مواطنة ل"الدمرداش": "إنتوا فاكرينا هُبل؟"

انفعلت مدرسة تدعى "سامية"، على معتز الدمرداش، مقدم برنامج "مصر الجديدة"، الذى يعرض على قناة "الحياة 2"، بعد أن طلب منها مراسل البرنامج إبداء رأيها فى حظر حركة 6 أبريل.
وبدأت السيدة حديثها بانفعال قائلة "هو إنتوا فاكرين الشعب ده أهبل ومبيفهمش، إحنا فاهمين وواعين وعارفين كل حاجة، عارفين أن كل اللى شارك فى 25 يناير هيتقبض عليهم ويترموا فى السجون".
طالبت السيدة مراسل البرنامج، ومقدمه "الدمرداش"، بألا يتدخلا لمقاطعتها وأن يذيعا كل ما تقوله على الهواء، دون مونتاج.
وتوجهت إلى المسئولين قائلة "جبتولنا إحباط، مش كل اللى بيعارضكوا إخوان، مش كل الناس إخوان، الناس اللى كرهت البلد وعايزة تسافر، وتلامذتى اللى عايزين يهاجروا مش إخوان، إنتوا إلى جبتلونا إحباط".
كما اتهمت سامية، الإعلام بأنه يضلل المواطنين ويمنيهم بأمان كاذبة قائلة "أنا مابحبش أظهر فى الإعلام والكلام الفاضى ده، الإعلام زيه زى المسئولين بس أنا كان لازم أقول اللى جوايا".