حوار استفسارات الشعب الغاضبة موجهه للمجلس العسكرى ولحكومة شرف

بقلم علاء الغندور
بداية نحن نبدى إحترامنا الكامل للمجلس الأعلى للقوات المسلحه ونرفع لهم القبعة إحتراما و تقديرا لمواقفهم الإيجابية العظيمه كما نبدى إحترامنا الكامل لحكومة د.عصام شرف على مواقفها العظيمه ولكن..!!!هناك تساؤلات يبديها ابناء الشعب على مقهى المحروسة ويبحثون لها عن إجابات ونحن نرفعها للمسئولين فى المجلس العسكرى ولحكومة د.عصام شرف كما يلى عشان يردوا عليها:
مواطن 1 :انا مش فاهم ليه ما سمعناش عن محاكمات اللى فتحوا السجون للمساجين و هرّبوهم ومنهم سجين هرب و سافر غزه ؟؟؟؟!!!!و محدش فهمنا ازاى ده حصل؟؟؟!!!
وما سمعناش عن محاكمة الظباط اللى قتلوا الثوار وعن محاكمة المسئولين اللى أمروهم؟
مواطن 2: انا عايز حد يفهمنى..ليه نطبطب على رموز الفساد ونسيبهم أحرار ونايمين فى بيوتهم وهمه السبب فى الفساد اللى حصل فى مصر زى صفوت الشريف و زكريا عزمى وفتحى سرور واحمد نظيف و حاتم الجبلى و ابراهيم كامل وعثمان محمد عثمان ومحمد ابراهيم سليمان و غيرهم؟؟؟!!! ومين اللى سمح ليوسف بطرس غالى بالهروب؟؟؟!!!
مواطن 3: وسايبين حسنى مبارك ومراته واولاده جمال وعلاء ليه عايشين براحتهم وبيعملوا مؤمرات عشان يرجعوا تانى وقاعدين بيخربوا فى البلد وكل يوم يعملوا مصيبه سوده وثورة مضاده لثورة 25 يناير الطاهره؟؟؟!!!
مواطن 4: ما ينفعش نطبطب على اللى دبحونا من الخونه من نظام مبارك البائد و بتوع الحزب الوطنى اللى راقدين فى الدره و بيخططوا ياخدوا الحكم تانى!!!!
مواطن 5 : انا خايف اننا نفضل ساكتين عليهم كده وفجأة نلاقيهم مسكوا الحكم تانى وولعوا فينا و حرقوا البلد!!!!
مواطن 6 : ده فيه شوية محاميين خونه رفعوا قضيه ادام مجلس الدوله عشان مبارك يرجع تانى بحجه انه ما كملشى مدة حكمه...شفتوا البجاحه؟؟؟!!!!!
مواطن 7:صحيح اللى إاختشوا ماتوا..الناس دى اتعودت تكون فاجره و ما بتستحيش و المسئولين فى الحكومه بيتعاملوا معاهم بمنتهى الحنية..الكلام ده ما ينفعشى!!!!
مواطن 8:الناس دول ما ينفعشى معاهم ديمواقراطيه..دول عايزين ديكتاتوريه!!!!
مواطن 9:لازم الجيش يقبض عليهم كلهم..على الأقل نسلم من شرهم و من مؤامراتهم
مواطن 10:و بعدين همه سايبين المحافظين القدام ليه و رؤساء الجامعات التابعين لنظام مبارك ليه وسايبين معظم القيادات الأمنيه ليه؟وسايبين عصابتهم اللى فى المحايات ليه؟؟!!
مواطن 11: انا مش عارف همه بيحموا عميد كلية الأعلام ليه؟ رغم انه المخطط للحملة الأعلامية للحزب الوطنى فى الأنتخابات..يعنى متواطئ و عميل لنظام مبارك الفاسد؟؟!!
..لأ و كمان المدرعات و لأول مره تدخل جوه الكليه عشان تحميه؟؟؟؟!!هوه ايه اللى بيحصل بالظبط؟؟؟؟؟؟؟؟؟؟؟؟؟؟؟؟؟؟!!!!!!!!!!!!! حد يفهمنى يا ناس.!!!!!!!!!
مواطن 14: والدكتور يحيى الجمل اللى ماسك ملف الصحافه وملف الأعلام..مش عايز يخلص المواضيع المهمه دى ليه؟؟؟ دى مواضيع ما ينفعش فيها الحنيه و الطبطبه..لازم قرارات حاسمه و حازمه...عايزين انجاز يتعمل ونشوفه..مش طول اليوم مقابلات تليفزينيه!!!
مواطن 15: دول مفيش فايده فيهم و مش هينصلح حالهم..الفساد و الأجرام بيجرى فى دمهم..يعنى اللى عملوه فينا بط بط لازم نعمله فيهم وز وز..ده حتى طباخ السم بيدوقه..يبقوا يجربوا من اللى كان أمن الدوله بيعمله فينا!!!!
مواطن 16:و ازاى سايبين جمال مبارك يجتمع بفتحى سرور و زكريا عزمى عينى عينك كده فى نادى فى وسط البلد و لا حد بيقول لهم انمتوا فين و لا بتعملوا ايه؟؟؟؟!!!!!!!
مواطن 17 : الناس دى لو رجعت الحكم تانى هتضربكم بالنار و مش هيرحموكم..يعنى اتقوا الله فى مصر و حاكموهم كمجرمين و بلاش الخيبه التقيله اللى انتوا فيها دى!!!!