بحلم بيوم ...!!!

طول عُمرى بحلم بيوم ... إنى أشوف بُكره .....
جايلى ومعاه كتير .... وإمبارح يبقى ذكرى ....
ويكونلى بيت صُغير .... أحلامى فيه بتكبر ....
وأبات ليلى فى أمان ... وأنام من غير ما أفكر ...
والبال يكون مرتاح .... وأصحى على أفراح ....
ويتغير لحال ... الحال ... ويزيد فى إيدى المال ...
وأدى لكل الناس .... من غير ذُل السؤال ...
لكن وهأعمل إيه ....؟؟؟ الدُنيا أهى معانده ...
يمكن بتدى الخير ..... لكن كتير واخده ....
وكل ما أقول خلاص ،،، أحلامى أهى إتحققت ...
ألاقى الظروف ضدى ... وقفالى ع الواحده ...!
بسطت أنا كفى ....
ودعيت لرب الكون ....
يرزُقنى مال وبنون ...
ويرزُقنى حُب الخير ...
بحق ...!!!
كُن فيكون ....
آمين