مصر هي التاريخ

علي اسم مصر سَجِل التاريخ أروع الصفحات
وقال أم الدنيا ---- وأم الحضارات
بلد الطيبين الشقيانين من المهد حتي الممات
علي صفحة نيلها ملايين الحكايات والذكريات
وأسماء عظيمة حفر التاريخ عنها المجد والروايات
والكل أحب مصر --- لكن أنا عاشق ياأم الأهرامات
ياقاهرة المعز والمذل للإرهاب وكل الدكتاتوريات
فقيرة أو غنية ----- بَحِبِك من سُكات
دا أنتِ عمري وأنتِ كل الذكريات
بَحِبِك رغم فَقرِك لأنك بسيطة ومنبع الثقافات
وكل وطن له بديل إلا مصر من سابع المُستحيلات
علي اسم مصر
طه حسين ونجيب محفوظ وزويل وغالي ويعقوب والسيسي
إللي قال للأعداء والخونة والإرهاب --- مصر مبتنحنيشي
لأن مصر كبيرة عظيمة لا تنكسر ولاتنطوي
علي اسم مصر
اتعَرَفِت النكتة من ولادك إللي بيَغزَلوا من أحزانهم البسمة
لكن الأمل في بكرة يطلع نهار يَبَدد الظلمة والعتمة
وسنين القهر والإستبداد لعصر الحرية والرحمة
لأن شعبك محتاج من يحنو عليه
ويبَرَّ ناسه وشعبه مثل أبناءُه ووالديه
وبمشروع قناة السويس ومشروع منخفض القطارة
هتكون ديه بداية الطريق والإشارة
لعودة مصر بلد التقدم والحضارة
البلد إللي أنشأ فكرة الأديان والمهارة
وعَلِم العالم قبول الإختلاف وتعدد المعتقدات والإستنارة
ومكتبة الأسكندرية القديمة الجديدة شاهد ومنارة
ومحمد علي إللي سن قانون حرية الأديان والعبادة
واليوم السيسي بيكمل المشوار-- بوطنية وبسالة
وعلي اسم مصر صنع التاريخ تاريخه
وقال مصر الفراعنة معجزة حقيقية وباقية
علي اسم مصر
صنعنا الحب والثورة والحرب والسلام
علي اسم مصر كَتَبَت ملايين الأقلام
صفحات مُشَرِفة تزهو بها الصحافة والإعلام
وعلي اسم مصر إتنَسَجِت كل الأماني والأحلام
وعاشت الدنيا في نور مصر رمز الإعتدال والسلام
وجيش مصر عَلَمَ العالم الوطنية والآمان
وحمي مصر من مؤامرة الصهاينة والإخوان
د مصطفي راشد عضو إتحاد
الكتاب الأفريقي الأسيوي
E- rashed-orbit@yahoo.com