أنا لا انا سلفي ولا أخوان .......... قصيده بقلم ايات محي

أنا لا انا سلفي ولا أخوان
انا مصري بجد ومن حال بلدي حقيقي تعبااااااان
أغتصبوا فكري عنوة
ورأيي صبح ملوش لازمه وأتهان
أنا لا انا سلفي ولا أخوان
انا مصري بجد ومن حال بلدي حقيقي تعبااااااان
................
أغتصبوا فكري عنوة
ورأيي صبح ملوش لازمه وأتهان
ولما ايدت رئيسي قالوا عني أكيد دا سلفي او أخوان
وأخويا اللي عارض قالوا عليه دا كافر
أكيد واخد رشوه دا فلول وخان
آااااااااااااااااااه بلدي غلوا فيكي كل حاجه
ومازال شعبك رخيص متهان
يابلد الجوامع والكنايس
فين أجراسك فين الاذان
فرقونا يابلدي طوائف
مسيحي ، مسلم ، سلفي ، ........... و أخوان
أول مره أحس أني مش عارفه أكتب وقلمي مشلول
وشويه وينطق أبو الهول
حادث ف حادث ، أنهيار ف أنهيار وقطار ف قطار
طفح بيا الكيل و زاد في حلقي طعم المرار
خايفه أصحى في يوم الاقي الاهرامات واخده تاشيرة هجره
وأبو الهول هربان
كلا يبكي على ليلاه والشعب هو الخسران
خدوا رأيي مني وحرفوه
ومستقبلي فيكي بيحرقوه
ملعون الجهل وملعون ابوه
لما اللي يأيد يكرهوه واللي يعارض يكفروه
واللي يادوبك كل ذنبه انه مواطن على ارضك يابلدي
بأهمالهم بيقتلوه وعزيزك بيشردوه
كلمتين انا نفسي أقولهم
لا انا غشيم ولا انا جاهل ولا بطلب صدقه وعشمان
عايش عشانك ولا عشتش لغيرك يا بلدي
يبقى ملكي كل خيرك
انا لا انا سلفي ولا أخوان
انا مصري بجد ومن حال بلدي حقيقي تعبان