المغير : يدعو ثوار 25 يناير لزيارة ميدان رابعة العدوية

دعا الناشط الإخوانى أحمد المغير ، فى تدوينة له عبر"فيس بوك" ثوار 25 يناير لزيارة ميدان رابعة العدوية قائلاً : أوجه دعوة إلى رفاق وثوار ميدان التحرير القدامى لزيارة ميدان رابعة العدوية، حيث سيتم استقبالكم بكل الود والحب...دعوة صادقة من القلب إلى رفاق الميدان القدامي ممن فجعوا في ميدان التحرير أمس، بطلب منهم حاجة واحدة بس: تعالوا زوروا ميدان رابعة مبطلبش منكم تأيدونا ولا تغيروا رأيكم فينا ولا حتى بحاول أقنعكم متنزلوش يوم 30...مبطلبش منك غير انك تيجي الميدان وتشوف بنفسك وتشوف انت هتشعر بايه والناس هتستقبلك بأنهي ود وانهي حب، كنا في ال18 يومًا من كتر التشويه الإعلامي بندعو المصريين لأنهم بس ينزلوا يزوروا الميدان عشان يحكموا بنفسهم وده نفس الطلب اللي بطلبه منك تعالى رابعة، انت نزلت امبارح مع الفلول واطردت من ميدانك مش هتخسر أي حاجة لو عملت مجرد زيارة لميدان رابعة العدوية".