كان عندى قلب طيب ...... بقلم / محمد المصري

كان عندى قلب طيب
علمتو خلاص الأسيه
بقى خالى من الحنيه
ه علمه الغدر والخداع
ه علمه يدوس ع اللى باع
ه علمه ينسى كلمة أحباب
مش بعيد ينسى كمان الصحاب
ما بقتش تفرق خلاص
قتلت جوايا الإحساس
بقى خالى من الناس
راحت ناس وهاتيجى ناس
واللى يعيش ياما يشوف
الوان منقوشه على الوشوش
كان عندى قلب طيب
يالى خدعتنى فيك
خبيت ليه عينيك
إجرحنى أنا قصادك
بلاش تقفل فى وشى بابك
خلينى أشوف حقيقتك
إرسم صورتى على مرايتك
تفكرك بنهايتك
قريب هاتخلص حكايتك
كان عندى قلب طيب
الدنيا دى مباراه
الطيب فيها غلطان
وفى الأخر يطلع خسران
اللئيم والبايع كسبان
مش غريب يا إنسان
كان عندى قلب طيب
قريب من كل الناس
نسى الطيبه والناس
نسى حتى الإخلاص
وزمان كان عندى قلب طيب