لميس ل"المخترع الصغير": عنك ما رجعت

شنت الإعلامية لميس الحديدى، هجوماً حاداً على عبد الله عاصم المعروف بالمخترع الصغير، بعد رفضه الرجوع لمصر وبقائه فى أمريكا بعد انتهاء المسابقة التى شارك فيها.
قالت الحديدى، خلال برنامجها "هنا العاصمة" الذى تقدمه على فضائية "سى بى سى" مساء اليوم "مصر فيها آلاف أفضل من عبد الله، وأجدع وأنضف من عبد الله وأهله عرفوا يربوه عن عبد الله" مضيفة "هو كان مرتب مع أمريكا، مش غلطتنا إننا دافعنا عن مبدأ وطلع هو معندوش مبدأ.. راح عبد الله؟ فى ستين سلامة.. مصر فيها اللى يستاهل يعيش في البلد أكتر منه، انت مش شايف إنها بلد تستاهل إن شاالله عنك ما رجعت.. ما يستاهل نصرف مليم عشان نرجعه".
أضافت الحديدى، أنه ليس خطأها أن تدافع عن أشخاص ثم تكتشف أنهم عملاء وخونة، موجهة له رسالة "كفاية إن عمرك ما هترجع مصر، فضل هناك أو روح قطر، ده مصيرك ومصير أهلك كمان".
شاهد الفيديو: