قراء " اخبار مصر" يطالبون متعب بتنفيذ عقده مع ستاندرليج البلجيكى

حفاظا على سمعة الكرة المصرية ولاعبيها في الخارج

طالب عدد كبير من قراء "اخبار مصر" عماد متعب مهاجم الاهلى السابق وستاندر ليج البلجيكى حاليا بالسفر الى بلجيكا لتنفيذ تعاقده مع ناديه الجديد حتى لا يسىء الى سمعة الكرة المصرية واللاعبين المصريين ويتسبب فى اغلاق باب الاحتراف الخارجى امامهم
فقد انتقد القارىء "سمير بلبل " قائلا "احنا اساسا ما عندناش لاعب محترم بمعنى الكلمه يعنى يقضى يومه من الصباح الباكر بالنادى من تدريبات و فى نهايه اليوم يروح ينام و هكذا يعنى مفيش قهاوى و شيشه و بيزنس و عشان كده اغلب المصريين فشلوا فى الاحتراف الخارجى
ويقول القارىء "وليد" يا جماعة احنا اللعيبة بتاعتنا للدورى المصرى فقط لاغير لاتصلح للاستخدم خارج الحدود تجنيد اييييية بس الرجل مش واخد على الغربة خليك يا حبيبى هنا احسن الجو برة برد عليك اوى واللى نعرفة احسن من اللى مانعرفوش الفرق اللى هنا على اد الايد نعرف نجيب فيها اهداف.
وقال القارىء "باسم " هو فيه إيه فهو انه نموذج أكثر من سيئ، ويسيئ إلى كل مصرى ويرى القارىء "اهلاوى " كفايه بقه تشويه لسمعة اللاعبين المصريين فى العالم يا نجوم مصر
والقارىء "خالد" نهاية احلام الأحتراف لمتعب....سمعتك أصبحت غير جيده بأوروبا خلاص.والناس هناك حيشتكوك للفيفا.
ويربط بعض القراء بين موضوع متعب وما حدث مع اللاعب محمد ناجى جدو وقالت "شوشو هانم فضائح الاهلى (هروب متعب بعد النصب على نادى بلجيكى) (الاهلى يخطف جدو رغم توقيعه للزمالك) ..الله يرحمك يا كابتن صالح سليم تعالى شوف.
ويقول "مصرى دائما"الله يرحمك يا صالح سليم منذ وفاتك ماتت المبادئ والقيم التى يتشدقون بها الان. وتحت اسم "فضيحة"قال دوَّر عن الفضايح اللي بتحصل في عالم الكورة في مصر، ها تلاقيها مرتبطة دايماً بعامل مشترك اسمه الأهلي! سلم لي على المباديء مع متعب وجدو وخلافه.
وعن سمعة مصر كتب "اتحاد الكورة "سمعة مصر أهم من مليون متعب وجدو باسم مصر عقاب فوري على متعب بعدم السماح بقيدة في يناير.
وكان هناك قلة رحبت بعودة متعب منها "ياجماااااااااعه" كل لعيب وظروفه ومتجوش على اللعيب برده والقارىء "كاجو$ المنصورة"اكيد عماد متعب غلط لانه الكمال لله وحده ...بس مما لاشك فيه ان عودة المتعب ستكون مؤلمة لحراس المرمى المساكين