قال الدكتور أحمد حرارة، الناشط السياسي وأحد مصابي ثورة يناير، انه لايعترف بالدولة المصرية، مشيراً إلي ان دولة القانون يجب ان تطبق علي الجميع. وشن حرارة، خلال كلمته بحفلة الفن ميدان، وسط هتافات "يسقط يسقط حكم العسكر، ويسقط يسقط سيسي مبارك"، هجوماً حاداً علي منظومة الإعلام المصري ورموزها، قائلاً: "خدوا بالكوا من المطبلاتية بتوع الإعلام، سواء إبراهيم عيسي أبو حمالات، ولا العبيطة أماني الخياط، ولا يوسف الحسيني اللي كان عامل واحد مننا". وأضاف حرارة: "اللي نازل ضد الإخوان هما اللي في المعتقل دلوقتي، احنا كنا بنقول عدالة إجتماعية، لكن القضاء بتاعنا من يومين أعترض علي رفع أسعار الغاز علي المصانع لكن وافق أنه يترفع علي المواطن، والضرائب العالية علي كل الناس واصلا مفيش دخل". وتابع: "نظام مبارك لم يسقط حتي الآن، واحنا احرار وعارفين ثمن حريتنا، هو معتقلاتكم، لكن مش هنبطل هتاف خالص لحد الدولة ميتصلح حالها"حسب قوله-. كما وجه حرارة، رسالة شديدة اللهجة إلي الرئيس عبدالفتاح السيسي، ونظامه وقضاءه، قائلاً: "فين القانون يا دولة القانون وسيادة القانون، في اللي بيحصل في المحاكم، والقبض العشوائي، والمعتقلات والإنتهاكات المتواصلة من جانب الشرطة، وكمان النيابة". وأضاف: "لكل اللي مش عايزني مأشتمش في القضاء ومقولش عليهم أنهم شوية أرايل، لا أحنا معندناش قضاء، احنا معندناش دولة اصلاً، الدولة اللي مفهاش سيادة قانون تبقي ومش دولة، فأنا مش معترف ان دي دولة ولا ان دول قضاة ولا ان دي نيابة". وإختتم كلمته: "الضباط اللي قاتلونا بياخدوا براءة واحنا بنتحبس ويتحكم علينا بالإعدام، إلي كل اهالي المعتقلين.. أولادكوا احرار ومتزعلوش عليهم، ده ثمن حريتنا".