نفسي أحس بالأمان في بيتي

السلام عليكم ورحمه الله وبركاته تحية طيبة لكم على مجهودكم في الموقع، باختصار شديد في الموضوع الذي أحب استشارتكم فيه، أنا متجوزة من شهر وزوجي نظام شغله بره المحافظة وبييجي يومين في الأسبوع وبيسافر، وأنا قاعدة في شقة مستقلة في بيت مع والده ووالدته، والحمد لله هما كويسين معانا، لكن بقية الأسبوع هو سابني براحتي لو حبيت أروح لبيت أهلي في نفس المدينة في باقي الأيام اللي هو مش موجود فيها علشان ماقعدش لوحدي لأن أهله بيشتغلوا.
الصراحة أنا بيكون نفسي أقضي يوم أو يومين في شقتي وممكن أقضي اليوم لكن باجي على دخول الليل وباكون خايفة جدا من سماع أي صوت.
وفي أول أسبوع بعد زواجنا صممت أنام لوحدي يوم عشان أتعوّد، على الرغم إن والده ووالدته اقترحوا أنام معاهم عشان أكون مطمنة ولكن صممت عشان أتعود، ولسوء الحظ إن النور قطع وكان فيه إصلاحات في الشارع الفجر، ده اللي اكتشفته الصبح، وكانت ليلة صعبة عليّ جدا ومن يومها قررت إني مانامش لوحدي تاني.
الصراحة أنا نفسي أحس بالأمان في بيتي وإن ممكن أنام فيه لوحدي وده اللي ممكن أحسه في بيتنا عند أهلي.
ولكن من اللي باسمعه من حوادث سرقة وقتل خلاني مش باحس بكده في شقتي خالص.
ولكن لما جوزي بيكون معايا باحس بالأمان جدا، والحمد لله أنا قريبه من ربنا ومتأكدة إن ربنا هو الحامي، بس ده شعور غصب عني مع الجو المحيط بالحوادث اللي بتحصل حوالينا.
أتمنى معرفة نصيحتكم إيه اللي ممكن أعمله في الوقت اللي هو مش موجود فيه، وسؤال آخر إزاي ممكن أشغل باقي الأيام بحاجة خاصة بيّ تملى وقتي وأستفيد منها.

s_a


السلام عليك ورحمة الله وبركاته صديقة "بص وطل" العزيزة.. أما بعد..
تقولين إن شقتك في ذات بيت أهل زوجك، بمعنى أن هذا بيتا للعائلة له باب له مفتاح يكون مع كل واحد مفتاح ويغلق الباب في الساعة الثانية عشر ولا يفتح إلا في الصباح، وبذلك تطمئني أنك وراء بابين الأول باب شقتك، والثاني باب البيت الرئيسي.
ثانيا القرآن في البيت ضرورة وأنت بمفردك أو وأنت مع زوجك، المهم ألا تتكلمي، فالقرآن يحب المستمعين الفاهمين المتدبرين، فهو للحفاظ عليك من ناحية، ويطرد الشياطين من الجن من ناحية ثانية، ومن ناحية ثالثة سترددين معه فيكون صوتك أعلى من سمعك فلا تسمعين الأصوات التي توهمك بأن هناك من يتربص بك.
ثالثا يمكن تربية قطة على السلم تطعميها بيدك وتكون على باب شقتك تمنع عنك الشر، أو كلب، أو تنزلي لتنامي مع أهل زوجك، أو تصعد واحدة من أخواته لتنام معك، أو تأتيك أختك لتكون معك في أيام غياب زوجك.. مائة حل يمكن بها القضاء على هذه المشكلة، الأهم فيها هو أن الخوف ليس حلا، بل قد يصوّر لك الخوف خيالات، وأوهام أنت في غنى عنها.
أما مسألة قضاء الفراغ فيمكنك عمل الكثير من النافع الذي يعود عليك وعلى بيتك بالنفع، مثل تعلم التفصيل والخياطة، وأول إنتاجك يكون ملابس للبيت للبيبي إن شاء الله، ولك ولحماتك ولمامتك لأن ملابس البيت سهلة وواسعة والخطأ فيها يعلمك الصح في المرات التالية.
كذلك يمكن تعلم الكروشيه والتريكو وتطريز المفارش، وممكن تقرئي في التفسير وفي سيرة النبي صلى الله عليه وسلم، وممكن تتعلمي لغة تساعدي أولادك بها وتوفري فلوس الدروس لما هو أهم، وحاجات أخرى كثيرة، فكري فيما تحبين وستجدين.

لو عايز تفضفض لنا دوس هنا