحريم او تاكلك شويه برسيم
لكن تتكلم عن الرجاله دي واسعه عليك يابو رياله
العيب مش عليك يا فكيك ده عيب ابوك اللي نسي يربيك
لو دخلت الشرطه أي يوم حتهرب ملط من غير هدوم
الشرطه دي فخر و صيت و انشأها الفاروق يا عبيط
كفاياك يا بني تنطيط و اسرحلك ببيض و صميت
احنا عايزين اعتذار من الرجاله مش الرقاصين الزباله
لو غلط فيه اللي اسمه رامي أكيد حعتيره زي أي حرامي
مش عجبك مباحث الآداب أكيد ماما هناك يا كداب
عامه يا بني جاموس اللي زيك بيعبد الفلوس
اخر كلمه حقولهالك الحق شوف اللي حيجرالك
لينك النوت على شبكة الفيس بوك
https://www.facebook.com/notes/ayman-hablas/%D9%83%D9%84%D8%A7%D9%85-%D8%AC%D8%A7%D9%85%D8%AF/10150197007612851