"الله عليك يا بدوى وأنت منور".. قصيدة فاطمة المصرية دعمًا "الوفد"

تنشر "بوابة الوفد"، قصيدة الشاعرة فاطمة المصرية، من أبناء محافظة القليوبية، لدعم حزب الوفد، وتأييد رئيسه الدكتور السيد البدوى.
وجاء نص القصيدة كالتالي ..
مبروك عليك يا وفد .. تجديد الثقة من جديد
ومبروك علينا الراجل .. صاحب الإرادة العنيد
و الله عليك يا بدوي .. وانت منور وسطينا .. زى هلال العيد
وحزب الوفد مش اى كلام
الوفد تاريخ ومكانه ومقام
ويكفي إن رئيسنا قعد معانا واهتم .. ياسلام
والوفد حزب على القمة
وتاريخه السياسي له ثقل .. ما هو حزب كل الأمة
وأجيال تسلم أجيال .. وحزب الوفد له دور فعال
وياكُلّ مصرى ومصرية .. دوركم مهم وله أولويه
وخصوصا.. فى المرحله اللى جاية
عاوزين نعدي بمصر .. من الأزمة ديه
حزب الوفد
الله عليكي يا مصر عظيمة دايماً .. بولادك المخلصين
واسألوا التاريخ عن شعراوى وسعد.. وغيرهم من المؤسسين
و التاريخ يشهد .. عن عبقرية الوفديين
دا أول حزب .. يجمع شمل المصريين
ويدوب الهلال والصليب .. فى وحده وطنية من سنين
حزب الوفد تاريخ ومكانه .. سايب بصمة سايب علامة
بنتجمع سوا فى بيت الأمة .. ما هو حزب الوفد على القمة
والعراقة ليها ناس .. رحمه ونور على النحاس
واساسك يامصر متين .. تحية تقدير لفؤاد سراج الدين
ويمر زمن ويروح أوانه.. والوفد ثابت فى مكانه
وخد معايا وهات وإدى .. فى وجود السيد البدوى
راجل جد وعنده إراده .. قايم بدوره وزياده
وياكل وفدي ووفديه .. دوركم مهم وله أولويه
وخصوصاً.. فى المرحله اللى جايه
مش عاوزين .. شعارات حزبيه
حزب الوفد له شعبيه
وأجيال بتسلم أجيال .. وحزب الوفد له دور فعال
مصر محتاجه التعمير .. ومع ريسنا فى تغيير
وايدك فى إيدي وابنى بجد .. ما هو دا حزب الوفد
الشاعرة - فاطمة المصرية