"مرتضى" مهاجما "طاهر" بسبب الأولتراس : "دول أنجاس يا دكر"

هاجم رئيس نادي الزمالك المستشار مرتضى منصور، رئيس النادي الأهلي محمود طاهر، بعد قرار الأخير بفتح بوابات ناديه أمام الجماهير وأولتراس أهلاوي، قبل لقاء القمة المقرر الاثنين المقبل.
وقال "منصور" خلال مقابلة خاصة مع برنامج "الملاعب اليوم" المذاع على فضائية "الحياة 2": "عمري ما هسمح بدخول الأولتراس للمدرجات تاني طول ما أنا عايش، ومش هخاف من ضرب النار لأن أنا قلبي قلب أسد، ودول نجسوا المدرجات، وبعدين يا طاهر، حسين السيد يشتم المدير الفنى ويبصق عليه ومفيش عقوبات".
وأضاف: إذا كانت الدولة أصبحت ضعيفة، وبيخافوا منهم كده، أنت بقيت راجل برافو يا محمود يا طاهر إنت كده رئيس نادي دكر كده يعني، وأنا راجل دولة ومفيش مخلوق من الأولتراس هيخش أي ماتش للزمالك.
ووجه منصور، رسالة إلى جماهير ناديه، قائلا :"بطمن نادي الزمالك أننا الأقرب بأن نكسب، ومفيش جامايكا وهنلعب راجل لراجل"، مضيفا أنه اجتمع باللاعبين وتحدث معهم عن صرف المستحقات المتأخرة يوم الأحد بسبب وصول الأموال من الشركة الراعية.