«#احنا متراقبين» الأول على «تويتر»: عبدالرحيم علي هايبقى عنده شغل لحد يوم القيامة

تعليق: محتاجين أبلكيشن «مين زار بروفايلك».. والعودة إلى زمن الحمام الزاجل
‫علي خالد‬
سجل هاشتاج «#احنا متراقبين» على «تويتر» أعلى مشاهدة، وجاء في المركز الأول، وذلك بعد ما نشرته صحيفة الوطن عن مراقبة وزارة الداخلية لمواقع التواصل الاجتماعي، وسخر نشطاء على «تويتر» من الخطوة، واعتبروها عودة للقمع، والتدخل في الحياة الشخصية للمواطنين.
ومن أبرز التعليقات:
متراقبين بشكل علمي يعني ياخدوا المتراقبين من هنا يطلعوا معتقلين من النحية التانية وده قمة الإعجاز العلمي.
يعنى الدولة شايفة بتوع تويتر وفيسبوك قلة تافهة غير مؤثرة ملهاش قيمة في الحياة والسياسة وعشان كده حتراقبهم؟ شكلك فاهم يا نصة.
- ده عبدالرحيم علي هايبقى عنده شغل لحد يوم القيامة.
- قوم راقب الصعيدي وابن أخوه البورسعيدي والشباب الإسكندراني اللمة دي في أول كمين.
-العودة إلى الزمن الجميل .. الحمام الزاجل.
- بعد كده نقعد على تويتر بالإسدال.
اكتب رسالة لصديقك الفرنسي تخبره فيها عن وجود فرص عمل في مصر كمراقب تويتري.
يا أولاد عمتلتوا إيه حتى أتراقبتو يخرب بيوت شياطينكم.
كده لو حد زعلني اقدر أسلمه تسليم أهالي.
تخيل كده لو مسجون جنائي قديم في السجن وبيقولك أنت ممسوك في إيه ؟ و تقوله تويتايه تخيل رد فعله ليك.
يا عم أنت تتعب نفسك وتراقبني ليه أنا أديك الباسورد بتاعي واكتب أنت بمعرفتك بقى.
-طب كده محتاجين أبلكيشن «مين زار بروفايلك».
-لو موش متراقب تبقى مش من مستوايا.
المصدر : بداية