ردا على تهكمه على مقتل العميد أحمد زكي .. رانيا بدوى ل"المغير": "انت مش بنى آدم"

هاجمت الإعلامية رانيا بدوى، أحمد المغير القيادى بجماعة الإخوان المسلمين، بسبب شماتة الأخير من استشهاد رجال الشرطة، واصفة إياه بالغافل عن الدين، والضال عن كل ما له علاقة بالشرع والإنسانية.
وقالت بدوى فى برنامجها "فى الميدان" على قناة "التحرير" مساء اليوم: "إنه لا يمكن أن نطلق عليه شخص لأنه ليس بنى آدم، ولا يحسب أصلاً إنسان" مضيفة: "ربنا يجعل دعوة أم محروق قلبها على ابنها اللى اتقتل على أيدكم من نصيبك".
كان أحمد المغير قد تهكم عبر صفحته على موقع "فيس بوك" على شهيد الشرطة العميد أحمد زكى، الذى لقى مصرعه فى انفجار عبوة ناسفة تحت سيارته بمدينة 6 أكتوبر، صباح الأربعاء، قائلاً: "ما شاء الله الشباب بدأوا يبدعون، أهو بدل ما يحرقوا سيارة الظابط بقوا بيحطوله تحتها هدية بتتفتح بس بعد ما يركب السيارة، العميد فى الأمن المركزى اللى بيتعامل مع المظاهرات بالرصاص الحى وبيئسر الشباب، فطس من شويه، فى تفجير سيارته أول ما ركبها فى 6 أكتوبر".
وأضاف: "دلوقتى يا حضرة الظابط تعمل حسابك فى جملة الحاجات اللى تعمل حسابك فيها تفتش عربيتك كويس قبل ما تركبها لحسن يكون حد حاطط لك فيها هدية متفجرة، أنا لو منك منزلش من بيتنا أساسًا، يعنى الأول كنتوا بتفطسوا برصاصة وبعدها بسيارة مفخخة فى شغلك ودلوقتى سياراتكم بتنفجر بيكم وبتفرتكم، رايحة بينا على فين يا مسر، اللهم شماتة فى الظالمين، القصاص حياة، لا حل إلا بالسلاح"