إزاي تشتكي علة إزاي تبات معلول وقلبك بقلب دول موصول ومغزي الكلام الوصول والوصل طبعه الدلال سكت ليه ياخال فينك يا أبنودي يا عب رحمن لا مغزي في سكوتك لا يغيب عن دربنا صوتك ولا بتغيبك أحزان ما عدش شيء يتقال ولاّ اللي شال أحمال نخ وقعت ليه في الفخ وسكت ليه يا خال يا آخر السلسال من عهد كانوا رجال كان لسه فيها جمال كان لسه ليها جمال وما عدش كلامك يا خال يتلقفوه العيال فيحنوا وعلي ذكر الوطن والناس غنوا وسكت.. يمكن أكون عذرك بس السكات لا ينتقص وزرك و ما عدش الكلام شافي ولكنه كان كافي يهز جوه مني حنين من إمتي صرت ضنين ولا الكلام أضناك أنا قلبي حسه ضناك يتهدهد علي صوتك لا مغزي في سكوتك لا يغيب عن دربنا صوتك ولا بتغيبك أحزان يا أبنودي يا عب رحمن كان شغلك الإنسان منين ما يكون وكيف ما كان وكانك اتخذته صراط حكاوة الناس البساط تجعل بساط الكلام احمدي يا أبنود يا كل مطرح كما أبنود علي الفتي الأسمر نحيل العود اشهدي كان الكلام جلي وبسيط كما حروفي يتلي ع الروح تنجلي فكأنه غزل صوفي فمن شوقي ومن خوفي لا تكل ولا تمل اللي في براح كلمته يلقي حراجي القط الأجير في حر الهجير.. ضلة وتتمد يد لأبو اسماعين ع شط القنال قله إزاي تشتكي علة إزاي تبات معلول وقلبك بقلب دول موصول ومغزي الكلام الوصول والوصل طبعه الدلال سكت ليه ياخال فينك يا أبنودي يا عب رحمن لا مغزي في سكوتك لا يغيب عن دربنا صوتك ولا بتغيبك أحزان