قدم الرئيس عبدالفتاح السيسي، الشكر للقائمين على شركة النصر للكيماويات والجهد المبذول فى إنجاح وإخراج المصنعين الخاصين بالغازات الطبية والصناعية، قائلا: "اشكر الناس على المصنعين والجهد المبذول وأقول لكل من شارك فى إنجاح وإخراح المصنعين فى أقصر وقت، كل الشكر والتقدير ليكم". وقال الرئيس السيسي خلال تفقده شركة النصر للكيماويات الوسيطة بمنطقة ابورواش فى الجيزة، اليوم الخميس: "المهم نعرف إن القوات المسلحة تقوم بالدور ده مش على حساب القطاع الخاص والدور المدنى، لكن ده بالمشاركة معاه، وكل القطاع المدنى اللى شغال فى مصانع القوات المسلحة وفيه بعض منها منتجات استراتيجية غير مسموح لينا فى مصر إنها تتأثر أو تبقى مش موجودة أو تتوقف لأى مبرر لأنها حساسة جدا وضرورية جدا ومنتجات استراتيجية مهمة زى مياه الشرب والغازات الطبية، والقطاع الخاص مرحب بيه للشراكة فى كل اللى احنا بنقول عليه". وفيما يتعلق بصندوق مصر السيادى، قال الرئيس:"الصندوق السيادى المصرى هيبقى حجم أرقامه هتشوفها وتسمعوها وأرقام مش من فراغ ولكن من قدرات الدولة المصرية وأصولها واقتصادها، كلها أصول مصرية لصالح مصر وشعبها واقتصادها تكبر علشان تكبر بيها مصر مش حد تانى".