إحم إحم!

هشام مبارك
- هاه ياشهرزاد هاتحكيلي إيه النهاردة ؟
- عندي يامولاي شهريار حكاية الإخوان في بلاد الأمريكان.
- مالك يابت بقيتي مملة زي المذيعات العوانس بتوع القنوات الفضائية..هي البلد معدش فيها حواديت غير الإخوان وسيرتهم..مفيش حاجة عن هيفاء ولا نانسي عشان نفرفش شوية؟
- يامولاي الإخوان دلوقتي هم نجوم الحواديت والحكايات ومع ذلك سيبني لبكرة أفكرلك في حدوتة تانية.
- دي أخر فرصة ليكي ياشهرزاد وإلا هاناديلك مسرور السياف.
- أهون عليك يامولاي تطير رقبتي؟
- لالالا الدبح ده اسلوب قديم ياشهرهر..من بكرة لو الحواديت معجبتنيش هاخلي مسرور يسقيكي كل يوم كاس منجة من عصيرالنهضة!