كلام مسئول

الجمعة 17/12/2010
محمد صلاح: يا مساء الخيرإنتخابات مجلس الشعب خلاص بقت ماضى عدت بحلوها ومرها والمجلس إجتمع وبقى خلاص سيد قراره لكن لسه غباركتيرمتجمع فى ملفات متحسمتش في أسئلة ماإتجاوبتش لسه المعارضة بتتكلم عن التزويروجمعيات ومنظمات حقوقية بتتكلم عن تجاوزات وإنتهاكات لسه فى طعون فى القضاء وتبريرات الغياب بالنسبة للمعارضة وتحليلات الإكتساح بالنسبة للحزب الوطنى يمكن دا حال مجلس الشعب فى مصروإنتخاباته فى مصرطول عمره عصبيات إتهامات مع إستثناءات قليلة يعنى يعنى نادرالإنتخابات تعدى عندنا ويرضى عنها كل الأطراف صعب تعدى إنتخابات من غيرتحابيش وشخابيط يدينا بقى ويديكم طولة العمرلحد ما نشوف إنتخابات زى اللى بتجرى فى أوروبا والدول المتقدمة لكن لحد ما نشوف دا بقى عايزين نعرف يا ترى الحزب الوطنى هيشتغل ما نفسه تحت القبة من غيرمناكفة ؟ قيادات الحزب بتقول لأالمعارضة موجودة وعمرها ما كانت موجودة أكترمن كده حزب الوفد كنموذج للمعارضة مصمم على الإمتناع والمجلس مستنى أحكام الطعون لكنه زى ما أحنا عارفين سيد قراره هيكون لوموقف من الأحكام غالبا بيرفضها أما الحكومة فلازم تحضرالأجندة أجندة مشروعات القوانين الجديدة وفيها كتيرقانون الأحوال الشخصية للمسلمين والمسيحيين قانون المياه الجوفية قانون إنتاج جهازموحد لسلامة الغذاء التأمين الصحى الوظائف المدنية قانون الإدارة المحلية والثانوية العامة وغيرها قوانين كتيرومشروعات كتير بعض الناس بتقول يعنى انه مش هيبقى فيه معارضة شديدة للقوانين دى ولا لغيرها دا من غيرما نقلل من النواب المعارضين الموجودين دلوقتى فى المجلس أكيد هيعارضوا بكل قوتهم وطبعا مش بنقلل من فهم نواب الحزب الوطنى للتحدى اللى هما فيه ما هم مسيطرين على القعدة وفى نفس الوقت لازم يرموا بياضهم للناس اللى بيمثلوهم ويساهموا فى تحسين عيشتهم عن اللى حصل فى الإنتخابات واللى هيحصل جوا وحوالين مجلس الشعب الجديد هيكون لينا كلام مسئول .
تقرير
إنعقد مجلس الشعب بتشكيلته الجديدة وهو المجلس الذى أفرزته الإنتخابات الأخيرة التى كانت نتائجها مفاجئة فقد فازالحزب الوطنى الحاكم بأغلبية 83% من مقاعد مجلس الشعب وفازت المعارضة بنحو 3 % فقط وحصل المستقلون على 14 % كانت المفاجئة فى أن المعارضة لم تحصل على ماكانت تتوقعه من قبل ويبدو أن الطموح كان أكبربكثير بينما أحزاب المعارضة كانت تحصل غالبا على أعدادا قريبة من ذلك وأحيانا أقل ولم تحصل جماعة الأخوان سوى على مقعد واحد فقط أما المستقلون فأن نسبتهم تراجعت مما أعطى إنطباعات بأن مستوى المعارضة أقل من المجلس السابق قد يكون الحزب الوطنى بالفعل أكثر إرتياحا مما كان عليه رغم أنه كان لديه أيضا أغلبية مسبقة ومن بينها دلالات إستمرار ظاهرة العزوف عن التصويت فقد وصلت نسبة المشاركة بحسب اللجنة العليا للإنتخابات إلى 35% فى الجولة الأولى وإلى 15% فى جولة الإعادة مع إستمرار نجاح عدد محدود من الأقباط وزاد العدد بالطبع بعد قرارالسيد الرئيس مبارك بتعيين 7 منهم ضمن ال10 المعينيين فى المجلس وإنتخاب أثنتين فقط من النساء من خارج الكوتة أما حصاد الأحزاب فقد كان محبطا مما دفع المحللين إلى نصح الأحزاب بضرورة دراسة ما جرى وقراءة الحياة السياسية بجرأة وواقعية لأنه فى كل ما جرى هناك أسباب تخص الأحزاب أما التجاوزات فيبدوا أنها سيمة إنتخابية عامة ولا تخص طرفا بعينه الأحزاب بما فيها الوطنى فى الفترة المقبلة لحل مشكلة عدم المشاركة وأيضاالحد من الإنفاق فى الإنتخابات والتفكير الجدى فى إنتخابات القائمة على المبادىء الحزبية وليس على المميزات الشخصية والتخلى عن فكرة أن على الحزب الحاكم القيام بتوزيع النسب فى الدوائر الإنتخابية بشكل أفضل وكأنه يقسم الحصص مما يعنى أن الأحزاب تعتمد على الحزب الوطنى وكذلك تدريب منظمات المجتمع المدنى المصرى على مراقبة الإنتخابات وفى الوقت نفسه توفير الإمكانيات للجنة العليا للإنتخابات لتمارس دورها على أفضل وجه وتوفير حلولا عملية لملف البلطجة المصاحب لكل إنتخابات
محمد صلاح : لما الأحداث بتتشابك ولما الشبورة بتتجمع فى سماء السياسة والرؤية تقل ولما وجهات النظر تختلط والحيرة بين ما هو سياسى وما هو قانونى بتدور على طاقة نور وبنطرح كل التساؤلات أه خلصت الإنتخابات والمجلس الجديد إتشكل لكن من حقنا كلنا أننا نعرف شكل الحياة السياسية فى مصر فى المرحلة اللى جاية هيكون أزاى ؟ الدكتورمفيد شهاب وزير الدولة للشئون القانونية والمجالس النيابية هيكون لينا معاه دلوقتى حالا كلام مسئول أرحب بوزير الدولة للشئون القانونية والمجالس النيابية الدكتورمفيد شهاب منورنا يا دكتور
د/مفيد شهاب: أهلا بيك
محمدصلاح : دكتورمفيد من أهم ملامح الإنتخابات اللى فاتت مسألة المشاركة السياسية الأدلاء بالأصوات والأقبال على الإنتخابات وفقا للجنة العليا للإنتخابات 35% تقريبا نسبة المشاركة من 40 مليون تقريبا اللى هما مسجلين فى لوائح الإنتخابات يعنى حوالى 16 ، 17 مليون من 80 مليون يبقى العدد هزيل تقريبا دا اللى بيتكرر فى كل إنتخابات ليه الناس مش عايزة تروح تنتخب ؟ ليه النسبة ضعيفة كده ؟
د/مفيد شهاب: شوف حضرتك أولا بالنسبة للإنتخابات الأخيرة النسبة كانت فى الجولة الأولى كانت 35% كما تفضلت وفى الجولة التانية كانت 27 % هذه النسبة أكبرمن الدورات السابقة يعنى لما تقيسها ب 2005 كانت أقل واللى قبليها كانت أقل إنما فى النهاية أيضا هذه النسبة تعتبرضعيفة بس شوف حضرتك حتى لا يتصورالناس انه فى الدول الأكثرعراقة فى الديمقراطية ان الغالبية العظمى من الناس تذهب إلى صناديق الإنتخابات يعنى النسبة حتى ضعيفة فىى الولايات المتحدة وأوروبا ولكنها ليست بهذا الضعف البعض بيقولك الدول القديمة فى الديمقراطية أكيد نسبة التصويت هتبلغ 60 ، 70 % إطلاقا هى أيضا تتجاوزال50 بشوية إنما عندنا ضعيفة أكترمن اللازم ليه ؟ لعدة أسباب الحقيقة يعنى أولا أحنا بلد حديث فى الديمقراطية
محمد صلاح :أحنا بقالنا كام سنة دلوقتى عندنا أحزاب دكتورمفيد من نهاية السبعينات؟
د/مفيد شهاب: لأ هقول لحضرتك عدة أسباب أولا أنت بلد الناس إهتمامها بقضايا لقمة العيش أكترمن إهتمامها بالقضايا السياسية وبالتالى ما كل واحد بيسأل نفسه يعنى أنا ضرورى انه أنا أروح والبعض بيقول يعنى أنا صوتى اللى هيبقى مأثرالسبب الأول إقتصادى إجتماعى 2 برضه عدم فاعلية الأحزاب والتعددية الحزبية لوالأحزاب عندنا نشطة وفعالة وبتنزل إلى الجماهير وقريبة من الجماهيروالجماهيرحاسة بيها كنت هتجد انه نسبة الإقبال أكترمن هذه النسبة إنما الحقيقة هذا كله ليس مبررا أن نقبل بضعف هذه المشاركة وعلينا أن نبذل مجهودا أكبرلدفع الناس نحو المشاركة السياسية من خلال إن أحنا نعلمهم منذ البداية فى المدرسة وفى الجامعة وفى الإتحادات النقابية والمهنية أن التعبيرعن الرأى مش حق بس دا واجب وإذا أنت تخليت عنه يبقى أنت تخليت عن إن أنت تؤدى واجبك
محمد صلاح : يمكن الأسباب اللى حضرتك ذكرتها ممكن يكون شكوك الناس فى نزاهة الأسباب أومن اللى بنشوفوه فى الإنتخابات أعمال العنف والبلطجة البهدلة اللى ممكن الواحد يروح يدبهدلها يقولك طب أنا أروح أتبهدل ليه ؟ أو أشوف المناظر دى فى بعض الدوائر يعنى وزالراجل بقى بيشوف الإنتخابات فى أوروبا والدول المتقدمة الراجل بيقولوا أهلا وسهلا وشوف صوتك فين ؟ لكن عندنا 100 مشكلة
د/مفيد شهاب: عملية الإدالاء بالصوت عملية ميسرة وهادية وفيه مكان منظم وأول ما أدخل على طول أجد أسمى موجود بسهولة وأدلى بصوتى على طول وأخرج معزز مكرم دى عوامل مساعدة على جذب الناس ثانيا أن لا يكون هناك عمليات عنف أو بلطجة موجودة
محمد صلاح :أصل الناخب مش فدائى يعنى هيجى ينبطح
د/مفيد شهاب: عايز يدلى بصوته ويرجع فقد يكون برضه ما يسمعه أو يراه عن بعض عمليات العنف علشان كده برضه أحنا منحانا انه أحنا نيسر عملية الأدلاء بالصوت وزارة الداخلية بذلت جهد كبير جدا فى هذا العام لتنقية الجداول الإنتخابية انه كان يروح يدور على أسمه ما يلقهوش أو يلاقى أسم مختلف شوية فحصل تصحيح للأسملء ومراجعة لها وحذف أسماء المتوفيين أيضا انه المقر الإنتخابية تبقى قريبة من السكن
محمد صلاح : معظمها مدارس يا فندم ويبهدولوها
د/مفيد شهاب: لأ والعدد يبقى كبير لو بدل مثلا المقر بيدلى فيه أصوات 1000 أخليه 500 أخليه 400
محمد صلاح : كده هيبوظوا بقيت المدارس اللى لسه سليمة حضرتك دلوقتى بتلاقى اللافتات حوالين المدارس شوف عاملة أزاى ؟ والملصقات دا غير معركتين تلاتة كده
د/مفيد شهاب: لأ شوف حضرتك لو الجميع ألتزم بإحترام القواعد يعنى اللجنة العليا للإنتخابات بتضع قواعد انه ميبقاش فيه ملصقات توضع على المنشأت إنما تبقى لافتات متعلقة وممكن أن تنزع المقر الناس تحافظ على النظام فيها والكشوف متعلقة ومتنظمة كويس لوهذا التفاعل كله من المجتمع المدنى من الحكومة من المواطنين أنفسهم من الحكومة من أجل تيسير عملية الإنتخابات لاشك انه الصورة هتكون أفضل مما هى عليه الأن
محمد صلاح : كان فيه كلام دكتور مفيد عن إستخدام سلاح المال والرئيس مبارك فى كلمته أمام الهيئة البرلمانية للحزب الوطنى أنتقد إستخدام المال أيضا دا دليل على انه كان فيه ملمح من ملامح الإنتخابات وإستخدام المال بيتم بعدة طرق من بينها دفع المال شراء الأصوات أو تقديم الهدايا وأيضا الإنفاق على الدعاية الإنتخابية بحد أكبر من اللى حددته اللجنة العليا للإنتخابات حضرتك شوفت المظاهر دى أزاى ؟ وكان تأثيرها قد أيه على النتيجة برضه ؟
د/مفيد شهاب: شوف أن يكون هناك سلاح المال ويستخدم أنا بتصور ان أى إنتخابات يمكن أن يحدث فيها مثل هذا التجاوز ولكن هو العيب
محمد صلاح : انه يبقى كتير قوى كده؟
د/مفيد شهاب: أيوه أن نسبة هذا التجاوزتبقى كبيرة قوى كده فيتقال انه فى دايرة انه معظم الأصوات اللى جت جت نتيجة أنا دفع لهم أموال العملية طبعا فيها خروج عن كل القيم يعنى أولا مسيئة جدا للمرشح اللى بيدى فلوس علشان الناس تنتخبه يعنى أى مرشح نفسه يبقى جديربتمثيل أمة يسمح لنفسه ان الصوت اللى أخذه ده مش نتيجة ثقة فيه إنما نتيجة مقابل مادى أشترى بيه انسان أستغل حاجته للمال علشان يعطيه صوته لأن من غيرهذا المال الرجل لا يثق فيه ليختاره فدى عملية مهينة جدا للمرشح انه هو يقوم بيها مهينة أيضا للأنسان الناخب مهما كان حوجته دا مش عذرمتقولش انه أنا محتاج وعرض عليا فلوس فأقبلها دا إهانة لك بيستغلك بيشترى صوتك ودا عيب فالعملية مأسمة أخلاقيا ومأسمة قانونا ومن سما يجب انه أحنا نتضافرجميعا فى سبيل إن ما كنش القضاء عليها نهائيا فعلى الأقل التقليل منها بقدرالإمكان تقولى كيف ؟ كلما دفعنا من كل حزب بالعناصرالمرشح اللى تثق فيها الجماهيرلو أنا قدمت مرشح كويس والجماهير عرفاها وعارفة انه قادر على خدمة الدائرة وراغب فى خدمتها وقريب من الناس الناس هتديله صوتها من غير ما يلجأ غلى هذه الطرق فحسن إختيار المرشحين
محمد صلاح : دا حتى يا فندم برضه يعنى انه فى بعض الإقتراحات انه الناس تاخد الفلوس بس تدخله تدى واحد تانى
د/ مفيد شهاب: بيحصل أحيانا
محمد صلاح : بيحصل أحيانا بس المرشحين بيتغلبوا عليهال دلوقتى بحكاية البطاقة الدوارة دى انه بيدى الناخب اللى خد فلوس البطاقة اللى هيدخل يحطها ويجيب الفاضية دى بره وهكذا يعنى شيىء لزوم الشيىء
د/مفيد شهاب: كلها تحايل غيرلائق ويتنافى والحد الأدنى من القيم والمثل ومأثم قانونا أجى لنقطة تانية اللى هى عملية الدعاية الإنتخابية يعنى هو الدعاية الإنتخابية محدد لها طبقا للقانون اللجنة العليا للإنتخابات بتحدد أيه الحد الأقصى ؟ فحددت 200 ألف جنيه إنما هناك من صرف أكتر وهناك من صرف أقل
محمد صلاح : اللى معهوش بقى واللى معهوش ما يلزمهوش .
د/مفيد شهاب: أه هوالحقيقة إثبات انه تجاوز هى العملية الصعبة يعنى دى من المخالفات اللى إثباتها صعب ليه ؟ لأن هوبيقولك يحظرعليك أنك تنفق من مالك أكترمن 200 ألف هيجى البعض يقولك لأ أنا ما صرفتش أكترمن 200 ألف تقولوا آمال أيه المظاهرالكتير دى المتجاوزة يقولك لا دا مش منى دا بعض الناس تطوعا هما اللى عمله الصوان هما اللى عمله اللافتات هما اللى عمله اليفط فإثبات التجاوز فى العملية إنتما هو فى النهاية لازم يكون معاه نمو ثقافة إحترام التقاليد الإنتخابية وقوة الأحزاب وقوة المرشحين هتقلل من كل هذه التجاوزات تدريجيا
محمد صلاح : نيجى للأحزاب معالى الوزيرالوفد إنسحب فى جولة الإعادة وهو دلوقتى مجمد الأعضاء اللى فازوا فى جولة الإعادة أوحتى فى الجولة الأولى كذلك الناصرى فيه مشاكل فى التجمع خاصة بالمشاركة فى الجولة التانية الأخوان المسلمين برضه إنسحبوا فى جولة الإعادة حضرتك شايف القوى السياسية الأحزاب بنت موقفها على أسس يمكن أن تعالج أخطائها فى الإنتخابات فى المستقبل ولا كان يفترض وهى من وجهة نظرها أن الإنتخابات زورت أوتم إسقاط مرشيحها بأساليب غير مشروعة يعنى كان المفترض انه تشارك رغم وجهة نظرها كانت كده أو عندها معلومات بكده أو مقتنعة بكده
د/مفيد شهاب: شوف سيادتك مع إحترامى طبعا أن كل حزب هو صاحب الحق فيه أن يتخذ ما يراه مناسبا من وجهة نظره من خلال مؤسساته إنما إن كان لى أن أبدى رأيى كمواطن يتمنى انه بلده تتقدم وصورة الديمقراطية تبقى فيها أفضل سأقول قولا واحدا إنى ما كنت أتمنى أولا أن تكون نسبة المعارضة فى المجلس الحالى بهذه النسبة الضعيفة اللى موجودة حاليا اللى هما 15 واحد كنت أتمنى أكثر من هذا وهذا ما عبر عنه الرئيس مبارك فلا حديثه أمام الهيئة العليا البرلمانية للحزب الوطنى كنت أتمنى هذا وأنا أعتقد انه لو الأحزاب إستمرت فى الجولة التانية
محمد صلاح : هيبقوا بدل 15 ، 17 يعنى ؟
د/مفيد شهاب:كان يجب أن يستمروا مبدأ الإشتراك يعنى فكرة الإنسحاب قد يكون لك إعتراض على أخطاء تحدث كيف يعنى تتعامل معها ؟ أما أن تقف سلبيا وتبدى ندمك وأسفك عل ما حدث وتخرج بره اللعبة أوتدخل جوا وتقول أنا معترض على كذا وأدى دليلى وأدى بيانى وأنا مصمم على الإصلاح الإنسحاب موقف سلبى لا يؤدى إلى التقدم وإنما يؤدى إلى الرجوع إلى الوراء
محمد صلاح :حتى لو بدافع اليأس يا دكتورمفيد؟
د/مفيد شهاب:وهل مقبول من مرشح أو من مؤسسة كحزب إن اللى يحركوا هو اليأس ؟ أنا أتصور أن اليأس يكون موقف من شخص إنما المؤسسة اللى بيحكمها المنطق والفكروالعقل وليس الإنفعال الشخصى والعاطفى لابد القرارات تبقى مدروسة دا الأحزاب بتنتظر يوم الإنتخابات علشان تقول أنا هنا وعلشان تاخد تجربة وعلشان تاخد مقاعد وعلشان تفكرانه يبقى لها تمثيل فى البرلمان وتعبر عن وجهة نظرها وعلشان يبقى ليها حق المشاركة فى الإنتخابات الرئاسية وا وا فتيجى فرصة ذهبية زى دى وتقول أنا متحج
محمد صلاح :هو من وجهة نظره انه مش قادريحقق الكلام اللى أنت بتقولوا ده لانه فيه إجراءات ضده أو فيه ؟
د/مفيد شهاب: السؤال هنا ألا يؤمن أن هناك دستورفى البلد وأن هناك قانون وأن القانون حددله الطرق اللى يحتج بيها على أى أخطاء إذا كان أثناء العملية الإنتخابية أوقبلها اللجنة العليا للإنتخابات تلجأ لها وتقولها هنا فيه خطأ الصندوق دا حصل فيه تزويرالصندوق دا إتحرق اللجنة دى حصل فيها تسويد واللجنة العليا للإنتخابات قالت هناك عدة دوائر حصلت فيه أخطاء وإعترفت بهذا وتعالج بس فرق ما بين انه أعترف انه فيه أخطاء حصلت فى بعض الودائروإدينها وأدى القراراللى يتناسب مع هذا القراروبين انه أنا أجى أكفر بالعملية الإنتخابية كلها وأنسحب من الساحة وأخرج من البرلمان كليتا هذا موقف سلبى لا يمكن لأى سياسى أن يقبله ولذا أنا لا أتصورانه القرارات التى صدرت من هذه الأحزاب جاءت نتيجة دراسة موضوعية إنما جاءت نتيجة تأثير وضغط من الأشخاص اللى كانه مرشحين ولم يوفقوا واللى شعروا إن هما لن يوفقوا فى الجولة الثانية فكان صوتهم الأعلى وصوتهم هو الضاغط فحرموا مصر وحرموا هذه الأحزاب إن هى يبقى لها تمثيل أقوى وإن هى تشارك فى هذه العملية كان القرار فى تقديرى يجانبه الصواب
محمد صلاح : أثناء هذه الفترة يا دكتورمفيد ما كنش عندك أى تقدير لموقف الأحزاب من قضية الإنتخابات انه هما مضغوطين برضه عنده شارع وعنده جماهيره أوعنده ناخبيه أو عنده متعاطفين معاه أوانه شاف المرشح الفلانى بيتعرض لبعض الضغوط أو جايزالدايرة حصل فيها إنتهاكات بقدر أكبرما كنش فيه حل وسط مفيش حد من الحزب الوطنى إقترح ؟ حضرتك بتقول دلوقتى أنك مضايق انه شكل المجلس بدون معارضة وطبعا دا سمعناه كتير من أقطاب الحزب الوطنى طب ما كانت تتخفف شويه على الناس ولا أيه ؟
د/مفيد شهاب: سيدى الفاضل كل حزب له يعنى من أهليته ورجاحة عقله ولازم يستمع لمختلف الأراء وأنا أعلم إن هذه الأحزاب إجتمعت وتدارست وكنت أرجوا انه صوت العقل يغلب الإنفعال هوالذى يسود كنت هذا ما أتمناه إنما فى النهاية كل حزب هو صاحب القرارفيه فيما يتعلق بإشتراكه أوعدم إشتراكه الحزب الوطنى كان مهتم جدا بإعادة توطينه ودعنا نقول أزاى الحزب الوطنى أخد كل هذه الأعداد ؟ وهى أعداد أكتر مما كانت له فى برلمان 2005 هذا صحيح فى برلمان 2005 وقع الحزب الوطنى فى عدة أخطاء أفقدته مقاعد ما كان يجب أن يفقدها ولهذا أعاد تنظيم نفسه ووصل لغاية القواعد والناس اللى هو كان ناوى يرشحهم نزل بيهم من بدرى قدام الجماهير والجماهيرعرفتهم وعمل عدة آليات ليختارعدة مرشحين إنتخابات داخلية إستطلاعات رأى ولم جه فى بعض الدوائر بقى متردد أى المرشحين أفضل ؟ بقى ينزل أتنين قصاد بعض أو تلاتة والبعض تصور آن ذاك انه دا خطأ انه الأصوالت هتفتت بالعكس هو كان دارس كل الإحتمالات ما أريد أن أصل إليه انه أكيد ما حدث فى الحزب الوطنى حدث أو كان يجب أن يحدث بالنسبة للأحزاب الأخرى إنما ما حدث إن هى الأحزاب تصورأن لها قوة أكبرمما هى لها فى الشارع شوف حضرتك إنتخابات سنة 90 ، 95 ، 2000 ، 2005 ، 2010 الأعداد اللى أخدتها المعارضة سنة 90 مثلا 5 فقط بعد كده سنة 2005 أسف سنة 95 كانه حوالى 15 من الوفد والتجمع بعديها كانت 16 كل المعارضة جت بقى أخر مرة اللى هى 2005
محمد صلاح :كانه حوالى 120 بالمستقلين ؟
د/مفيد شهاب: كانت المعارضة حوالى 16 وكانت 88 للمستقلين اللى هما جماعة الأخوان اللى عازوأوصله انه أحزاب المعارضة انه نفس الرقم اللى أخدوه النهارده اللى هو 15 حاليا البرلمان ده نسبة ضعيفة طبعا إنما هذه النسبة الضعيفة هى اللى كانت موجودة فى كل الدورات اللى فاتت تقريبا ودا يطرح سؤال أخر لماذا فى الدول النامية الحديثة فى العهد بالديمقراطية دائما أبدا هناك حزب له أغلبية كبيرة وأحزاب أخرى ضعيفة لسنا مثل أنجلتراللى تجد المنافسة بين واحد جاب 52 وواحد 48 واخد بال حضرتك واحد 60 وواحد 40 فيه تقارب وعادة هناك حزبين كبارإنما أحنا عندنا فى مصر الوضع مختلف
محمد صلاح :ليه يا دكتورمفيد ؟
د/مفيد شهاب: دا تراث دايما عندا أحنا فى الدول النامية عموما يبقى فيه حزب اللى هو عادة الحزب القريب من السلطة بيبقى فيه نسيبة قريبة من الناس القريبة منه بعضها داخلة فيه عن إيمان بفكره 2 لانه عادة هذا الحزب هوحزب الوسطية فالناس بتميل إليه على يمينه فى يمين وعلى يساره فى يساراللى بيقدر يقدم خدمات للناس اللى موجودة فهناك عدة عوامل تجعل فى الدول النامية الحياة الحزبية تبقى متمثلة فى حزب له نسبة كبيرة تتفاوت هذه النسبة الكبيرة وأحزاب أخرى قريبة منه ضعيفة
محمد صلاح : زى ماالناس تقول كده القط بيحب خناقه يعنى الناس ممكن تشوف انه الحزب الوطنى والحكومة اللى ملبية كل مطالب الناس أوكما تأمل الناس وفيه لسه ضائقة إقتصادية وبيحصل أزمات أنت عارفة دلوقتى فى أزمة أنابيب أحنا داخلين فيها الموسم يعنى موسم الأنابيب وكده وبالتالى الناس حتى لو الحكومة مش شايفين إنها حاللهم كل المشاكل بس عندهم أمل ان الحكومة هى أللى ممكن تحل كل المشاكل
د/مفيد شهاب: دا من ناحية انه عنده أمل انه هذا الحزب اللى هو فى الحكومة حتى لوكان مضايق من أوضاع إنما هو اللى يقدريحلها فأنا لابد أن أبقى معه إنما أيضا وأنا لاأقول هذا مدحا فى الحزب الوطنى ماذا فعل الحزب الوطنى فى ال5 سنوات الأخيرة ؟ ليطورأدائه ويقترب من الناس ؟ أنا أزعم أن حتى أحزاب المعارضة تعترف أن الحزب الوطنى بفكره إقترب للناس أكتر فى ال5 سنوات الأخيرة بتنظيمه لم يعد مركزا على المستوى المركزى وإنما تشعربالحزب الوطنى على مستوى المحافظة على مستوى القسم على مستوى القواعد الجماهيربدأت تحس بيه لما تحصل مشكلة يلجأ لبتاع الحزب الوطنى لما يبقى عنده طلب بيلجأ لبتاع الحزب الوطنى خدمات قدمت الحزب الوطنى أنا عايزأقول أيضا ليس النسبة العالية للحزب الوطنى هى لأنه حزب السلطة وحزب الحكومة ولكن لأنه حسن من أدائه وأعاد تنظيم نفسه بصورة أفضل للأسف الأحزاب الأخرى كلها ضيعت فرصة انه فى السنتين تلاتة الأخيرة تقترب من الجماهيروتعيد تنظيمها ودخلوا فى جدل عقيم ندخل فى الإنتخابات ولا منخشش ؟ وإذا قررنا ندخل طب نكمل فى الجولة التانية ولا منكملش ؟ لو كان هذا الجهد قد بذل فى إختيار أفضل العناصر والإقتراب أكثر من الجماهير كانت نتيجة الإنتخابات تغيرت
محمد صلاح : ما زال الكلام معالى الوزير بأنه برضه الأمور مش ميسرة هما بيقولوا كده لما بيجوا بيعملوا إجتماعات بتتمنع أو بيبقى فيه مشاكل بتتعلق بإجتماعتهم وهكذا يعنى على العكس يعنى انه الحزب الوطنى هيلاقى قاعات وهيلاقى سرادقات
د/مفيد شهاب: أنا لا أريد أنى أدافع عن الحزب الوطنى أقول مفيش خطأ بيحصل
محمد صلاح : أحنا بنتناقش بس .
د/مفيد شهاب: أنا كمواطن قبل أن أكون عضوا فى الحزب الوطنى أقول انه أحيانا بتحدث بعض الأخطاء طبعا إنما هل فيه حد ينكر انه النهارده فى ظل جو الحريات والتطور والخطوات اللى تمت بعد التعديلات الدستورية والتعديلات التشريعية و مانراه من حرية التعبيروما نراه من حرية الصحافة وتعديلات خاصة تعلقت بالحبس الإحتياطى والأحزاب ونشاط الأحزاب أحنا شوفنا كل الأحزاب أثناء الإنتخابات وبعد الإنتخابات ولغاية النهارده قاعدة بتتصرف وتتكلم وتروح الفضائيات وتتكلم فى الصحف وتعمل كما تشاء تقولى لأ بس أنا أعرف حالة انه حزب طالع بيعمل إجتماع منعوه وارد وارد القانون بيقولك تتظلم وتروح للمحكمة وإذا المحكمة حكمتلك حزب حب يتكون ولكن لجنة الأحزاب رفضت تلجأ للقضاء والقضاء يقدر يرجعك حتى إذا حدث خطأ إدارى وأنا لا يمكن أن أنكر أن أخطاء تحدث إنما الضمانة الحقيقية اللجوء غلى القضاء ليعيد لك حقك ولنفرض إن أنت شايف بعض الأخطاء تقول أنا هترك الساحة ولا تدخل فى الساحة وتعبر عن رأيك وتكشف هذا الخطأ ؟ بكل الطرق إلا بقى لو كنت أيه وصلت لمرحلة انه ممنوع حد يفتح بقى والناس قاعدة كلها فى المعتقلات وزائر الفجر بيجيلهم ليل نهار وا وا
محمد صلاح : محدش قال كده يا دكتورمفيد بيتقال انه اكلام تنفيس بس يعنى الحزب الوطنى هيجيب اللى هو عاوزه وهيمنعوا هما بيقولوا كده والكلام دا حضرتك سمعته أكيد مش كده ؟
د/مفيد شهاب: أصل شوف بقى أصل أنا مش عايزأسفه كل نقض يحدث لأن أكيد بعض النقض صحيح إنما برضه أنا مش عايز أى واحد يخسر أو لا يوفق فيجى يرمى العبء عبى غيره يقولك أصل ما مكننونيش أصل زوروا يعنى صحيح انه حصلت أخطاء فى عدد من الدوائر واللجنة العليا أعترفت بها إنما تجد دوائر ما حصلش فيها أى خطأ أبدا نهائى وكانت نزيهة 100% ويطلع برضه يقولك أيه يووه دا سقطونى علشان أنا من حزب معارض ولا حد قربله ولا حد كلمه فلا نريد أن نعمم وأى حد من حقه أثناء الإنتخابات يلجأ للجنة العليا يقول أنا بطعن فى كذا وكذا وبعد ما تنتهى اللجنة العليا ويتكون مجلس الشعب من حقى انه أنا أطعن فى صحة عضوية أى واحد
محمد صلاح : فى هذا القرار يقولك المجلس سيد قراره يعنى هيرفض الأحكام ؟
د/مفيد شهاب: لا أبدا يعنى أيه سيد قراره ؟ أنت تعرف حضرتك جميع الأعضاء النهارده فى مجلس الشعب النهارده فيه كام 518 عضو تعرف انه مهمة المجلس أول ما ينعقد اللجنة التشريعية أنها تبحث أوراق كل عضو من ال 518 وتشوف مدى صحتها هيجى أولا ال10 المعينيين أدى بياناتهم ينطبق عليهم الشروط؟ نعم نكتب التقريرصحيح ناس ما تمش الطعن فيهم إطلاقا تراجع أيضا للتأكد من صحة عضويتهم طبقا للدستوروطبقا للقانون نا إتقدمتلهم طعون صدهم إتقدمت طعون أما فى العملية الإنتخابية أما بالنسبة للعدد اللى أخذه إلى ذلك بيجى على طول رئيس المجلس فى مدة معينة ملزم أن يحيل هذا الطعن إلى محكمة النقض محكمة النقض تكتب تقرير تقرير وليس حكم والتقرير دا تصدره فى مدة محددة ويرجع للمجلس المجلس يحيله للجنة التشريعية اللجنة التشريعية تكتب تقول أه النقض يبقى مظبوط العضوية باطلة وتعرضها على المجلس ويصدرقرار أو تقول لا الكلام دا غيرصحيح وأنا أوصى أن العضوية تستمر فيعرض على المجلس المجلس هو اللى يصدر قراره تقولى أه طب ما دا الوضع الطبيعى انه هو المجلس اللى يصدر ليه ؟ لأن دا إحتراما لمبدأ إستقلال لكل سلطة مجلس اتلشعب هو السلطة التشريعية المستقلة والحكومة هى السلطة التنفيذية المستقلة والقضاء سلطة قضائية مستقلة إحتراما لمبدأ الفصل بين السلطات كل ما يتعلق بشئون هيئة الهيئة هى اللى تبت فيها شئون قاضى هل القاضى دا يفصل ولا ما يفصلش ؟ مين اللى يبت فيها ؟الهيئة القضائية دا عضو ىفى مجلس الشعب إكتسب العضوية لانه حلف اليمين قبل ما يحلف اليمين الجأ للجنة العليا للإنتخابات وهى تقدر تشوف انه فى مخالفة وتتخذ الإجراءات من يوم ما أصبح عضو اللى يقرر صحة عضويته أو عدم صحتها هو المجلس ودا إحترام لمبدأ الإستقلال الكلام دا عننا من سنة كام ؟ من سنة 1924 سيد قراره بنص الدستور وبالممارسة وتم العمل بيه على الورق وبعدين دا اللى مطبق فى فرنسا واللى مطبق فى كل دول العالم فالناس بتاخدها على سبيل الدعابة يقولك سيد قراره نعم هو سيد قراره كما أن السلطة القضائية هى سيدة قراراتها
محمد صلاح : خلاص سيادة الوزير سيد قراره سيد قراره
د/مفيد شهاب: سيد قراره فى حدود ما يقرره الدستورمش سيدج قراره يفعل زى ما هوعايز لأ تحت رقابة الدستور وفيه محكمة دستورية عليا
محمد صلاح : سيد قراره وفقا لأحكام الدستور ولسه الكلام ما خلصش
فاصل
محمد صلاح:خلاص سيد قراره وفقا لأحكام الدستور دكتورمفيد فيه برضه ملاحظات وتساؤلات أحبك ترد عليها تتعلق بمسألة ترشيح الوزراء كان معانا من كام أسبوع يعنى قبل الإنتخابات دكتور مصطفى الفقى وله رأى فى هذا الموضوع تحب تشوفه ويعد كده نتناقش حواليه ؟
د/مفيد شهاب: قوى
محمد صلاح : نشوف الدكتور مصطفى الفقى قال أيه فى موضوع الوزراء؟
د/مصطفى الفقى : الوزراء النواب دول ظاهرة عايزة مناقشة العالم كله بيجيب الوزرا من النواب أنت بتجيب النواب من الوزرا أنا معرفش دى أزاى ؟
محمد صلاح : ما تقولى أزاى ؟ أنت مش أستاذ جامعة ونائب ؟
د/ مصطفى الفقى : أنا بكلمك من الناحية الأكاديمية البحتة انه الأصل الدول كلها بتختار وزرائها من النواب لما يبقى النظام الحزبى قوى دى حكومة ودى حكومة ظل أنا عندى من وزرائى مرشح 9 ربنا ينجحهم أنا مقلتش لأ بس هل دا عنده وقت يقدر يقعد فى المجلس على طول ؟
محمد صلاح : بس دا رأى المعارضة يعنى أنت مع المعارضة فى الرأى دا؟
د/مصطفى الفقى : دى ملاحظة عايزة مناقشة أنا مدخلش وزار غير إذا كان واحد ولا أتنين وزير زراعة وزيررى الحاجات الأساسية ويكون عنده وقت يحضرلى وخصوصا انه أنا عندى وزير جوا بيدافع عن الحكومة فى وزير الشئون القانونية والبرلمانية إللى كان أسمه وزير شئون مجلسى الشعب والشورى موجود للدفاع عن الحكومة إنما مع ذلك ما بيحضروش برضه معندوش وقت ودلوقتى بقى مشغولين راحوا الدوائرعلشان يعملوا الدعاية للإنتخابات مع إحترامى ليهم وكلهم شخصيات لطيفة جدا وكويسة جدا عنده وقت ولا لأ ؟ يعنى واحد زى محى الدين أنا كنت أعتقد انه يبقى برلمانجى رفيع الشأن متحدث ومتربى فى الفلاحين ويلبس الجلابية بجد مش بالتظاهر
محمد صلاح : قال الدكتورمصطفى الفقى نموزج للدكتورمحى الدين انه كان بيلبس الجلابية بجد فيه وزرا بيلبسوا جلابية والنظام وحاجات كده يعنى ؟
د/مفيد شهاب: كل واحد حر
محمد صلاح : كل واحد حريلبس اللى يلبسه طب خلينا فى مسألة ترشيح الوزراء يعنى فعلا ملاحظة الدكتور مصطفى الفقى انه الوزراء كانوا كتير يعنى هما الحمد الله نجحم كلهم ومن أول جولة فى الديمقراطيات المتقدمة ممكن من النواب زى ما الدكتور مصطفى قال اللى مش مفهوم حكاية انه يبقى وزير ويترشح أولا معندوش وقت فعلا لانه الأعباء كتير طبعا يعنى والتنسيق مسألة صعبة وفيه ربما إخلال فى الفرص التنافسية بينه وبين المرشح الأخربتاع الحزب الأخرأولو مستقل لانه الناس زى ما إتفقنا من شوية ممكن تتعاطف مع اللى فى السلطة أصلا لانه ممكن يديها خدمات أيه رأى حضرتك فى الحكاية دى ؟
د/مفيد شهاب: يعنى علشان يبقى حكمنا موضوعى بعيدا عن أى عملية تقييم شخصى لابد انه أحنا نشوف الناحية القانونية الدستورية ثما نشوف ناحية الموائمة من الناحية الدستورية القانونية
محمد صلاح :أكيد من حقهم
د/مفيد شهاب: طالما فى نص صريح فى الدستور المادة 134 بتقول يجوز لرئيس الوزراء ونوابه والوزراء ونوابهم أن يكونوا أعضاء فى مجلس الشعب بمعنى انه ممكن رئيس الدولة يبقى فيه أعضاء فى المجلس يختار منهم وزرا يبقى نائب ووزيرفى نفس الوقت أووزير فيرشح نفسه فيبقى وزيرونائب فالأمكانية من الناحية الدستورية قائمة ولا غبار عليها أحنا بس اللى عاملين كده ولا فيه دول أخرى كثيرة ؟ كثيرة جدا فى أنجلترا على سبيل المثال كل الوزرا اللى فى الحكومة أعضاء فى الكونجرس موجودين فى البرلمان كلهم فى الكويت كذلك وغيرهم فى بلاد تقول لأ دا يتنافى مع مبدأ الفصل بين السلطات يا أما أنتم سلطة تشريعية يا أما تنفيذية إنما هنا وهنا ما ينفعش فكل بلد لها ما تقرره أنا شايف ان دستوريا سليم ملائمة أيضا لها فائدة دكتورمصطفى قال أه ممكن بعض الوزراء وزيرالزراعة مثلا وزير الرى إذنا هو شايف أن وجود هؤلاء الوزرا فإذن وطول عمرنا من يوم ما بدأت الحياة البرلمانية لغاية دلوقتى كان عندنا بعض الوزراء موجودين فى البرلمان تقولى طيب ما جودى هذا ؟ جدوى هذا انه مبدأ الفصل بين السلطات مش معناه الإنعزال التام بين السلطتين إذا كان هناك واحد هنا وهنا دا يزيد حلقة الإتصال بين الحكومة وبين البرلمان تخيل أنا وحدى بأمثل الحكومة لدى البرلمان وباجى أقلهم الحكومة ترى كذا ويجى لحكومة أقلهم البرلمان يرى كذا فبساعد على إيجاد ليونة ومرونة وتعاونهم بينهم لما يبقوا 4 ،5 ،6 ،7 ، 8 ،9 هو طول عمرنا كان فيه 4 ،5 حصل الفرق أيه المرادى ؟ 4 زيادة طيب ألم يزد عدد مجلس الشعب المرادى ؟ بقى عدده كام حاليا ؟ 518 البعض يقول أنا خايف من تأثيرهؤلاء ال9 على البرلمان فلا يستطيع أن يمارس سلطته الرقابية بقى 9 هيبقى لهم التأثيرالعنيف على 518 ؟ أنا أرى بالعكس أن وجود هؤلاء ال9 هيبقى عامل إتصال وتعاون بين السلطة التشريعية والتنفيذية إنما السؤال اللى يطرح أن تكون نائبا نعم ,غنما عليك أن تحضر شأنك شأن باقى النواب ويبقى السؤال الذى يطرح هل يجوز يبقى نائب ووزير؟ لأ إنما يتقال ما ددمت قد قبلت أن تكون نائبا فعليك أن تؤدى جميع إلتزامات النائب فتحضر جميع الجلسات بإنتظام وتحضر جميع اللجان بإنتظام طب ما أنا عندى ناس يا أخى مهماش وزرا ونواب وما بيجوش المجلس إلا مرة كل 3 ، 4 تشهر
محمد صلاح :بيحصل كده ؟
د/مفيد شهاب: أه بيحصل ما بيجيش أويجى يقعد شوية ويمشى إذنا اللى أنت بتطلبه منى مش أنك تقولى أنا أرى أنك أنت كوزير مش المناسب أنك تبقى فى البرلمان تقولى لأ من حقك أن تكون من المفيد أن تكون بشرط انه لن أتسامح معك لو قصرت فى إلتزاماتك كنائب
محمد صلاح : يا سيادة الوزيرفى الدورة الى فاتت كان فيه إحتجاج من النواب ومن الدكتور سرور نفسه على الوزرا اللى بيتقدملهم أسئلة أو طلبات إحاطة وكانه بيغيبوا .
د/مفيد شهاب: السؤال ده هنا كان الإعتراض أن بعض الوزرا مهماش نواب إنما بيطلب انه يجى المجلس علشان فيه طلب إحاطة أوبيان عاجل فيتأخروطبعا هذا سلوك معيب هذه ليست لها علاقة بنائب أولا إنما فيه عدد من الوزراء النواب وكانه حريصين جدا أن يتواجدوا ووزراء وليسوا نواب ومكانوش بيحضروا فالمطلوب من الوزارء اللى مش نواب انه عندما يستدعوا لابد أن يحضروا الوزراء النواب عليهم أن يحضروا بإستمرارهما أمام تحدى الأن الناس بترقابنا إذا للقونا بنؤدى إلتزاماتنا النيابية بكفاءة وبأنتظام أنا لا أخفى عليك أحنا النهارده كان عندنا مجلس وزرا بنتكلم عن إلتزامات الوزراء أمام وكان الحديث اللى إتقال من رئيس الوزرا ومن الوزرا انه تواجد الوزرا النواب أمر حتمى ضرورى طالما أنهم نواب الوزرا الغيرنواب عندما يستدعوا لأن دا مظهر التعاون بينا وبين السلطة التشريعيه والحكومة حريصة عليه
محمد صلاح : سيادة الوزير فيه نقطتين تقنيتين بخصوص آلية الإنتخابات أولا نقطة ال50% عمال وفلاحين أحنا شوفنا فيه ناس بتقلب واحد كان عمال المرادى فئات لعب فى الورق هيغير الصفة يعنى وبالتالى مفيش فرق موضوعى ما بين العامل والفلاح من جهة أو الفئات من جهة لانه برضه بقى فيه مهندس بينزل عامل وهو مهندس يعنى المهم دى قصة القصة التانية تتعلق بأسلوب الإنتخابات يعنى كل كلامنا دلوقتى دايرعلى حكاية الخدمات اللى بتقدم وحتى لووزير ونائب وهكذا وبالتالى مسألة الدوائر الفردية هو 2 مرشحين من كل دايرة واحد عمال أو فلاحين مع مرشح الفئات
د/مفيد شهاب: شوف حضرتك فيما يتعلق بالنقطة الأولى المتعلقة بنسبة 50 % عمال وفلاحين أنت تعلم أن هذا نص فى الدستوروأتعدل الدستور سنة 2005 وأتعدل 2007 وكان مطروحا ودارت بيننا عدة مناقشات حول إدخال تعديلات والبعض كان بيقترح إالغاء هذه النسبة لانه قال انه الظروف إختلفت فى بداية الثورة كانت المطلوب حماية هؤلاء الناس فكان لابد من حد أدنى وإلا من غيرهذا الحدالأدنى مش هتضمن تواجدهم الفعلى كانت الظروف الإجتماعية تقتضى هذه الحماية أم الأن إختلفت الظروف فلم يعد هناك مطلوب حماية كان هناك رأى ينادى بها رأى تانى قال يا جماعة ليه؟ لانه أحنا دلوقتى عايزين تعريف بمعنى العامل موسع جدا اللى معاه دكتوراه بنعتبره عامل ورئيس مجلس الإدارؤة بنعتبره عامل لانه بيعمل ومكسبه من أجره
محمد صلاح :بس دا غلط لأن العامل اللى كنا نقصده العامل اللى واقف على مكنة بيشتغل بأيده يعنى ؟
د/مفيد شهاب: نتيجة الأحساس بهذه التفرقة وإشراك 50% كحد أدنى للعمال والفلاحين فى المجالس النيابية البعض شعر انه الظروف إختلفت دون أن نصل إلى درجة إلغائها لانه البعض كان بياخد عملية إلغائها بمحمل أخر فكان التحايل عليها بأنك تتوسع فى تعريفها لدرجة النهارده لما تيجى تشوف تشكيلة المجلس الحالى مين اللى نازل مزارع ؟ دا أستاذ جامعة دا لواء سابق دا تحت عامل أوفلاح نيجى بتخلى البعض يقول طب يا أخى مدام كده ما تلغى بقى اللى حصل أثناء مناقشات كتيرأصل شوف فرق ما بين من أنك مقتنع بفكرة وبين انه لسه الرأى العام مدى تقبله لها أحنا لما أتحولنا للنظام الإقتصادى الحر من منتصف السبعينيات نشأ شعورعند الناس أن المكاسب الإجتماعية للثورة فى خطروانه النهارده القطاع العام بيتحول لقطاع خاص ومعدش فى إهتمام بالعمال والفلاحين ومحدودى الدخل الدولة نسياهم والحكومة دى حكومة عمال والنهارده اللى بيسرى هما الناس الأغنيا بدأت تطلع نغمة أن هناك خطورة من التحول من النظام الإشتراكى نحو الإقتصاد الحروالحقيقة غير هذا لأننا نظام إقتصاد حر حقيقى ولكن البعد الإجتماعى مازال قائما بدليل الدعم المستمر إنما ما زال الطبقات الدنيا محدودة الدخل عندها قلق فالبعض قال يا جماعة أنا أخشى سياسيا لوقلنا للناس أحنا بنلغى 50 % عمال وفلاحين شوفت بيخططوا لألغاء الدعم بيخططوا انه تبقى دى حكومة رجال الأعمال
محمد صلاح : أنا أول مرة أخد إجابة من مسئول على موضوع العمال والفلاحين .
د/مفيد شهاب: أنا بقولك يمنتهى الصراحة لانه أنا مواطن وعايزالخيرلبلدى بغض النظرعن موقعى الحزبى أوموقعى الحكومى أحنا قعدنا نتناقش كتير جدا مزايا الألغاء أنك هتتعامل مع الواقع وقاعدة المساواة ومفيش فرق بين العمال والفلاحين الخطرالسياسى أن رد الفعل لهذا الإجراء مهما كان مراده سيكون ضاركتير جدا من الناس من الكادحين والفقراء هيخدوها أنها دلالة إلى تخلى الدولة عنهم فى حين انه أنت شغال من أجل التأمين الصحى عملت قانون معاشات السنة اللى فاتت عملت قانون ضمان إجتماعى فالبعد الإجتماعى مهم فخشية هذا التفسير الخاطىء لدلالة أى تعديل أرتأى للأعتبارات التالية الابقاء عليه , النقطة التانية موضوع القايمة أيضا لما جينا نناقش من بعد 2005 درسنا فى الحزب الوطنى مزايا نظام القايمة وتيركان متحمس لفكرة القايمة لانه هيبقى صراع ومنافسة بين أحزاب بين فكروثانيا هضمن تمثيل أفضل للأحزاب فى داخل البرلمان لانه حاليا واحد جاب 51% والتانى 49 ال49 % دى راحت لكن لما أجمع بالنسبة العددية وأدى بالنسبة للقايمة حسب الأولويات هضمن تمثيل أفضل فكان التوجه نحو نظام القايمة وفيه بلاد أخدت بنظام القايمة المطلقة وبلاد أخدت بالقايمة النسبية وبلاد جمعت بين القايمة وبين الفردى بل أكثرمن هذا هقولك لحضرتك دا أحنا عملنا تعديل دستورى فى المادة 62 إتقال فيه أيه؟ من حق المشرع انه يضع نظام للإنتخاب على النظام الفردى أوعلى نظام القائمة أو على نظام يجمع بين الأثنين إتعمل هذا التعديل الدستورى بهدف أن تكون هنام إمكانية الأخذ بنظام القائمة النسبية إنما فى نفس الوقت اللى كان فيه هذه الدراسات وهذا التوجه تم إستطلاع رأى لنواب مجلس الشعب ونواب مجلس الشورى وعدد هائل من المواطنين فكان كثير منهم الغالبية قالوا لاخلونا على الفردى أرجع بقى للمواطنين العاديين أرجوك أنزل قريتك أنت أكيد من الريف قولهم أيه رأيك يا جماعة فى نظام قايمة بيقول كذا كذا وفيه نظا فردى اللى مصر ماشية عليه من يوم ما عرفنا الحياة النيابية تفضلوا أيه يا جماعة ؟ صدقنى وأنا هقولك من دلوقتى الغلبية العظمى هتقول الفردى عارف ليه حضرتك أنا عارفك أنت يا أخرأنا عارف محمد صلاح وعارف عيلتك وعارف أبوك وعارف أنك قريب منى وعارف أخلاقك وعارف سمعتك أنا عوزك أنت قريب منى راجل بسيط بتستقبلنى كويس هتعملى خدمة ولا مش هتعملى خدمة ما زال مجتمعنا المصرى لما تعمل نظام النظام مهما كان مثاليا لا ينجح إلا بمقدار تعاطف الناس لو أنت حبت نظام قانون يطبق فى النرويج عظيم تطبقه فى مصرما ينفعش الحقيقة كنا فى صراع ما بيننا ما نعتقد أنه الأفضل وما نعتقد أنه القابل للتنفيذ ويرتاح له الناس فرحل لحين ما تبذل جهد أنك تقنع الناس بالمزايا ولهذا مطلوب منا جميعا أن نعيد دراسة هذا الموضوع ونفكر فيه جايز نعمل نسبة فردى ونسبة قايمة بس لازم تهيأ الناس وتشرح للناس مزايا هذا النظام لما نصل لدرجة انه نجد فيه إستعداد لقبوله هنا يمكننا الحديث على تعديل النظام بالقايمة
محمد صلاح : يبقى موضوع إستخدام العنف أثناء الإنتخابات والرئيس مبارك فيه كلمته للهيئة البرلمانية للحزب لوطنى أنتقد طبعا إستخدام العنف بالأضافة لمسألة إستخدام المال أمتى المواطن دكتورمفيد يقدريحس أونا نازل يروح ينتخب وممكن يرجع سليم ؟ عندنا تقريرقصير كده حوالين بعض مظاهر العنف فى الإنتخابات نشوفو حضرتك ونتكلم فى النقطة دى ؟
د/مفيد شهاب: قوى
تقرير
البلطجة من أهم سلبيات العملية الإنتخابية فى مصرإذا أتسع ظاهرة إعتماد المرشحين على إستئجار بلطجية لردع منافسيهم أو أنصارهم هوالمنظرالذى يتطور فى يوم الإنتخابات إلى إشتبكات يسقط فيها جرحى وربما قتلى حتى أن بعض المراقبين والخبراء عزوا ضعف إقبال المواطنين على الأدلاء بأصواتهم إلى الخوف من أعمال العنف شهدت إنتخابات مجلس الشعب الأخيرة إستخداما للبلطجية من قبل المرشحين على إختلاف إنتماءاتهم وذلك بحسب منظمات المجتمع المدنى التى راقبت العملية الإنتخابية وتحدثت دراسات عن إرتفاع أسعار إستئجارالبلطجية فى موسم الإنتخابات وشمول الفاتورة توابع هذه الممارسات مثل تكاليف العلاج وكفالة الحبس أوسجنه وقد حذرت اللجنة العليا للإنتخابات وزارة الداخلية من اللجوء إلى العنف والبلطجة خلال العملية الإنتخابية وأكدتا التصدى وبحزم لكل خروج عن الشرعية لكن هذه التحذيرات لم تكن وحدها رادعة للبلطجية ومن يستأجرونهم
محمد صلاح : هى عافية يعنى ولا أيه ؟ هو بالعافية ؟ مش عندنا قانون لمنع البلطجة وعندنا قانون عقوبات أصلا يعنى يجرم الإعتداء على الأخرين ووفقا طبعا لمظاهر الإنتخابات أن تكون متحضرة وحضارية وعدم اللعب فيها أو التدخل فيها أو إنتهاك إرادة الناس ما نمشيها سلسه أيه اللى بيحصل يا فندم ؟ وأمتى المظاهر دى توقف ؟
د/مفيد شهاب: لاشوف لاحضرتك يعنى دى أفال مأسمة قانونا عمليات إجرامية تشوه لغة الديمقراطية للأسف الشديد ولا يمكن لأى أنسان عاقل أو مواطن مخلص لأن يقبلها والحقيقة يعنى أنا متصورأنها بتسىء إلينا إساءة بالغة خصوصا بالنسبة للخارج صحيح أن بعض البلاد بيحدث فيها بعض مظاهرالعنف إنما هى ظاهرة للأسف بتحدث أكثرفى البلاد النامية خصوصا فى البلاد اللى بيبقى فيها نوع من العصبية زى بلدنا إنما ى مش بس العصبية العصبية اللى موجودة وعصبية العائلات وعصبية القبائل وعصبية تجمعات معينة إنما أيضا بعض الناس اللى بقت تصل لأكثرمن هذا انه يشتروا ناس مأجورين مهمتمهم إفساد عملية معينة
محمد صلاح : فيه حضرتك دلوقتى بقى فيه موضوعات فى الصحافة فى برامج التوك شو حاجات لطيفة جدا بيستضفوهم فى البرامج سنية تقفيل لجان ومحسن تسويد بطايق وبهجت خطف صناديق وبيعملوا معاهم موضوعات وحاجات لطيفة جدا
د/مفيد شهاب: ده كله شيىء محزن ومؤلم ويشوه صورة بلدنا ولا يرضى عنها أى مواطن بيحب بلده فأنا طبعا ضدها مليون ال 100 ولازم ناخد الموضوع بجدية أكترونتعاون جميعا حكومة ومجتمع مدنى وأحزاب ومواطنين فى القضاء على هذه الظاهرة بس علشان نحط كل شيىء فى حجمه برضه مش بس الإنتخابات دى أللى حصل فيها عنف بس المرادى وفقا لتقريراللجنة العليا للإنتخابات حصلت فى صورة ملفتة فى 16 دايرة دا كان فيه عنق قوى قوى وبلطجة جامدة قوى واللجنة قالت بالتفصيل ماذا حدث إنما حصل برضه عنف فى بعض الدواير أقل إنما عندك مثلا إنتخابات سنة 95 دى حصل فيها عنف غير عادى كان فيه عدد من القتلى تجاوز العشرات وكان فى جرحى تجاوز ال700 يعنى دى من أخطر الإنتخابات اللى حصل فيها عنف وبلطجة شديدة إنما سواء 95 أو النهارده فكله مدان لابد ان يطبق القانون بحبس وبقوة على كا من يخرج عن القانون
محمد صلاح : سياد الوزيرأيه رد فعلك على الخطوة اللى أتخذها بعض النواب السابقين من المعارضة أو من المستقلين بتأسيس برلمان سموه البرلمان الشعبى ؟
د/مفيد شهاب: عيب هذا موقف سياسى غيرجاد وأنا كنت أحب موقف سياسى أكثرجدية بأن الأحزاب تجتمع وتناقش تعترف بالإيجابيات اللى تمت تقول ملاحظاتها اللى موجودة تساهم فى الإصلاح ولننسى الأفراد اللى خسروا أيه يعنى واحد خسروواحد كسب إنما الأهم والأبقى هو الحزب
محمد صلاح : أسمحلى سياد الوزيرحتى لو لديه الإصرار على انه تم التزويرضده يواصل فى القضاء مش كده؟
د/مفيد شهاب: كل ما هو غيرقانونى حتى لوهدفك نبيل نحاول إصلاحه لابد أن تكون الوسيلة مشروعة لأن الغاية لا تبررالوسيلة الوسيلة مشروعة نعم والوسيلة أيضا لابد أن تكون مشروعة وأى وسيلة غير مشروعة لا يمكن قبولها ولا يمن أيضا أن يكون لها أى سند لا قانونى ولا معنوى
محمد صلاح : سيادة الوزيرالجرايد بدأت تكتب على حكاية التعديل الوزارى أيه الأخبار مش قريت معايا برضه ؟
د/مفيد شهاب: عادة لما بيجى موسم الإنتخابات بيطلع إشعاعات كتيرقبل الإنتخابات وبالذات بعد الإنتخابات فيه ناس بتكلم على انه فيه تعديل وزارى
محمد صلاح : طب أيه الأخبار بقى ؟
د/مفيد شهاب: الأخبار عند السيد رئيس الجمهورية دا سلطة مطلقة للسيد رئيس الجمهورية معنديش أى معلومات وإن غدا لناظره قريب هل هناك تعديل أم لا ؟ أيه حجم هذا التعديل ؟ كله هيبان كله هيبان
محمد صلاح : يعنى كلها كام يوم كده وهيبان قبل مؤتمرالحزب الوطنى أو بعده اللى مستنى يعنى حكاية التعديل الوزارى دكتور مفيد أنا بشكر سعة صدرك جدا وشرفتنى ونورتنى
د/مفيد شهاب: لأ دا أنا اللى أشكرك وفرصة سعيدة جدا
محمد صلاح : قال وزيرالشئون القانونية والمجالس النيابية الدكتورمفيد شهاب كلامه معانا النهارده بسعة صدركان كلام جميل كلام معقول أكيد كلام مسئول خلص الكلام سلام نلتقى فى الحلقة المقبلة