فيديو.. خالد الجندى: "ريهام سعيد عاملة زي فتاة الشازلونج"

هاجم الشيخ خالد الجندى الداعية الإسلامي الإعلامية ريهام سعيد بعد مهاجمتها له خلال حوارها مع الإعلامية منى عبد الوهاب فى برنامج "مصارحة حرة "على فضائية "ten" قائلة :"شاغل نفسه بالبرامج، وسايب الدين وبيكره أبله فاهيتا".
ووصف الجندى ريهام سعيد ب"فتاة الشازلونج" ، قائلا:" انتو فاكرين فتاة الشازلونج ذات الأربعين وجه، اللى بتطلع رقاصة فى مسرحية وممثلة بسيجارة فى تمثيلية اللى تلاقوها فى الصعيد بتضحك على الناس الغلابة وتقولهم فى عفاريت".
وأضاف الجندى فى برنامج "نسمات الروح" الذى يقدمه على فضائية "الحياة"، إن فتاة الشازلونج لها تعليق غريب جدا أوقفنى عندما قالت إن الشيخ لابد أن يتفرغ للدين وليس من حقه أن يعلق على البرامج الأخرى.
وسخر الداعية الإسلامى من تصريحاتها ،قائلا:"تخيل الرقاصات بينصحوا الشيوخ بشغلهم، والله أمر يدعو إلى العجب".
ووجه الجندى سؤالا لريهام سعيد قائلا:"حضرتك عماله تدينى أراء فى الدين والجن والعفاريت والحرايق ومش عاتقة أراء فى التاريخ البيزنطى ولا الإسلامى إلا بتقول رأيها فيه، ودى ناس بتستخف بالعقول وبضمائر الغلابة علشان سبوبة، وبدليل إنها بتقول أنا النجمة الأولى فى العالم والكلام الخايب اللى بنسمعه ده".
ووجه الجندى رسالة للإعلامية ريهام سعيد قائلاً: "أنا بعترف بالجن ومش بنكره زى ما انت بتقولى لأن منكره كافر، إحنا بنطلب منك أنك تستمرى كإعلامية تخدمى الوطن والمجتمع، إنما تطلعى وتقولى رأيك فى الدين دة كلام مينفعشى، ونتوسل إليك اتقى الله فينا فى رمضان وبلاش السبوبة بتاعتك دى والدجل والشعوذة إللى على الهواء فى الشهر الكريم".
شاهد الفيديو