عمار يا مصر....ماينوب المخلّص

نزلت بعد الحصص عند الفراش أشترى حاجة ساقعة
لقيت كوم بنات وصبيان ملمومين زى العواطلية أصل مدرستنا مشتركة
فين فصولكم فين حصصكم فين مدرسينكم...فين....؟ خليكى فى حالك
طيب
خلينا فى حالنا
وإشترينا الحاجة الساقعة وماشيين
وأبص ألاقيلك شتيمة متنقية وشرشحة على أعلى مستوى
وهوووب .....
البنات مسكت فى بعضها والصبيان وقفت تشجع اللعبة الحلوة
وباعتبار انى مدرسة محترمة تدخلت لفض الاشتباك
رحت واخدة مقلب حرامية وشكوى موجهة للوزير ووكالة الوزارة
واللى يتشددلهم واتهامات انى ضربت البنية الغلبانة
وسببتلها حالة نفسية أثرت على مستقبلها الدراسى
وأصابتها بهلاوس مروستانية ليلية ونهارية
وقالى المدرس الفلانى :انتى غلطانة لانك حاولتى تفضى الاشتباك
المفروض كنت قلتى: عدّونى الأول وبعدين إتخانقوا!!!؟؟؟؟