بالفيديو.. السيسي عن مرشحي الرئاسة: فيهم ناس فاسدين لن أسمح لهم بالاقتراب من الكرسى

كتب - جرجس ميلاد:
طالب الرئيس عبد الفتاح السيسى، أن يختاروا في الانتخابات الرئاسية من يروه أفضل وقادر على تحقيق أحلامهم، مؤكدا أنه لن يكون حكرًا على اختيار المصريين لرئيسهم القادم فى الانتخابات الرئاسية، موصيًا الشعب بأن يختار الأصلح، ومن يأتمنونه على مستقبلهم ومستقبل أولادهم، محذرًا أنه لن يسمح لفاسد بالاقتراب من هذا المنصب.
وقال السيسى، فى جلسة "اسأل الرئيس" ضمن مؤتمر "حكاية وطن" موجهًا حديثه للمصريين": "ليه قلقانين إننا منستمرش على طريقنا فى التخطيط، يا إما أنتوا متشككين فى التخطيط، يا إما أنتوا متشككين فى القادم، هل التخطيط اللى موجود دلوقتى ل 2030 فيه تخطيط ممكن يتحط لأفضل منه هل أنتوا متخيلين إنكم ممكن تدوا صوتكم لأى حد".
وتابع: "تخيروا واختاروا وخليكوا حريصيين جداً جدا فى اختياركم، لا تعطوا صوتكم إلا لمن ترونه يستحق أنه يتولى أمركم، لانكم بتسلموه مستقبلكم ومستقبل أولادكم والتقييم في ايديكم انتوا"، مشيرا إلى أن مصر تستحق ان يفكر المواطن في
رئيسها ويشارك في الانتخابات الرئاسية.
وأضاف : "أنا أكتر رئيس اتكلم مع شعبة فى الموضوعات المختلفة، كان ممكن الإعلام يقوم بالدور ده أو المسجد أو المدرسة، هل مصر متستحقش منك يا مصرى تقعد 10 أيام عشان تفكر وتختار، هل متستحقش منك توقف يومين فى الشارع عشان تختار، اختاروا جيدا بدل ما تقولوا اللى جاى هيعمل ايه، اللى جاء هيعمل بناء على اختيارتكم".
واستطرد: "أنا لو أقدر أمنع الفاسد إنه يتولى أمركم كنت منعته، وأنا عارف الفاسدين، عارفهعم كويس، لكن لأمانة المسؤولية اللى هيقرب من الفاسدين من الكرسى ده يحذر منى، أنا مش هبقى حكر عليكم، لكن فيه ناس لن أسمح لهم بالاقتراب من الكرسى ده".
وأضاف: "أنا ابقى عارف إنه كان حرامى وفاسد واسيبه ربنا يحاسبنى، أنه كان فاسد واجيبه، مش مش انتوا اللى تحاسبونى، لكن ناس أفاضل تختاروا منهم ربنا يا رب يوفقهم، مصر أعز وأشرف وأكبر من أن يتولاها ناس فاسدين".
شاهد الفيديو: