هاشتاج كلب شارع الأهرام يتصدر تويتر

احتل هاشتاج كلب شارع الأهرام الصدارة على موقع التواصل الاجتماعى تويتر احتجاجًا على طريقة القتل البشعة التى تعرض لها الكلب بمنطقة شارع الأهرام بشبرا الخيمة.
فيما عبر كل ناشط عن رأيه فى الهاشتاج بطرق مختلفة منها" من خلال هذه الحادثة أنا بقى عندي يقين إن الحيوانات بقت عندها إنسانية ووفاء عن ما يمسى البني آدم" ، " فيديو كلب شارع الأهرام مفيش كلام يوصف اللي فيه، وإن دل على شيء يدل على أن مصر بقى فيها كمية مرضى نفسيين ميتسكتش عليهم" ، " الكلب مات راجل والراجل عاش كلب وعجبي على شارع أرجل ما فيه كلب" ، " لما تعرف إن الشباب اتفقوا إن حل المشكلة هو قتل الكلب ها تعرف أد إيه انحدار المستوى العقلى اللى وصلنا له" .
وقال آخرون:" كلب شارع الأهرام وقبلها قطط نادى الصيد هتقولى ما البشر بتموت عندنا هقولك الحيوان الأبكم على الأرض عندك أمانة ربنا حَرَمه من العقل وإداهولك" ، " القتل جزاء الوفاء، حكاية كلب بميت راجل" ،" مش غريبة إن كلب شارع الأهرام الوفي يدافع عن صاحبه للنهاية والخاين يبيعه بهذه السهولة. الوفاء ليس من طبع البشر إنما من أسمى صفات الكلاب!.
وكان من التعليقات الساخطة على منتقدى ظهور هذا الاهتمام للحادثة " لو حد اتكلم عن إن موضوع الكلب هيافة رد عليه وأقوله ربنا خلقنا كبشر خلفاء له في الأرض نصلحها ونعتني بها ولا نفسدها"،" اللى مرباش كلب مايعرفش يعنى إيه حب و إخلاص ووفاء ميعرفش إن الكلب الجدع ب 100 راجل من اللى تعرفهم".