45 دقيقة

عمرو توفيق : مشاهدينا فى كل مكان اهلا بكم معانا حلقة جديدة من 45 دقيقة تحية لشعب البحيرة فى ذكرى النصر على اعداءها معى ومعكم ضيفنا محافظ البحيرة د. مصطفى هدهود سيادة المحافظ اهلا بحضرتك معانا
د. مصطفى هدهود : اهلا وسهلا
عمرو توفيق : سيادة المحافظ العام الدراسى بدا كلمنا عن مدارس البحيرة بمراحلها المختلفة
د. مصطفى هدهود : هى محافظة من اعظم المحافظات لمامسكت رحت اول يوم قعدت فى وزارة التربية والتعليم ركزت على نظافة الحمامات والفصول ونظافة المدرسة بصفة عامة وسن دخول الطفل والتجريبى عملنا فصول جديدة ووصلنا الى دخول سن المدرسة 4سنين وست شهور
عمرو توفيق : هل فى فرق صيانة لاستقبال العام القادم انشاء الله
د. مصطفى هدهود : مشكلتنا احنا الصيانة عينا ناس بعقود للصيانة والنظافة واساسا نظافة الحمامات والفصول افتتحنا مدارس بكفر الدوارثانوى واعدادى وابتدائى كانوا سعداء ان السادة المسئولين موجودين وان المحافظ فى وسطهم وده بيدى لهم روح هذايجعل ترابط وانتماء لهذا الوطن
عمرو توفيق : طيب كثافة الفصول كام فى البحيرة ؟
د. مصطفى هدهود : احنا عندنا البحيرة مختلفة المتوسط ما بين 45 و50 فى الاعدادى والثانوى انما الابتدائى وصلنا لغاية 40
عمرو توفيق : فى تعليمات للمدرسين بعدم الحديث فى السياسة ببساطة السياسة شوهت عقولنا وقلوبنا على مدى اكثر من سنتين ونص رفقا باطفال ابرياء نخليهم يعيشوا حياة جميلة نشوف تقرير الزميل نعيم ابراهيم ونرجع نكمل كلامنا
عمرو توفيق : مع بداية العام الدراسى الجديد اليوم فى بعض محافظات الجمهورية وغدا باقى المحافظات
مدرس بقى فى كى جى وان فى الفصل 40و50و60 لاستعاب 180 طالب فى كى جى عاملين نبطشيات لحماية الاطفال فى المدارس
مذيع : القائمون على التعليم والمدرسون اكدوا التزامهم بكافة التعليمات حرصا منهم على حقوق وامن الطلاب
مدرس : التوجيهات لجميع الزملاء الجدية فى العمل وغرس الانتماء للوطن
مذيع : وما بين جهود الوزارة وسرعة الاستجابة من قبل المسئولين يامل اولياء الامور فى عام دراسى موفق لابناءهم
فاصل
عمرو توفيق : سيادة المحافظ معروف عنك كما نسمع انك رجل شارع بمعنى انك رجل تختلط بالناس تعرف مشاكلهم تذهب اليهم لست من انصار الجلوس فى المكاتب المكيفة وحضرتك بتلف فى ارجاء محافظة البحيرة ايه ابرز المشاكل اللى الناس عايزة حلها باسرع وقت ممكن ؟
د. مصطفى هدهود : نمرة واحد الحصول على الوظيفة .. ومشكلة دخول الطفل المدرسة وقلة الفصول زودنا عدد الفصول بكل المراكز وصلنا الى 4 سنين وست شهور ودى ميزة وفى تمويل متاح لرفع كفاءة بعض المدارس الاخرى
عمرو توفيق : كلمنى عن الامن هل هو متوفر فى محافظة البحيرة وهل هى مؤمنة تماما لان احيانا بعض البلطجية وبعض الخارجين عن القانون ممكن يتطفلوا على المدارس ايضا الكتب المدرسية هل وصلت لايدى جميع الطلاب
د. مصطفى هدهود : الكتب كانت بتتوزع الاسبوع اللى فات قبل بداية العام الدراسى وانا بنفسى شفت بالنسبة للامن فى تواجد امنى من الشرطة ومن القوات المسلحة وعملت مجموعة مكونة من خمس افراد هتبقى متواجدة فى كل مركز لمدة اسبوع دى موجودة مكونة من الشرطة مامور القسم زائد رئيس مجلس المدينة زائد رئيس المجلس القروى زائد مدير المديرية الموجود فى التربية والتعليم زائد ناس من المحافظة وانامعاهم وسكرتيرعام المحافظ ليحس اولياء الامور بالطمأنينة والحمد لله لا توجد اى مشاكل مطلب الشعب فرص العمالة لابد ان يكون فى استثمار انا ضد تكديس الجهات الحكومية بالعمالة
عمرو توفيق : الحكومة جهاز مكتظ ولا يحتمل
د. مصطفى هدهود : احنا بنسعى باسرع ما يمكن بايجاد فرص عمالة من خلال الاستثمار انا ناقشت مع البنوك الرئيسية القاهرة والاسكندرية والاهلى نتعاون نرجع الاسر المنتجة نعطى قروض لتربية البقرالجاموس الاغنام من خلال قروض ميسرة .. هنرجع مشورع البتلو .. فى مشروع التسمين التابع للمحافظة ده مساحة كبيرة جدا معاه 450 فدان زراعة عدد الرؤوس الموجودة لاتتناسب مع حجم المشروع هندخل رؤوس جديدة وندخل مشروع البتلو بادى له عجل صغير بيربية فى القرية انا اشترية منه اوصلة ل 400 كيلو فانا كده بازود الثروة الحيوانية واللحوم داخل البلد اتفقنا نعمل شركة انتاج مواسيرللمياة داخل البحيرة فرص للعمالة
عمرو توفيق : معانا الاستاذ محمد فرج على التليفون
الاستاذ محمد فرج : عايزين حضرتك طريق بقرية الزوجى حوالى 3 كيلو عشان نروح المدارس الطريق تراب فى الشتا بنتبهدل والله باولادنا وبنتاخر على شغلنا على ما نروح نودى المدارس كنا خدنا تاشيرة بالطريق ده او 2 كيلو ونص
د. مصطفى هدهود : الحكومة مهتمة بموضوع الرصف وفى تدبير مالى اضافى انشاء الله مخطط لرصف الطرق الريفية انشاء الله نزود نسبة الرصف عن السنة الماضية بناءاعلى دعم الحكومة انشاء الله
عمرو توفيق : تحب تقول سؤال تانى والا كده خلاص تم اغلاق الخط الفلاح المصرى عنده مشكلة عويصة هى ولادة بيكبروا عايزين يتجوزوا عايز يبنى لهم بيت يضطر يبنى بيت على الارض الزراعية وده مخالف للقانون محافظة البحيرة لها ظهير صحراوى كبير تقترح ايه تحب تعمل ايه للفلاح المصرى اللى عنده اولاد عايزين يتجوزا ويبنى لهم بيت تحل المشكلة ازاى علشان ما يبنيش على الارض الزراعية
د. مصطفى هدهود : مشكلة مصر كلها بنزيد كل سنة 2.5 % احنا فى خلال العشر سنين كل عشر سنين هنزيد على مستوى مصر بالتالى لازم نص ال 25 مليون دول محافظة البحيرة عندها شق زراعى صرف وشق موجود فى مركز بدر ابو المطامير ومركز وادى النطرون دى مناطق كانت صحراوية فى جزء لسة صحراوى لكن الدارسة اللى انا باعملها لازم ندعم مركز ابو المطامير وبدر ووادى النطرون ثلث محافظة البحيرة عدد السكان 100 الف وفى بدر 140 الف فى كفر الدوار 855 الف الموجودين فى دمنهور 900 الف اذا احنا لازم نعمل استثمارات زراعية وصناعية وبنية اساسية كاملة عاوزاعمل مناطق سكنية متكاملة ميه صرف كهربه غاز مساكن مدارس مستشفيات مع التركيز فى الثلاث جهات دول وادى النطرون وابوالمطامير وبدر وفعلا احنا بدءنا فى منطقة صناعية كبيرة جدا فى وادى النطرون محطة الصرف الصحى هتخلص بعد 45 يوم الميه اتعلمت فى النوبارية واتعمل خط نقل المياة طولة 95 كيلو من غرب النوبارية من اول الطريق الصحراوى الى غرب وادى النطرون بننمى المناطق الزراعية ومناطق التصنيع الزراعى ودى هجرة داخلية دائمة وفى استيطان لو نجحنا فى هذا المفهوم نكون بنحل جزء من مشاكل مصر
عمرو توفيق : تمام نشوف تقرير الزميل محمد عطية للاستعداد للعام الدراسى
تقرير: انتظمت الدراسة بجميع الادارات التعليمية بكافة محافظات مصر عدا التى شاهدت احداث العنف
مدرس : تم عملية النظافة والصيانة وراجعنا صيانة المدارس الاسبوع الماضى ووصلت الكتب وتم التسليم للكتب الدراسية وكل حاجة منظمة المدرسين والادارة
مذيع : الطلاب توجهوا الى مدارسهم ليكون اول يوم فى المدارس هو يوم فى حب مصر
فاصل
عمرو توفيق : نتمنى ان مصر كلها تعدى الى بر الامان ويبقى فى نقلة نوعية فى كل مناحى الحياة فى مصر سيادة المحافظ كل سنة وانت طيب اول امبارح كان 19 سبتمبر العيد القومى لمحافظة البحيرة انتصار شعب رشيد على حملة فريزر وحضرتك عملت جولة ف المشاريع المختلفة فى المحافظة وسمعنا عما يقال عن ترميم اثار رشيد نشوف تقرير الزميل محمود على
تقرير: فى عيدها القومى محافظة البحيرة تعيش على ايقاع مشاريع كبرى ذات ابعاد ثقافية وتنموية منها ما انجز واخرى لاتزال فى طور الانجازهناجولات تفقدية وميدانية يقوم بها محافظ الاقليم للوقوف على النتائج وتحديد التوجهات المستقبلية وفى هذا الاطار تاتى جولة وزير الشباب فى عدد من مراكز الشباب للوقوف على اوضاعها وكيفية تطويرها للنهوض بهذا القطاع واليوم تدخل مدينة رشيد مرحلة جديدة قوامها التاهيل والتنمية لاستعادة اعدادها ضمن برنامج شامل للاثار التاريخية والحفاظ عليها وفى هذا السياق ياتى افتتاح مسجد اثرى من المساجد الهامة فى البحيرة تم على مرحلتين تكلف 14 مليون و400 الف والمرحلة الثانية 14 مليون للنواحى الزخرفية والجمالية الموجودة
شيخ المسجد : سبب الانهيار اصلا هو عدم وجود الصرف الصحى بدات الاعمدة اللى كانت موجودة تتاكل وتتحول الى تراب وانهيارات والمسجد كله بدا ينهار مطلوب عمل دورا للتعرف على قيمة المكان
مذيعة : هذه المعالم الاثرية والحضارية هى فقط شهادة ميلاد قيمة حتى لا ننسى اننا مازلنا نبدع عندما نريد لجذب المزيد من الاستثمارات والنهوض باوضاع هذا الاقليم
فاصل
عمرو توفيق : تعليق حضرتك على التقرير ايه
د. مصطفى هدهود : رشيد منطقة ساحلية اثرية اسلامية كان فى مشروع ترميم رشيد تم دعمة بمبلغ 25 مليون جنية عاوز احول جميع المساجد الاثرية نتيجة التقادم كانت محتاجة الى ترميم وزارة الاثار نجحت فى انها تخلص 3 مساجد فى مسجدين انا متحمل نتيجة ترميمهم فى شوارع اثرية داخل رشيد كان فيها اسواق الدولة عملت 3 اسواق عملنا سوق مجمع للخضر والفاكهة وسوق للاسماك الحاجة الثالثة معمول موقف شفتة يوم الخميس مستواه رائع جدا لم يتم الاستلام النهائى نتيجة مشاكل مالية وبدا يشتغل تانى المدنية ترجع اثرية لابد من النظافة والجمال بنطلع العربيات برة المدينة تركيزى الفترة القادمة 3 حاجات الصرف الصحى .. النظافة والتركيز عليها لمسة الجمال فى المبانى وفى الشوارع بنطور مينا شغالين فيها وبنطور ممشى رشيد ليكون منطقة سياحية للشعب المصرى والسياحة الاجنبية وبنعمل على وضع رشيد من ضمن الخريطة العالمية للاثاركمدينة اثرية ومسئولين نوصلها لمرحلة النظافة والجمال
عمرو توفيق : نشوف مطالب الناس ونرجع نكمل
تقرير: مواطنوا محافظة البحيرة والفقراء والجهود المبذولة لاوضاعهم شانهم شان كثير من اهالى محافظة الجمهورية يتطلعون دائما الى تحسين مستوى الخدمات والمرافق المرتبطة بحياتهم المعيشية وهى مطالب مشروعة لكنهم مازالوا محرومين منها
مواطنة : عايزين سكن
مواطنة : عايزة رشيد مدينة سياحية عشان الشباب قاعد من غير شغل لو المدينة استغلت صح مش هتحتاج حاجة من برة
مواطن : انشاء محطة صرف صحى ومدرسة وشبكة الصرف الصحى ومياة الشرب وفرن عيش تبع مجلس المدينة عايزين صرف من المينا للبحر ماتطلعش علينا ميه ريحتها وحشة وخف الضرائب والتامينات
مذيعة : مطلوب لهؤلاء البسطاء ملف نضعة الان على طاولة السيد محافظ الاقليم لعلنا نجد لدية جوابا شافا يريح هؤلاء المواطنين اللذين ينتظرون بفارغ الصبر مسؤلا يرفع عنهم تلك المعاناة او على الاقل يخفف منها
فاصل
عمرو توفيق : نستاذنك على تعليق مطالب الجماهير
د. مصطفى هدهود : هم لهم حق فى هذه المطالب ونسعى لتلبية مطالب الشعب داخل رشيد والبحيرة مدينة رشيد زهرة من زهور مصر ده الهدف الرئيس
عمرو توفيق : ربنا يوفقك د. مصطفى هدهود محافظ البحيرة نشكركم مشاهدينا والى اللقاء.