"السيسي" يوصي المصريين باختيار الأصلح في الإنتخابات الرئاسية المقبلة

أوصى الرئيس عبد الفتاح السيسى، الشعب المصري بأن يختار الأصلح ، ومن يأتمنونه على مستقبلهم ومستقبل أولادهم في الإنتخابات الرئاسية المقبلة، مؤكدا أنه لن يكون هناك حكراً على اختيار المصريين لرئيسهم القادم وأنه لن يسمح لفاسد بالاقتراب من هذا المنصب.
وقال فى جلسة "إسأل الرئيس" ضمن مؤتمر "حكاية وطن" موجهاً حديثه ل"المصريين": "ليه قالقانين إننا منستمرش على طريقنا فى التخطيط، يا إما انتوا متشككين فى التخطيط، يا إما انتوا متشككين فى القادم، هل التخطيط اللى موجود دلوقتى ل 2030 فيه تخطيط ممكن يتحط لأفضل منه هل إنتوا متخيلين إنكم ممكن تدوا صوتكم لأى حد".
وتابع: "تخيروا واختاروا وخليكوا حريصيين جداً جدا فى اختياركم، لا تعطوا صوتكم إلا لمن ترونه يستحق أنه يتولى أمركم".
واستكمل حديثه قائلا "أنا مش رئيس أنا إنسان زيكم جيتوا قولتوله تعالى خلى بالك، فيه إنسان كده أه فيه، لكن بعد كده لازم تختاروا كويس أوى إنتوا هتسلموه مستقبلكم ومستقبل أبناءكم".
وواصل: "أنا أكتر رئيس اتكلم مع شعبة فى الموضوعات المختلفة، كان ممكن الإعلام يقوم بالدور ده أو المسجد أو المدرسة، هل مصر متستحقش منك يا مصرى تقعد 10 أيام عشان تفكر وتختار، هل متستحقش منك توقف يومين فى الشارع عشان تختار، اختاروا جيدا بدل ما تقولوا اللى جاى هيعمل ايه، اللى جاء هيعمل بناء على اختيارتكم".
واستطرد: "أنا لو أقدر أمنع الفاسد إنه يتولى أمركم كنت منعته، وأنا عارف الفاسد مين، عارفهم كويس، ولكن لأمانة المسؤولية اللى هيقرب من الفاسدين من الكرسى ده يحذر منى، أنا مش هبقى حكر عليكم، لكن فيه ناس لن أسمح لهم بالاقتراب من الكرسى ده".
وأضاف: "يبقى أنا عارف إنه كان حرامى وفاسد واسيبه ربنا يحاسبنى، مش مش انتوا اللى تحاسبونى، لكن ناس أفاضل تختاروا منهم ربنا يا رب يوفقهم، مصر أعز وأشرف وأكبر من أن يتولاها ناس فاسدين".