حديث المدينة

مفيد فوزى : لاتزال حتى الان اسطورة السينما العربية سعاد حسنى حديث المدينة وحديث كل المدن لاتزال حكاياتها تلفت الانتباه لايزال اى حدوته عنها تسترق السمع لاتزال سعاد حسنى تشغل بال الناس لاول مره بعد صمت طويل طويل يخرج شقيق سعاد حسنى الفنان عز الدين حسنى عن صمتة وننفرد بهذا الحوار حيث صمت الرجل طويلا وسمع كثيرا ثم اراد ان يتكلم كتب عن سعاد حسنى كتاب يملْ صفحاته حكايات مثيرة للغاية ا ذ انه يعرف سعاد حسنى منذ ان كانت صبية التقى بالاستاذ عز الدين حسنى فى حديث المدينه
فاصل
مفيد فوزى : ايه اللى دفعك للصمت الطويل رغم انه فيه كلام كثير اتقال وناس ادلت بأرائه ولما انا كتبت مرة ان سعاد تزوجت الفنان صديق العندليب عبد الحليم حافظ طلعوا علي زى ا لديبة هههههه كلونى ايه سر صمتك ؟
عز الدين حسنى : زى ما تقول كده اتصدت نفسى من ساعة اللى المسلسل الفاشل مش انا بس اللى بقول الفاشل ده هتكلم ليه بقى حاجة تسد النفس فعلا يعنى ظلموا سعاد فعلا كانت يعنى حملة مش حملة حملات يعنى ضد سعاد ظلموها ليه ليه انا مش عارف ليه مع ان سعاد دى فى نظرى ملك رقى اخلاق واحساس ورقه يعنى عمرها ما يعنى حد زعل منها الملايين بتحب سعاد
مفيد فوزى : نعم حضرتك شقيق سعاد ونجاة من اب واحد؟
عز الدين حسنى : لأ نجاة شقيقة من ام واب
مفيد فوزى : اه
عز الدين حسنى : سعاد من الاب بس
مفيد فوزى : سؤال النا س تحب تعرفة منك انا كتبت لانها روت لى من كان شهود الاثبات من زواج عبد الحليم وسعاد؟
عز الدين حسنى : الاهل
مفيد فوزى : الاهل ؟
عز الدين حسنى : الاهل والاصدقاء المقربين جدا جدا جدا حتى انا كاتب فى كتاب انه كان فيه ظروف خاصة يعنى
مفيد فوزى : مين كان من اسرة عبد الحليم؟
عز الدين حسنى : انا ساعة زوجها بعبد الحليم انا كنت فى السعودية
مفيد فوزى :اه
عز الدين حسنى : انا بقالى 20 سنه خارج مصر كل سنه بأجى اربع اشهر اجازة لانى مدرس فى مدرسة كبيرة هناك
مفيد فوزى : اه
عز الدين حسنى : باجى اربع اشهر بالتقى بسعاد وبتاع
مفيد فوزى : اه يعنى يعنى عايز اقول انه......
عز الدين حسنى : اتصلت بيا
مفيد فوزى : اه كنت فى السعودية
عز الدين حسنى : قالت لك اية كل جوازه من اللى تزوجتهم تتصل بيا الاول تقولى انا هتزوج الان ايه رأيك ونتناقش ؟
مفيد فوزى : تسمح لى اعرف الزيجات واحد
عز الدين حسنى : انا مش فاكرهم قوى يعنى بس هو فى واحد ابن ليلى مراد
مفيد فوزى :الفنان المخرج ابن ليلى مراد اه؟
عز الدين حسنى : اظن هو كده
مفيد فوزى :ابن الاستاذ فطين عبد الوهاب
عز الدين حسنى : ايوه ايوه
مفيد فوزى : ايوه
عز الدين حسنى : وفيه كمان بدرخان
مفيد فوزى : على بدرخان ا ثنين
عز الدين حسنى : وعبد الحليم
مفيد فوزى : وعبد الحليم حافظ ثلاثة
عز الدين حسنى : واخر واحد بقى اللى هو
مفيد فوزى : الاستاذ ماهر عواد اه الم تتزوج..؟
عز الدين حسنى : فيه غيرهم فى غيرهم
مفيد فوزى : مدير التصوير؟
عز الدين حسنى : قبليهم فى غيرة ايوه صلاح
مفيد فوزى : مدير التصوير صلاح؟
عز الدين حسنى : ايوه
مفيد فوزى : حد ثانى غير كده
عز الدين حسنى : لأ
مفيد فوزى : لأ
عز الدين حسنى : اه
مفيد فوزى : فترة عبد ا لحليم استمر الزواج خمس سنوات ؟
عز الدين حسنى : اعتقد كده
مفيد فوزى : تعتقد كده اه ؟
عز الدين حسنى : اه
مفيد فوزى : هل كنتم قلقانين لما تزوجت سعاد حسنى عبد الحليم حافظ؟
عز الدين حسنى : اطلاقا نقلق ليه انا عاوز ارد لحضرتك ان يعنى كل جوازة قبلها يعنى بتتصل بال..
مفيد فوزى : بالعيلة ؟
عز الدين حسنى : مش بتتزوج كده على طول
مفيد فوزى : عايز يعنى تقول ان زوجها من عبد الحليم استشارت فيه العيلة؟
عز الدين حسنى : بالضبط تمام وطلبتنى انا
مفيد فوزى : كلمت حضرتك فى السعودية ؟
عز الدين حسنى : اه كنت فى الرياض
مفيد فوزى : كنت فى الرياض ؟
عز الدين حسنى : اه كلمتنى قالت لى انا هتزوج عبد الحليم وبتاع
مفيد فوزى :هل هل اتعرف ان سعاد هتتزوج عبد الحليم زواجا عرفيا لأ هما اتفقوا كده لظروف خاصة مفيش داعى بقى بس فيه ظروف بينهم فنية على غير فنية هما اتفقوا علي غير وحضرتك كنت موجود اعتقد؟
مفيد فوزى :لأ انا ما حضرتش الجواز انا اللى روا لى زوجها هى نفسها سعاد
عز الدين حسنى : اه
مفيد فوزى : ثم ا سرة عبد الحليم فيما بعد انكرت هذا الزواج وتصدى الاستاذ مجدى العمروسى وقال لم يحدث هذا الزواج
عز الدين حسنى : ليه ايه الحكمة فى كدا يعنى ؟
مفيد فوزى :ما كنتش اعرف
عز الدين حسنى : سبحان الله سبحان الله
مفيد فوزى : انت استشعرت ان اسرة عبد الحليم كان حضرتك بتقول ان اسرة سعاد حسنى موجوده فى هذا العقد ؟
عز الدين حسنى : طبعا وولى الامر وكل حاجة يعنى الشروط للزواج
مفيد فوزى : مين كان ولى امر سعاد حسنى ؟
عز الدين حسنى : اظن والدى
مفيد فوزى : والدك؟
عز الدين حسنى : اظن اه لان والدى ..
مفيد فوزى : اللى هوالاستاذ محمد حسنى ؟
عز الدين حسنى : اه
مفيد فوزى : كان موجود على قيد الحياة ؟
عز الدين حسنى : اه
مفيد فوزى : اه يعنى والدك هو اللى كان شاهد الاثبات فى زواج سعاد حسنى ؟
عز الدين حسنى : انا انا كنت فى السعودية طبعا
مفيد فوزى : اه منا منا
عز الدين حسنى : بس على ما اعتقد على ما اعتقد
مفيد فوزى : لا يعقل انك هتكتب كتاب وليست فيه هذه الملاحظات
عز الدين حسنى : لأ ما انا بقول ما انا بقول
مفيد فوزى : يعنى طب من كان شاهد الاثبات عند الفنان عبد الحليم حافظ ؟
عز الدين حسنى : انا لما كلمتنى انا هتزوج عبد الحليم تزوجها يمكن ثانى يوم ولا حاجة على طول
مفيد فوزى : ايوه
عز الدين حسنى : كنت ا نا هناك
مفيد فوزى : مين كان شاهد مش هناك عرس؟
عز الدين حسنى : اخوتها
مفيد فوزى : اخوات مين ؟
عز الدين حسنى : اخوات سعاد
مفيد فوزى : انا بتكلم عن عبد الحليم يا استاذ عز؟
عز الدين حسنى : ايوه ايوه ما انا باتكلم شهود مع عبد الحليم زواج عبد الحليم يعنى
مفيد فوزى : ايوه مين كان من طرف اسرته هل جاء هو بمفرده ؟
عز الدين حسنى : دى معرفهاش انا كنت فى الرياض الحقيقة وبعدين فيه نقطة لما بتنفصل كل دى الاسماء اللى انا قلتهم حصل انفصال لما بتنفصل ما بتقولش لحد خالص ولا بتقولى ولا بتقول لحد الناس فى الجرائد والصحف
مفيد فوزى : انت عرفت انها انفصلت امتى ؟
عز الدين حسنى : من بعديها
مفيد فوزى : من الصحف بعديها اه ؟
عز الدين حسنى : وجيت اجازة بقى بعد كده
مفيد فوزى : ايه اول انكسار حصل فى حياة سعاد حسنى هل هو هذا الخصام او هذه الهزيمه العاطفية مع عبد الحليم حافظ؟
عز الدين حسنى : برضه ما اعتقدش
مفيد فوزى : امال ايه اول هزيمه فى حياة سعاد حسنى ؟
عز الدين حسنى : بيتهيأ لى صحتها بيتهيأ لى كده
مفيد فوزى : صحتها لم تحدث انها اصيب الا بانكسارات فى الفن هل عندك فكرة بانكسارات ا لفن ؟
عز الدين حسنى : هو كانت اشتكت لى من ظهرها كانو بيكتبوا كثيران هى وهى طفلة وقعت كل ده كلام ما حصلش
مفيد فوزى : ما حصلش كويس
عز الدين حسنى : لما جيت تشتكى لى من ظهرها وشكوى ثانية بعدها بكذا سنه كنت انا عازمها عندى فى البيت قالت لى شوف يا عز ا لدين دى مكتوبه بالتفاصيل فى الكتاب قالت لى شوف فيه حاجة فى وشى كده قلت لها ايه مفيش حاجة كان فيه حاجة بسيطة وانا يمكن نظرى مش قوى قوى قالت لى ازاى وراحت قربت جنبى شوية كده قالت لى خذ بالك لقيت فيه فعلا ارتخاء بسيط فى الخد كده
مفيد فوزى : ارتخاء؟
عز الدين حسنى : اه بسيط طلع قلت لها دى حاجة بسيطة وتتعالج
فاصل
مفيد فوزى : عارف الناس اللى بتشوفنا عايزة تعرف ايه خلينى ا كون معاك امين ؟
عز الدين حسنى : ايوه ايوه
مفيد فوزى : عارف الناس اللى بتشوفنا عايزة تعرف ايه عايزة تعرف سعاد فى المرحلة الاخيرة التى انتهت باكبر درامة فى حياة فنانة عربية هذا هو ما يريدة الناس ؟
عز الدين حسنى : النهاية النهاية
مفيد فوزى : مش عايزة جدال وتريد ان تعرف مثلا انا اعرف ظروف الغاء قرارعلاجها كانت الدولة تعالجها؟
عز الدين حسنى : اه ايوه
مفيد فوزى : ثم اتقال ازاى الدولة تدفع فلوس احد الاشخاص تطوع وقال للدوله ازاى الدولة تدفع فلوس عمليات تجميل لفنانه .
عز الدين حسنى : اه
مفيد فوزى : تيجى مصر تعملها فلغت تكاليف العلاج ثم اعلم ان هناك من هو انا هقولك وانا هقولك معلومات دا انت ابوالمعلومات ؟
عز الدين حسنى : فيه بعض المعلومات
مفيد فوزى : دا انت شقيق .
عز الدين حسنى : فى بعض المعلوما ت بكون انا بره مادى المشكلة ان انا مقيم برة
مفيد فوزى : انا يعنى احب اعرف انت طبعا من المؤكد انك بتتعرص للجزء الاخير اللى هو فصل الخريف
عز الدين حسنى : اه طبعا
مفيد فوزى : كيف بدأ فصل الخريف؟
عز الدين حسنى : اللى هو
مفيد فوزى : اللى هو انهى حياتها ؟
عز الدين حسنى : انهى حياتها اللى حصل بالضبط انا هقولك اللى حصل بالضبط
مفيد فوزى : اتفضل
عز الدين حسنى : جالى تليفون نجاة بتتصل تعالى لى حالا
مفيد فوزى : السيدة نجاة الصغيرة؟
عز الدين حسنى : قلت لها لأ ما اقدرش انا لسة جاى من صلاة الجمعة وبأستبدل الملابس وبتاع اجى لك بالليل اوبكرة
مفيد فوزى : المكالمة دى حصلت فى مصر؟
عز الدين حسنى : ايوه وانا فى مصر اه
مفيد فوزى : فى مصر
عز الدين حسنى : قالت لى فى مصيبة حصلت ده بالحرف الواحد
مفيد فوزى : نعم
عز الدين حسنى : يعنى
مفيد فوزى : مين السيدة نجاة؟
عز الدين حسنى : اه مصيبة تعالى حالا مفيش مجال لحكاية بكرة دى قلت لها حاضر وانا تعبان فعلا فنزلت ورحت لها على طول لقيت الدموع فى ايه قالت لى اختنا ماتت قلت اختنا مين طبعا انا مفيش حاجة فى زهنى خالص بتقولى سعاد ماتت ازاى عرفتى ازاى سعاد يعنى مش جنبا دى فى لندن ماتت ازاى يعنى قالت بلغونى بالتليفون قلت لها امتى قالت امبارح قالت لى امبارح قلت لها ماتت امبارح ويبلغوكى انهاردة ازاى طبعا الدموع انا مش الدموع انا مش بكيت على طول انا مش مصدق مش مصدق خالص فسكت طبعا تخيلت ان ده حصل فال لقيتها مسكينة يعنى الدموع صعب قوى قوى قوى اسألوها ايه سبب ا لوفاة
مفيد فوزى :ايوه
عز الدين حسنى: قالت لى كدمات خذ بالك من النقطة دى مهمة جدا
مفيد فوزى : اتفضل
عز الدين حسنى :كدمات كثيررررر فى انحاء جسمها سببت الوفاة
مفيد فوزى : كدمات كثيررررر فى انحاء جسمها سببت الوفاة؟
عز الدين حسنى : مش مش واحد والا اثنين والا ثلاثة كثيررررر
مفيد فوزى :اه
عز الدين حسنى : نفهم ايه انا ربطت دى بقى بحاجات ثانية وفى الكتاب شرحتها انه اعتداء عليها اعتداء مميت حتى اعتداء عليها وكدمات مفيش يعنى اصل اللى بينتحر ده لو نزل
مفيد فوزى : السيدة جنجاه حسنى كما تقول عن نفسها قالت انه ليست هناك فى جسد سعاد حسنى اى شئ يمكن ان يكون سقوط من اعلى
عز الدين حسنى : صح مفيش
مفيد فوزى : يعنى اذن انت تؤكد ان سعاد حسنى لن تلقى بنفسها او القاها احد من الدور السابع
عز الدين حسنى : انا
مفيد فوزى : كانت سكنه فى الدور الكام او كانت عند الست نادية حسنى ؟
عز الدين حسنى : ا لسادس
مفيد فوزى : السادس اه ولم يحدث انها القيت من فوق
عز الدين حسنى : انا
مفيد فوزى : هل لو كانت القيت مش كانت ادشدشت؟
عز الدين حسنى : ماهو ده اللى انا عايز اقولة لو نزلت على رأسها مكناش هنعرف كان خلاص شكلها كان هتتشلفت خالص لو نزلت على دماغها مثلا كان معالم الوش انتهت فى اى حته كانت
حتى يعنى كانت هتتكسرلكن كانت سليمة ونايمه كده ادامى
مفيد فوزى :سليمة؟
عز الدين حسنى : سليمة
مفيد فوزى :الكدمات فين ؟
عز الدين حسنى : الكدمات الكدمات فى انحاء الجسم كويس كده
مفيد فوزى : نعم دا الدكتورة اللى قالت كده لما طلعت
عز الدين حسنى : اه
مفيد فوزى : عفوا وهو مشهد رهيب
عز الدين حسنى : اه من الثلاجة يعنى
مفيد فوزى :هل عينكم رأت ؟
عز الدين حسنى : اطلاقا كانت
مفيد فوزى : ملفوفه ؟
عز الدين حسنى :ملفوفة زى ما تكون متحجبة بالضبط تمام وفيه شوية شعر هنا زى ما يكونوا بيتحجبوا ويسيبوا شوية شعر كده هى زى ما تكون متحجبة بالضبط وملفوفة فى قماش لونه , فى الغسل بقى فى مصر لما جت هنا ودوها مستشفى الشرطة حطوها فى الثلاجة ثانى يوم الصبح البنات واخوتها الستات كلهم حضروا الغسل حضروا الغسل
مفيد فوزى : الغسل؟
عز الدين حسنى : زى ما قالت دلوقتى كلام الدكتورة ان فيه كدمات كثير
مفيد فوزى : اه
عز الدين حسنى :هما شافوا
مفيد فوزى :ماذا رأت السيدة نجاة ؟
عز الدين حسنى : لقت فى رأسها كسر بسيط مش سقوط نتيجة السقوط ده ما يبقاش بسيط
مفيد فوزى :اه
عز الدين حسنى :دا بيغير المعالم خالص لكن ده فية كسر بسيط
مفيد فوزى : كسر معناه ايه ؟
عز الدين حسنى : معناة
مفيد فوزى : طرق فى الجمجمة ربما بآلة؟
عز الدين حسنى : من ضمن ما اكيد انا بقى بقول ايه ان موتوها الاول ونزلوها تحت ورموها
مفيد فوزى :موتوها الاول ونزلوها تحت من غيرما يرموها لان لو اترمت هتنزل ..؟
عز الدين حسنى : هتتفشفش من جهة معينة
مفيد فوزى : تمام
عز الدين حسنى : اذا اصطدمت بالارض بس
مفيد فوزى :تمام قعدت كام يوم هناك؟
عز الدين حسنى : انا قعدت يومين الثالث قالوا تعالى بكرة
مفيد فوزى : ومشيت من الذى استقبل الجثمان فى الطيارة؟
عز الدين حسنى : انا انا
مفيد فوزى :حضرتك ؟
عز الدين حسنى : ايوه
مفيد فوزى :اه
عز الدين حسنى : تحت مع العفش تحت
مفيد فوزى : سؤالى يهمنى ان اعلمة وربما الناس تحب تعرفة ؟
عز الدين حسنى : ايوه
مفيد فوزى : هل كانت السيدة نجاة وهى فاضلة وفنانة عظيمة انسانة اكثر من رقيقة هى الرقة بذاتها هل كانت نجاة تقدم معونات مادية لسعاد حين تخلت الدولة عن الغاء قرار العلاج؟
عز الدين حسنى : ما تخلتش ولكن
مفيد فوزى : مين اللى ماتخلتش ؟
عز الدين حسنى : نجاة
مفيد فوزى : كلمة ما تخلتش دى على الدولة هى ما تخلتش؟
عز الدين حسنى : لالا نجاة
مفيد فوزى : نعم
عز الدين حسنى : تخلت هى ما تخلتش ولكن هقول لك بكل صراحة
مفيد فوزى : اتفضل يا افندم
عز الدين حسنى : نجاة صرفت كل ما تملك على تعليم ابنها فى ارقى مدارس فى العالم
مفيد فوزى : الاستاذ الشاب المهذب وليد؟
عز الدين حسنى : وليد
مفيد فوزى : طيب لكن هى ما بعتتش فلوس من لندن ؟
عز الدين حسنى : دى معرفهاش هتبتعت لاخواتها اللى من الام هتكون بعتت لهم هتبعتها ليه علشان يصرفوا منها
مفيد فوزى : اه لأ بتقول تبعتها لانها كما ن جهزت اربع خمس شنط هو حضرتك مش ذاكر هذه المعلومات؟
عز الدين حسنى : ما انا قلت وانا جاى ومعايا سعاد جثمان سعاد جت معانا معرفش جت ازاى اسمها نادية ايه واربع شنط
مفيد فوزى : جت مصر ؟
عز الدين حسنى : جت معايا مصر وفى نفس الطيارة
مفيد فوزى : فى نفس الطيارة ؟
عز الدين حسنى : اه معرفش بصيت لقتها كده ومعها اربع شنط ثلاث شنط بتوع سعاد
مفيد فوزى: استاذ استاذ عز هل فى تعريف فى عبارة اسمها يكاد المريب يقول خذونى
عز الدين حسنى : ههه
مفيد فوزى : هل جاءت نادية يسرى لهذا السبب يعنى حبت تنفى عن نفسها اى شئ ؟
عز الدين حسنى : ما استتبعدش من اللى بتقولى ده حاجة ابدا ابدا ما استبعدش
مفيد فوزى :تحت ستار دموعا ربما فاض النيل بسببها
عز الدين حسنى : لما قرات الكتاب حضرتك هتلاقى
مفيد فوزى : طب ما تطلع ما تقول يا راجل
عز الدين حسنى : مش فاكرها قوى بس
مفيد فوزى : يا راجل الناس اللى بتشوفنا
عز الدين حسنى : انا عارف عارف بس فية حاجة تضحك
مفيد فوزى : اتفضل اتفضل استا ذ عز
عز الدين حسنى : بمناسبة انها دموع مش عارف ايه وبتاع
مفيد فوزى : اه
عز الدين حسنى : بقت حاجة هستيرية احنا اول مانزلنا من المطار بصينا لقينا واحدة بعربية مأجراها وتعالوا معايا البيت احناجايين تعبانين
مفيد فوزى : فى المطار انهون مطار لندن؟
عز الدين حسنى : لندن
مفيد فوزى : لندن لما جيتوا من مصر؟
عز الدين حسنى : اه اه احنا فى الفندق بتاعنا فا عرفت ان احنا نزلين قلنا لها ما نقدرش مين انت منعرفهاش قالت انا اسمى كذا وكذا سعاد كانت حبيبتى وماتت فى شقتى ومش عارف ايه وبتاع طب نيجى لك بكرة
مفيد فوزى :ايه حقيقة ان احمد قال فى احد لقاءات ؟
عز الدين حسنى :ابنى
مفيد فوزى : اه ال ناد ية يسرى قالت له سعاد ماتت فى حضنى ؟
عز الدين حسنى : ما انا لسة جاى لك اهو
مفيد فوزى : اه
عز الدين حسنى : فتعالوا معايا قلنا لها مش هنقدر تعبنين جدا بكرة نجيلك قالت هصرخ والم عليكم الناس بالحرف الواحد اقسم بالله قالت هلم عليكوا الناس قلت ايه واحدة شلق دى ولا ايه
مفيد فوزى : الله عاوزاكم تيجوا بالعافية
عز الدين حسنى : اه بالعافية
مفيد فوزى : ومتروحوش الفندق
عز الدين حسنى : وما نروحش الفندق معايا عربية اهى وهجيبكم تانى قلت الله يمكن عندها معلومة ولا حاجة
مفيد فوزى : ورحتوا بيتها؟
عز الدين حسنى : اه ما هتردح بقى وحاجة غريبة
مفيد فوزى :غريبة
عز الدين حسنى : وفعلا هناك بقت تعيط شوية وتضحك شوية وتقول نكتة شوية من ضمنها اللى انت قلت لى عليه ده ماتت فى حضنى وايه تانى الصحافة موتتها وايه ثالث رمت نفسها من فوق ا يه رابع اربع خمس حاجات
مفيد فوزى : حضرتك رحت ناحية الشباك الشرفة دى وشفت السلك؟
عز الدين حسنى : اه اه ايوه ايوه
مفيد فوزى : السلك كان مقطوع؟
عز الدين حسنى : والله والله ما انا فاكر حاجة
مفيد فوزى : ولا احمد شاف السلك مقطوع ؟
عز الدين حسنى : انا انا عاوز اروح السفارة انا لما كت بتضحك وتعيط وتنكت تقول نكتة وتضحك عليها هى ما بنضحكش ا حنا ولا حاجة يعنى كانت غريبة حاجة مريبة يعنى
مفيد فوزى : يعنى موقف هستيرى
عز الدين حسنى : بالضبط موقف هستيرى مضحك
مفيد فوزى : ايه اللى اردت تقولة فى الكتاب بتسمية ايه الكتاب ؟
عز الدين حسنى : دا الاسم انا مسمية اسمين
مفيد فوزى : نعم
عز الدين حسنى : الاول لسة ما رستش عليه الاسم الثانى ذكرياتى مع اختى الحبيبة
مفيد فوزى : اه
عز الدين حسنى :مع اختى الغالية ذكرياتى مع اختى الغالية ده ثانى عنوان
مفيد فوزى : اه
عز الدين حسنى : بس الثانى لسة ما استقرتش عليها
مفيد فوزى : اه اه
عز الدين حسنى : هيكون عنوان كويس بس انا ما يعنى صرفت نظر عن اصدار الكتاب دلوقتى
مفيد فوزى : ليه ؟
عز الدين حسنى : ماهو يعنى كتاب ادبى مادة جديدة الناس اياهم دول بسميهم اصحاب النفوس
مفيد فوزى : من هم اعداء سعاد حسنى يا استاذ عز؟
عز الدين حسنى: ما اذكرش اسماء بس يطلعوا فى التليفزيون اللى يقول لك سعاد دى ابوها بيبيعها ورق يا نصبيب فى الشارع ازاى
فاصل
مفيد فوزى : سعاد حسنى قتلت ولم تنتحر
عز الدين حسنى : سعاد حجت ادت ست مرات فريضة الحج فى نفس السنة
مفيد فوزى : فى نفس السنة ؟
عز الدين حسنى : فى نفس السنة يعنى الحج اللى هو كانت معرفش شهرين ثلاثه اربعه خمسة
مفيد فوزى : بدعوى بدعوى
عز الدين حسنى : معرفش بس حجت وخلاص
مفيد فوزى : اكيد بدعوة كريمة يعنى 100 ال 100
عز الدين حسنى : ما افتكرش يعنى على حسابها يعنى مش مشكلة
مفيد فوزى :يعنى يعنى سافرت من لندن؟
عز الدين حسنى : لألألأ مصر لندن لندن
مفيد فوزى :اوى تكون ذاكرتك بتفوت
عز الدين حسنى : لكن يعنى مش غريبة تفوت ان انا 82 سنه دى
مفيد فوزى : معلش
عز الدين حسنى :ههههههههه
مفيد فوزى : ذاكرتك لم تصدأ ؟
عز الدين حسنى : الحمد لله
مفيد فوزى : امسك الخشب ذاكرتك لم تصدأ يا استاذ عزوخصوصا عندما يتعلق ا لامر بسعاد حسنى
عز الدين حسنى :اه اه
مفيد فوزى : حضرتك علمت سعاد حسنى فى بداية العمر المغنى ولا علمت نجاة؟
عز الدين حسنى : فلمين تقريبا من اللى عملتهم حسن ونعمية وفيلم ثانى قالت لى تعالى اسمع صوتى لان انا اللى اكتشفت نجاة وانا اللى ضربت نجاة وبقت معروفة فاانت اسمع صوتى بالمرة وقول لى انفع اغنى فى الافلام ولا ما انفعش فا اخذت العود وسمعت صوتها وقلت لها تنفعى تغنى اغانى خفيفة والاغانى الصعبة بس صوتها فية شئ فيه شئ يجذب حسيت ان فيه حاجة فيها
مفيد فوزى : لماذا ظللت طول ا لعمر داخل دائرة الظل مع انك قدمت اهم ثمرتين فى شجرة الفن المصرى هما سعاد حسنى ونجاة الصغيرة لماذ ا ظللت انت فى طى الكتمان ؟
عز الدين حسنى : لانى خيبان
مفيد فوزى : لانك
عز الدين حسنى : خيبان
مفيد فوزى : بالبلدى