45 دقيقة

موضوع الحلقة : مصر والرئيس القادم .. آمال وتطلعات
أهم ماجاء في الحلقة
جماعة حقوق الانسان تكيل بمكيالين ولا ترى ما يتعرض له الشعب المصري من الاخوان
الاخوان فصيل غريب جدا لا يروا غير انفسهم
التصويت في الانتخابات واجب وطني وليس حرية شخصية
جورج رشاد: اهلا بكم في حلقةجديدة من برنامج 45 دقيقة معنا للحديث والتحليل الكاتبة الصحفية فريدة الشوباشي ..بداية المشهد الداخلي وردود الفعل حول حكم جنيات المنيا باعدام 37 متهم منهم مرشد الجماعة الاخوانية كيف تقراين هذا الحكم
أ/ فريدة الشوباشي: الحكم هو الحكم .. الناس دي عارفة وبان كي مون اللي انتفض النهاردة لاحكام القضاء واللي كانوا بيعيطوا النهاردة لما سمعوا الحكم فكروا في ام ابنها اتقتل شرطي او جندي او طالب في الجامعة المشكلة ان دا فصيل غريب جدا مش قادرة افهم مش قادرين يحسوا بالام البشر ورايهم ان هما فقط الا يمسوا ..
جورج رشاد: فيه اطراف مختلفة النيابة العامة تطعن على الحكم وهناك منظمات حقوق الانسان التي تطالب المحكمة اعطاء تفاصيل عن حيثيات الحكم كيف ترى تعليق هذه المنظمات الحقوقية
أ/ فريدة الشوباشي: مفيش حد في مصر مش عارف المعاناة اللي بنعانيها من ساعة ماجم الاخوان للحكم وحتى لما مشيوا من السلطة اتفقوا اتفاقات مريبة ترقى الى مستوى الخيانة .. بتوع حقوق الانسان اللي شافوا ناس قالوا هنولع مصر وارى رؤوسا قد اينعت والارهاب هيقعد في سينا لحد مايرجع مرسي .. فيه في القانون حاجة اسمها القرائن الت ترقى الى مستوى الادلة وواحد قال امريكا مش هتسيبكم .. فيه نوع من النفاق الاجتماعي ياجماعة شوفوا احنا المصريين بنعاني ايه .. يعني امريكا في المقابل موتت مليون عراقي ودمرت بلد عربي وشردت 4 مليون عراقي
جورج رشاد: راي حضرتك في وجود غرامة 500 جنيه لمن لا يدلي بصوته في الانتخابات والبعض يرى ان ذلك حرية شخصية
أ/ فريدة الشوباشي: لا مش حرية شخصية انت دلوقت عندك واجب وطني ولازم تشارك ولو جه رئيس خرب الدنيا يبقى مش من حقك تتكلم انت لازم تروح وتقول ممكن واحد تعبان ولكن الفكرة انه عايزين دولة قانون .. انا مشكلتي مع الرئيس انه يوفر لي قوت يومي ويوفر لي سكن ادمي احنا عايزينيه تزوير ف نرجع تاني مصر فلازم كلنا نشارك وكل مسئول مطالب انه يؤدي واجبه بامانة
جورج رشاد: الاستعدادات للانتخابات عايزين الخارطة
أ/ فريدة الشوباشي: فيه الاستاذ حمدين بيتكلم ولغاية النهاردة انا شايفة ان السيسي ملتزم انه يتكلم في الوقت المحدد وهيتكلم يوم 2 او 3 مايو انا في اعتقادي ان هذا الرجل رجل الاقدار زي ما بيحصل في التاريخ لانه اساسا مكانش هيحصل انتخابات رئاسية لولا تدخل الجيش المصري وهذا الشعب بقيادة تاريخية اسمها عبد الفتاح السيسي ..
جورج رشاد: شايفة ازاي مشاركة المنظمات الاقليمية والدولية واشرافها على الانتخابات
أ/ فريدة الشوباشي: انا شايفة اللي عايز ييجي ييجي وامش عدل يحتار عدوك فيك والحمد لله محدش قدر يقول انه فيه تزوير في الاستفتاءعلى الدستور
جورج رشاد: هناك تسهيلات مقدماها اللجنة العليا للانتخابات منها موضوع الوافدين والاختلاف اللي بتشوفيه عن الانتخابات السابقة
أ/ فريدة الشوباشي: كل الناس المفروض تنتخب ببطاقة الرقم القومي
جورج رشاد: على المستوى الدولي نجد الخارجية وفرت بعض وفود من الدبلوماسيين لمعاونة العاملين في السفارات المصرية في الخارج كيف ترين ذلك
أ/ فريدة الشوباشي: انا شايفة ان كل اخطاء الماضي بنصححه يعني الناس اللي فاكرة اننا عملنا ثورة وبكرة نبقى المانيا اقولهم لازم نشتغل عشان نبقى زي المانيا ونشارك في بناء بلدنا واحنا بنشارك في اختيار الرجل المناسب في المكان المناسب وانا شايفة التسهيلات اللي بتقدمها الدولة دا معناه انها واثقة في اختيارات الشعب
جورج رشاد: المؤسسات الدولية نجد مؤسسة كارتر التي لم تشارك في الاستفتاء السابق في حين كانت مهتمة في المشاركة في الانتخابات البرلمانية في البرلمان المنحل وشفنا كارتر بنفسه نازل في ازقة شبرا باهتمام وشغف كبير
أ/ فريدة الشوباشي: دي جماعتهم ودا كان رهان ومن سنة 1917 من ساعة وعد بلفور وزي ماقال عبد الناصر اعطى من لا يملك وعدا لمن لا يستحق .. وبريطانيا هي برضه اللي عملت جماعة الاخوان بقيادة حسن البنا لتنويع القضايا الوطنية واغراقنا في صراعات .. هيلاري كلينتون قالت انه مش محتاجين دلوقت نغزو اي بلد عربية او اسلامية احنا هنخليهم يموتوا بعض .. في القرن الواحد والعشرين بتقولي شعة وسنة يعني فيه حاجات ان الناس تبقى عندها الشجاعة انها تفوق
جورج رشاد: تفسيرك ايه انه فيه عقول بتستجيب لهذا
أ/ فريدة الشوباشي: لان مفيش تعليم والدولة من منتصف السبعينات انسحبت وسابت المدارس من الحضانة للجامعة فاللي حصل ان واحد لاول مرة في تاريخ مصر ان واحد بيحرق العلم المصري في التحرير ولاول مرة في تاريخنا يقول ما اقومش للسلام الوطني لان دا كفر وحرام وكل دا والدولة في وادي تاني احنا مشكلة الامية والتعليم السئ وعبر عنها السيسي لما بيقول انه لما بيجولنا الجيش بنحس بتعدد الولاءات
جورج رشاد: نظرة بانورامية على علاقاتنا الخارجية وزيارة وزير الخارجية لبعض ولايات الولايات المتحدة الامريكية وزيارة رئيس الوزراء لتشاد وتنزانيا في دول حوض النيل كيف تقراين ذلك وفي نفس الوقت جون كيري هيزور افريقيا الاسبوع الجاي
أ/ فريدة الشوباشي: انا لما بلاقي من ساعة بناء السد العالي ايام جمال عبد الناصر وامريكا واسرائيل بدات تلعب في دول حوض النيل وكانت امريكا بتقدم التمويل واسرائيل بتقدم التكنولوجيا وكانت عندنا قيادات مغيبة فدي حاجة مسيئة للوطن .. والرئيس الاسبق مبارك عشان اتعرض لمحاولة اغتيال في اثيوبيا ودانا في داهية بينما نحن افريقيا زيارة افريقيا من اهم الاولويات في حياتنا لانه دا النيل دا شريان حياتنا .. نيلسون مانديلا اسطورة النضال كان بيقول ان عبد الناصر زعيم زعماء افريقيا .. استثمر دا .. استثمر شعبيته في افريقيا
جورج رشاد: التغطية الاعلامية في الانتخابات الرئاسية والفرق بين ماكان متبع
أ/ فريدة الشوباشي: احنا عايزين كل واحد من المرشحين يعرض برنامجه وانت كإعلامي انه يعرض دا ويقول امكانيات المرشح انه يعمل دا انا بقول ان احنا عايزين نخاطب الشعب المصري بطريقة جادة
جورج رشاد: كيف تحكم الحملة الدعائية للمرشح
أ/ فريدة الشوباشي: انك تساوي في الوقت
جورج رشاد: هل تفضلي انه يكون هناك لجنة تقييم اعلامي للقنوات المختلفة
أ/ فريدة الشوباشي: مين اللي هيقيم يعني في كل خرابة عفريت .. المسار الديموقراطي هيصحح نفسه بنفسه ولو فيه مخالفة هنا اطالب لجنة قيم ودي صعب انها تكون موجودة لانه انت تنتمي مع فكر معين ومن تيار معين وهتلاقي فيه اختلافات
جورج رشاد: تقولي ايه لعمال مصر
أ/ فريدة الشوباشي: مل سنةوهم طيبين وان شاء الله تعود لهم حقوقهم ومصانعهم تتفتح ونبتدي نصدر زي ماكنا بنصدر زي الستينات وما اداراك ما الستينات
جورج رشاد: شكرا لك والى اللقاء