"مهرجان البوسة" بجامعة القاهرة يثير جدلًا على مواقع التواصل الاجتماعي

متابعات :دشن رواد موقع التواصل الاجتماعي "فيس بوك" "إيفنت" يوم 31 دسيمبر 2015 تحت عنوان "مهرجان البوسة".
وكتب أصحاب الدعوة: "قبل ما تكتب بوست شبهك وتظهر بيئتك الزبالة افهم الكلام وبعدين اتكلم.. واللي هيتكلم بأسلوب غير لائق هيطلع برا".
وتابعوا: "مهرجان البوسة بجامعة القاهرة ب"ساحة كلية التجارة" يوم الخميس 31 ديسمبر".
وأضافوا: "دلوقتى هنعمل حاجة احنا شايفنها صح إننا ندعى كل اتنين مرتبطين أو مخطوبين عشان يعبروا عن حبهم لبعض سواء من خلال هدية أو أقل حاجة ممكن تتعمل للإنسان اللى بنحبه وهى البوسة على خده".
وواصلوا: "اللى جى معانا يعمل جوينج للإيفنت غير كده ملوش دعوة بينا، ومحدش هيقدر يمنعنا، احنا هنرفع شعار "أنهى 2015 ببوسة لأغلى حد عندك" حتى لو من بعيد هننهى السنة ببوسة لبعض وتعبير عن الحب لأقرب وأعز الناس علينا واللى مش عاجبه يخبط دماغه فى الحيط".
واختتموا: "هنستناكوا يوم 31 ديسمبر الساعة 3 العصر بساحة كلية التجارة بالجامعة وسيبك من التفكير الرجعى وأصحابه".