مجموعة كلنا خالد سعيد تدعو لإحياء الذكرى الأولى لرحيله تحت شعار ” مات وأحيا صوت الحق “

* المجموعة تدعو لجعل يوم 6 يونيو القادم يوما للشهداء والمصابين وتؤكد : عام يمر ولم يسترد حق خالد
* معلقون يطالبون بتحويل الذكرى لمليونية للشهداء والمصابين.. وتعليق : مصابون باعوا عفش بيوتهم علشان يتعالجوا ومبارك بيتعالج في شرم
كتب – علي خالد :
دعت مجموعة كلنا خالد سعيد لإحياء لذكرى السنوية الأولى لشهيد التعذيب والطوارئ خالد سعيد تحت شعار ” مات واحيا صوت الحق ” وقالت المجموعة في دعوتها لإحياء ذكرى خالد سعيد يوم 6 يونيو القادم أن عاما يمر ولم يسترد حق خالد سعيد بعد .. ودعت لجعل يوم وفاته يوما لكل الشهداء والمصابين وقالت” لن نجعل ذكراهم تمر ولن ندع الذاكرة تنساهم ”
وفي تعليقهم على الدعوة أكد النشطاء وأعضاء المجموعة مشاركتهم في إحياء اليوم وان وفاة خالد سعيد استردت وطنا فلن نترك حقه يضيع وقالت بنت مصر في تعليقها ” حقه مرجعش ؟ ده فجر ثورة مين ده اللي مش هيحاكم اللي قتلوه ..هيتحكم عليهم .. هيتحكم عليهم بس مسألة وقت ، المهم فى اليوم ده نهتم بكل أهالي الشهداء ونحاول إننا نخفف عن المصابين ، أتصور إن اليوم ده يكون فيه نداء للحكومة والمجلس انه يتم إجراءات للاهتمام بأهالي الشهداء وبالمصابين
وقال أحمد محمد : معلش اللي بيقول حق خالد ما رجعش غلطان حق خالد رجع وحق كل المظلومين.. ولسة في اكتر بس كفاية الذل والمهانة اللي النظام الفاسد فيه وعلى رأسهم الفاسد الكبير علشان كدا انا بقول حق خالد رجع .. ولسه بيرجع اكتر فياريت بلاش تثيروا مشاعر أهله ...والناس ولازم نترك القضاء ياخد مجراه الطبيعي وإحنا يهمنا فى المقام الأول مصر لان مصر هي خالد سعيد وأنا وانتم وكل المصريين
فيما رد محمد سعد على كلامه قائلا ” حق خالد واللي زيه لسه محدش خده بس بأمر الله إحنا فى الميدان لحد مناخد حقه هو والشهداء اللي زيه ماتوا عشان إحنا نعيش حياه كويسة وعشان بيحبوا بلدهم.”
وأكد على كلامه محمد أفندي ” من المفروض يكون لكل المصابين ، وخالد السعيد في هذا اليوم مليونية في ميدان التحرير في كثير من المصابين باعوا عفش بيوتهم علشان يتعالجوا و مبارك بيتعالج في منتجع شرم الشيخ على نفقة الدولة ده من المفروض يروح مستشفى بشتيل العام”.